آفي تشكيلاتي طرفيندن ايسويچ ده اورمو گؤلونو قوروماق اوچون مراسيم گئچيره جك
آپرئل آیینین 2 سی ، باهار بایرامینین 13.جو گونو همیده اورمو گؤلونون قوروماسینا قارشی یاپیلاجاق ائیلملره دستک اولاراق آفی (AFİ) تشکیلاتچیلیغی ایله ایسوئچین ایستوکهولم شهرینده مراسیم کئچیریلهجکدیر.
بو تؤرنده آذربایجانلی عائلهلر و گنجلر ایشتیراکلاری ایله هم بوگونو عادتلریمیزه اساساً بایرام ائدهجک و همیده گونئی آزربایجانین چئشیدلی شهرلرینده پلانلانمیش اولان اورمو گؤلونون قوروماسینا قارشی ائیلملره دستک وئریلهجکدیر.
آرتیریلمالیدیر کی آفی ایرانین اورمو گؤلو اوزرینده آپاردیغی ووردومدویماز سیاستینی پیسلییر و ایران رسمیلرینی بو آکتوال مسئله ایله داها کونکرئت و عملی ایلگیلنمکلرینی ایستییر.
آفی-آذربایجان فئدئراسیونو ایسوئچ
مئدیا ولاقلندیرمه بوروسو
ایسوئچ-ایستوکهولم