23 فئورالدا دونيا آنا ديلي گونو آتاي درنگي نين دوزنلديگي آغيرلاما تؤرينينده آنيلدير. بو تؤرن لیدز شهري نين " Cardigan Centre " سالونوندا کئچيريدير و چوخ سايدا آذربايجانلي اينگيلتره نين باشقا شهرلري و لیدز شهري نين رسميلريندن پروقراما قاتيلميشديرلار.

تؤرن ساعات 16:30 آپرايجيلارين اينگيليز و تورک ديلينده خوش گلدينلري و رحمتليک دکتر زهتابي-نين آنا ديلي حاقدا آدليم شعر ايله باشادير. سونرا آتاي باشقاني عيسی تورک اوغلو-نين اينگيليز ديلينده آنا ديلي و درنگين فعاليتلري حاقدا بيلگيلر وئردير. آردينجا "  Thomas Spencer " West Yorkshire  ؛ پليس ايداره سي باشقاني آيري سئچگيلييه قارشي و وطنداشلاين ساوونماسيندان بحث ائتدير و او حاقدا بعضي معلوماتلار وئرره رک آتاي درنيي نين فعاليتلريني آلقيشالادير. تؤنده چئشيتلي موسيقي و رقص ايفالاري اولدور و ايشتيراکچيلارين سيجاق و جوشقولو آلقيشلاريني قازاندير.

بابک بختاور باغلاما، ساز تورک فولک موسیقی آلتي حاقدا اينگيليز ديلينده قيسسا ايضاح وئردير و آنا ديلي نين ايران آدلانان اؤلکئده ياساق اولماسينا باخمايارق موسيقي ميز گوجلو و زئنگين اولدوقونا توخوناراق ديلين قورونماسيندا اويوناديقي اؤنئملي رولو وورغولادير و 2 پارچا موسيقي ايفا ائتدير.

ووکاليست " ساناز گونئی " اونودولماز اوستاد " سئليمي " نين آيريليق ماهنيسيني ايفا ائتدير و آنا ديلي حاقدا بير مقاله اوخودور. بيرينجي بؤلومون سونوندا " فريده پناهووا " ، " Biritish Azerbaijan Soceity "  جمعيتيندن، اينگيليس دينده آنا ديلي حاقدا چوخ گئنيش و علمي معلوماتلار وئره رک، ايراندا آذربايجانليلارين چوخونلوقدا اولمالارينا باخمايارق ميللي حاقلاريني نين پؤزولماسيني سؤيله دير. او همده آنا ديلينده ائيتيم آلماماقین سونوجلارینی پاتالوژي باخيمدان آراشديردير و اؤرنکلر وئردير.

20 دقيقه ليک آرادان سونرا 2جي بؤلومده,“ To gether For peace ”  “ Mike Love”   جمعيتي باشقاني آنا ديلي حاقدا و آيري سئچگيليک سيياستلري سونوجوندا دونيادا باش وئرن آغير و آجيناجاقلي سؤيقيريملارا تؤخوندور. او آذربايجانين زنگين کولوتورو و اؤزلليکلريني سؤيليه رک، اونودولماز و يئنيلمه ز اولدوغونو وورغولادير. محمد انصاري ، آذربايجان موسيقي آکادئميياسي نين ماستئري چيخيش ائتدير. او اؤز مقاله سيني اوخودور و گونئي آذربايجاندا باش وئرن آجيناجاقلي اولايلار و تورک ديلينه قويولان ياساقلار و اونون اؤزلليکله اوشاقلار اوزرينده نئگاتيو ائتگيسي حاقدا دانيشدير. سينان علي، "Azerbaijan İnter Cultural soceity " باشقاني اينگيليز ديلينده تورک کولتور و مدنيتي حاقدا دانيشدير.

ووکاليست و اذربایجان موسیقی کانسرواتوری نین معضونو" فئرهاد نشاط " آنا ديلي گونون تئبريک ائتدير و 2 گؤزل موسيقي پارچاسي ايفا ائتدير. تؤرنين سونوندا آذربايجان قوروپ رقصي ايفا ائديلدير و آردینجا ايشتيراکچيلاردا ايفاچيلارا قؤشلدورلار.

آتاي اينفورمسييا مئرکئزي

uk.org.azerturkforum.WWW

25.02.2011