حورمتلی وطنداشلار

آرخادا قویدوغوموز ایله د نظر سالدیقدا منطقه میزده بیر چوخ ده ییشیک لیکلرین شاهیدی اولوروق. بو اولوشوملار(پروچئس لر) هنوزدا     دوام  ائتمکده دیر. طبیعی اولاراق مستملکه چی ـ ایرقچی تئهران رئژیمی ده اوزونو بو اولوشوملاردان (پروچئس لردن ) قیراقدا توتماغا  قادیر دئییلدیر. تئز ـ گئج اونوندا قاپیسینی چالاجاقدیر  .

اوز قیزاردیجی بو رئژیم ، کئچه ن   34  ایلیک  حیاتیندا، ان آغیر ایقتیصادی، سیاسی  و توپلومسال ( ایجتماعی ) گونلرینی یاشاماقدادیر. بیلیک سیزلی یی ، نادانلیغی اوزونده ن بو مدت ایچینده، اولکه ایقتسصادییاتی دیکتاتور شاه رئژینه قیاسلا ،نئچه مین قات کئرییه گئتمیش ، قویولان آمبارقولار ایسه بو موجود بوحرانی  آرتیرماقدادیر. سیاسی باخیمدانسا دونیادا تام ایزوله اولموشدور. تکجه دایاغی دیکتاتور چین ، روس و جینایتکار ائرمنیلردیر. اونلاریندا بو رئژمی قورتارما  ایمکانلاری یوخدور. تاسوفله فوندامنتالیست رئژیمین غزا ـ کفاره سینی ، ایران آدلانان میللتلر دوسداغیندا یاشاماق زوروندا اولان میللتلر وئرمکده دیر. البته کی ، آذربایجان میللتی بیر نئچه قات باسقی و فشار آلتیندادیر..

رئژیم ایران آدلانان یئرین توپلوموندا ( ایجتماسیندا) اولدوغو طبقه دن آسیلی  اولمیاراق هئچ بیر دایاغی قالمامیشدیر. توپلومون ( ایجتمانین ) بوتون طبقه و کسیملری بو رئژیمین الینده ن جانا گلمیشلر. هر قدار و دیکتاتور رئژیمی کیمی ، نجاتینی دواملی زوراکیلیقدا ، اعدام ، شیکنجه و دوسداقدا گورور. آمما باشقا دیکتاتور و جینایتکار رئژیملرده اولدوغو کیمی ، بو چیرکین حرکتلرده ، بو رئژیمی  قورتارا بیلمیه جکدیر. تئز ـ گئج یوخ اولوب  گئتمه یه،  و تاریخین کولویونه توکولمه یه محکومدور. عسگری موداخیله ده اوز گونجه لی یینی ( آکتوئل لی یینی ) قوروماقادیر. چوخ طبیعی دیرکی، بئله بیر دورومدا آذربایجان میللتی هر زامان اولدوغو کیمی ایرانین نجاتینی دوشونمییه جکدیر. بو ده فعه عکسینه اولاراق،  یالنیز  و یالنیز آذربایجانی و آذربایجانیمیزین نجاتینی دوشونوب ، آذربایجانیمیزین منافعی آچی سیندان حرکت ائده جکدیر. آنا وطنیمیز آذربایجانین تام قورتولوشو یولونو توتاجاقدیر.   بونون اوچونده هر جهتلی .. حاضیرلیقلی اولمامیز ، موباریزه صفلریمیزی موحکملندیرمک ، میللت و وطن نامینا  سلیقه فرقلی لیکلرینه گوز یومماق، واجب و گره کلی دیر. بو ساواشدا اوتوزمامیز ، میللت و وطنیمیز آذربایجانین یوخ اولماسی دئمکدیر..

بیز واخید مستقیل آذربایجتن جبهه سی اولاراق ، هر زامان اولدوغو کیمی، میللتیمیزین یانیندا اولوب ، اونون مقدس آرزو ـ ایستک لرینی یئرینه یئتیرمک ،نهایی  هدفینه اولاشماسی یولوندا چالشیریق و چالیشاجاییق .بو یولدا اولدو واردیر ، دوندو یوحدور.

بیز واحید مستقیل آذربایجان جبهه سی آدیندان یئنی ایلین گلیشی نی ، میللتیمیزه تام اوره کده ن تبریک دئییب ، میللتیمیزه خوشلوق ، سعادت ، گوزه ل گونلر آرزولاییریق. قورتولوش موباریزه میز اوچونده  اوغورلو و باشاریلی ایل اولماسینی تمنا ائدیریک .

مهو اولسون، ایرقچی ، فوندامنتالیست ، مستملکه چی تئهران رئژیمی!

واراولسون حقوق دولتینه دایانان مستقیل گونئی آذربایجان!

واحید مستقیل آذربایجان جبهه سی

27.12.1390 تبریز