آلمانین کؤلن شهرینده گونئی آذربایجان میللی آزادلیق جبههسینین (گاماج) ایکینجی قورولتایی حاقیندا بیلدیری
گونئی آذربایجان میللی آزادلیق جبههسینین ایکینجی قورولتایی ۲۰۱۲-جی ایل ژانویه نین ۷- ۸-ده کؤلن شهرینین “یووته هوستئل” (گنجلر ائوی) بیناسیندا کئچیریلدی.
دونیانین موختلیف اؤلکهلرینده یاشایان آذربایجانلیلارین قاتیلدیغی قورولتای گونئی آذربایجان میللی حکومتینین هیمنی و گاماج باشقانی پروف. قولامرزا صبری تبریزینین سلاملاما چیخیشی ایله باشلادی. قورولتایین آپاریلماسینی گاماج باشقانی پروف. قولامرزا صبری تبریزی ژاله خانیم تبریزییه هواله ائتدی. ژاله خانیم تبریزی گاماج-نین ایداره هئیتی عضولرینی تریبونایا دعوت ائدهرک قورولتای ایشتیراکچیلارینا تقدیم ائتدی. بوندان سونرا جبههنین ۱۶ آیلیق فعالیتی ایله باغلی هازیرلانیش حسابات صادق ایسابیلی، ماشاللاه رزمی، ژاله تبریزی طرفیندن ایشتیراکشیلارین دقتینه چات دیریلدی، گؤرولن ایشلرله باغلی گئنیش آچیقلاما و رسمی سندلر تقدیم اولوندو. بوندان سونرا ایشتیراکچیلار جبههنین گؤردوگو ایشلرله باغلی سواللار وئردیلر و گلهجک ایشلری بارهده اؤز فیکیر و تکلیفلرینی ایرهلی سوردولر.
سونرا بوتون ایشتیراکشیلارا پایلانمیش گاماج-نین اساسنامه و نیظامنامهسی، اونا ائدیلن بعضی علاوه و دئییشیکلیکلر موذاکیرهیه چیخاریلدی. قورولتای ایشتیراکشیلاری طرفیندن وئریلن بعضی تکلیفلر ده نظره آلیماقلا اساسنامه و نیظامنامه آچیق سسوئرمهیه چیخاریلدی و س اسچوخلوغو ایله قبول اولوندو. فاصیلهدن سونرا یئنی ایداره هئیتینین سئچیلمهسی مقصدیله جبههنین اوولکی ایداره هئیتی عضولری ایستعفا وئردیلر. یئنی ایداره هئی اتینین سئچیلمهسی اوچون بئهروز هققی و فرامرز قولوزادهدن عبارت قروپ معینلشدی. یئنی ایداره هئیتینه عضو اولماق ایستهین ایشتیراکچیلار اؤز نامیزدلیکلرینی ایرهلی سوردولر. گیزلی سسوئرمه یولو ایله آشاغیداکی شخصلردن عبارت جبههنین یئنی ایداره هئیتی سئچیلدی:
۱. پروف. قولامرزا صبری تبریزی
۲. احمد اوبالی
۳. ماشاللاه رزمی
۴. بئهروز هققی
۵. صادق ایسابیلی
۶. دؤکتور اییوب قانئیی
۷. نادیر تارک
۸. احمد علیزاده
۹. فرامرز قولوزاده
۱۰. دؤکتور آراز سولئیمانی
۱۱. آراز موغانلی
۱۲. ستتار ایسلامی
۱۳. علی محمدی
ایه سئچیلدیکدن سونرا قورولتایین ایلک ایش گونو باشا چاتدی. تدبیر موسیقی پروقرامی ایله داوام ائتدی.
گونئی آذربایجان میللی آزادلیق جبههسینین ایکینجی قورولتایی نؤوبتی گون ۸.۱.۲۰۱۲ تاریخده داوام ائتدی و قورولتای ایشتیراکچیلارینا حبسده اولان میللی فعاللارلا باگلی، اورمو گؤلو، همچینین جبههنین ایکینجی قورولتایینین سیاسی قطعنامهسی اوخوندو. هر بیر قطعنامه آیری-آیریلیقدا موذاکیره ائدیلدی و آچیق سسوئرمه یولو ایله قبول اولوندو. بوندان سونرا گونئی آذربایجان میللی آزادلیق جبههسینین گلهجک فعالیتی، گونئی آذربایجان میللی آزادلیق حرکاتیندا تشکیلاتلانما، تشکیلاتلاراراسی ایشبیرلیگی، آذربایجان تشکیلاتلارینا عضولرین جلب اولونماسی و آذربایجان میللی حرکاتی ایله باغلی دیگر اؤنملی مسئلهلر قورولتایدا موذاکیره اولوندو، قورولتایا اونوانلانمیش تبریک مکتوبلاری اوخوندو.
قئید ائدک کی، قورولتای ایشتیراکچیلاری ایچریدکی آزه ربایجان میللی فعاللارینین حاقلی موباریزهسینده اونلارلا بیر اولدوقلارینی نوماییش ائتدیرمک مقصدیله
قورولتای سالونونون اؤن سیرالارینا گونئی آذربایجان میللی آزادلیق موجادیلهسینین شهیدلرینین خاطرهسینه، بو یولدا آغیر حبس و ایشگنجهلره معروض قالان میللی فعاللارین حاقلی موباریزهسینه دستک علامتی اولاراق قیرمیزی قیزیلگوللر قویولموشدو.
سوندا یئنی سئچیلمیش ایداره هئیتی عضولرینین توپلانتیسی کئچیریلدی. توپلانتیدا سسوئرمه یولو باشقان و دیگر سوروملو شخصلر سئچیلدیلر. پ
روف.
قولامرزا صبری تبریزی آلتی آی مدتینه جبههنین باشقانی،
صادق ایسابیلی گاماج-نین کاتیب و سؤزچوسو،
احمد اوبالی تشکیلات سوروملوسو،
فرامرز قولوزاده، بئهروز هققی، احمد علیزاده و آراز موغانلی تشکیلات کومیتهسینین عضولری،
ماشاللاه رزمی اولوسلارآراسی علاقهلر سوروملوسو،
نادیر تارک، ژاله تبریزی، دؤکتور آراز سولئیمانی و علی محمدی اینسان حاقلاری و قادین حاقلاری سوروملوسو،
دؤکتور اییوب قانئیی، ستتار ایسلامی و دؤکتور آراز سولئیمانی مالیه سوروملوسو سئچیلدیلر.
گونئی آذربایجان میللی آزادلیق جبههسی ۱۰.۰۱.۲۰۱۲
سامیر توران