اهرده ايکي 17 ياشيندا دبيرستان اؤيرنجيسي آنا ديلي گونونون تبريک بيلديريشلريني يايديقلارينا گؤره توتوقلاندیلار
آنا ديلي گونونون تبريک بيلديريشلريني يايماقدا سوچلانان هادي عبدي و اونونون سينيف يولداشي (همکلاسی) توتولدوقدان سونرا اطلاعات ايداره سينه آپاريليبلار. سونرا ايسه مأمورلار هادي گيلين ائولرينه تؤکوله رک اونون بيلگي ساياريني و بوتون تورکجه کيتاب و سی دی-لريني اؤزلري ايله آپاريبلار.
بو ايکي گنج آخشام ساعاتلاريندا تعهد وئرديکدن سونرا آزادليغا بوراخيليبلار. آنجاق مأمورلار اونلارين محکمه سي نين کئچيريله جه یي حاقدا معلومات وئريبلر. اونلار بوراخيلديقدان سونرا گؤزو باغلي شکيلده ايستينطاق اولدوقلاري و چئشيتلي ايشگنجه لره معروض قالديقلاريني سؤيله ييبلر.
قئيد ائتمه ليگيک کي گونئي آذربايجاندا اؤزلليکله اهر شهرينده بوندان اؤنجه ده يئني يئتمه لرين توتوقلانماسي حاقدا معلومات ياييلميشدي. ميللي اويانيشين سورعتلي و سينير تانيمايان شکيلده ياييلماسيندان قورخان حاکيميت يئني يئتمه لرين ده بئله توتوقلاماسيندان چکينمه يير.
تبریزسسی