AZOH: “Fukusima-1” atom elektrik stansiyası yaxınlığında dəniz suyunda radioaktiv maddələrin səviyyəsi normadan 1250 dəfə artıq olub.

APA-nın məlumatına görə, analiz üçün su nümunələri AES-in 300 metr uzaqlığındakı mənbədən götürülüb. Son zamanlar dəniz suyunun radioaktiv çirklənmə səviyyəsi sürətlə artmaqdadır. Martın 22-də bu göstərici normadan 126 dəfə çox olub. Bundan başqa, Fukusima prefekturasında becərilən kənd təsərrüfatı məhsullarında da radioaktiv maddələrin həcmi normadan artıq qeydə alınıb. Bir sıra ölkələr, o cümlədən Rusiya Fukusimadan kənd təsərrüfatı məhsullarının idxalını dayandırıb. Yaponiya hökuməti də bu bölgədən kənd təsərrüfatı və süd məhsullarının digər regionlara ixracına qadağa qoyub. Martın 23-də isə Tokioda içməli su kəmərlərindən götürülən nümunələrdə radioaktiv yod aşkarlanıb. Hələlik paytaxtda içməli suyun çirklənmə səviyyəsi insan həyatı üçün təhlükə törətməsə də, rəsmi qurumlar bu sudan uşaq yeməklərinin hazırlanmasında istifadə etməyi məsləhət görürlər.

APA