AZOH: ABŞ Prezidenti Barak Obama deyib ki, o, Liviya lideri polkovnik Qəzzafini devirmək üçün üsyançıların silahlandırılmasını istisna etmir.

Öz müsahibəsində o deyib ki, polkovnik Qəzzafi vəzifəsindən gedəcək dərəcədə zəifləyib.

Qəzzafi tərəfdarı olan qüvvələr son günlərdə, koalisiya qüvvələrinin hava hücumları başlayandan sonra üsyançıları on kilometrlərə geriyə çəkilməyə məcbur ediblər.

Üsyançılar indi Ras Lanuf şəhərini keçərək şərqə doğru çəkilirlər.

Üsyançıların geri çəkilməsi barədə xəbər Londonda Liviya konfransının əlaqə qrupu yaratmağa razılaşmasından sonra baş verir.

Qrupa Ərəb hökumətləri də daxil olacaq və Qəzzafidən sonrakı Liviya üçün yardımı əlaqələndirəcəklər.

Polkovnik Qəzzafinin hakimiyyətinə qarşı üsyanlar 6 həftə öncə başlayandan bəri bir neçə min insan öldürülüb və minlərlə adam yaralanıb.

İndi üsyançılar daha çox şərqə nəzarət edirlər və Qəzzafi qüvvələri paytaxt Triploni və digər qərbi şəhərləri tutub.

ABŞ mediasının üsyançıları silahlandırmağı dəstəkləyərdinizmi sualına cavab verən Prezident Obama deyib: "Mən bunu istisna etmirəm, eyni zamanda, mümkündür demirəm".

Ancaq o, təsdiq edib ki, ABŞ polkovnik Qəzzafinin opponentlərinə humanitar yardım, tibbi ləvazimat və kommunikasiya avadanlığı formasında yardım edəcək.

BBC