اورمو گؤلو حاققیندا تبریز بیلیمیوردو اؤیرنجیلرین بیلدیریسی
آذوح: اورمو گؤلو حاققیندا تبریز بیلیمیوردو اؤیرنجیلرین بیلدیریسی: دونیا تحوللاریندا 1970دن بری، محیطزیست دائما اؤنده اولان بیر پروبلئم اولوبدور. بو پروبلئملرین اساس آماجلاریندان زیستیمحیطی قوروماق، دئولتلری توسعه برنامهلرینده اینسانلارین ساغلامی جهتده محدودلاشدیرماق، محلی توپلوملارین گلیشمهگی، اولوسلار آراسی سویهسینده یاشاییشدا قالیب اونون اوزهرینده سیاستلرین قارشیسیندا دایانماق، اولوبدور.
آزربایجاندا اساساً اؤز جغرافیاسینی قوروماق اوزهرینده چئورهسینده تؤرهنیلمیش زیستی محیطی پروبلئملری منیمسهییب اونلارا هر حالدا حل ائدیجی گؤروشدن یاناشیبدیر آنجاق بویاناشماق دوشمنمحور یوخ، عینی حالدا میللته بیلگی وئریجی بیر جریانا چئویریلیبدیر. اصلینده بو سؤزه دایاناراق ایندیکی زاماندا، گوندهمده اولان زیستیمحیطی پروبلئم یعنی "اورمو گؤلون" قوروماق گئدیشی بیر اساسی سورونا چئویرلهنیبدیر. آزربایجان میللتی اؤز کیملیگینه دایاناراق جغرافیاسینی ساغلام شکیلده ایستهمکدهدیر. بو جغرافیادا گوجلو بیر زیستیمحیطی چالیشقان جنبشی اولمادان، آزربایجان میللی اورمو گؤلون قوروماق ائتگیسین اؤز گلهجک یاشامیندا دوشونهرک حیاتین بو اساسدا جیددی حالدا آرادان گئتمهگین بیلیب، دونیا میللتلریایله برابر اؤز حاقیندا سوسماییب، اعتراضلارینی تام مدنی شکیلده گئچیرتمکدهدیر. بئلهلیکله تبریز بیلیمیوردونون اؤیرنجیلری بو بارهده بوتون مدنی حرکتلردن اؤز حمایتین بیلدیریب، بو ایلده فروردینین 13نده گئچیریلن اعتراضلاری دستکلهییب بو اعتراضلاردا ایشتیراک ائدهجکدیر.