اولو تانري نين آدي ايله

ظولم ائوي يئخيلمالي و ظاليم ائتديگي ظولم لره گؤره حساب وئرمه لي دير؛ بو سؤزه ان بؤيوك سند تاريخ دير.تاريخ بويو ميللت، ايراده سي و بيرليگي سايه سينده حققينه چاتميشدير.خالقين بيرليگي اؤنونده هئچ بير گوج داوام گتيرمه ييب و گتير مزده. بيز آذربايجان ميللتي اولاراق، اگر اؤز تاريخيميزي قيساجا واراقلاساق بونو آيدين شکیل ده گؤره بيله ريك.

بيرليك: نه گؤزل و درين سؤز دئييب آتالاريميز " بيرليك هارادا ،ديري ليك اورادا ".

ايندي بو گون چئشيدلي عرب اؤلكه لرينده خالق، بيرليگي سايه سينده دير كي ديكتاتورلار اؤنونده يئنيلمه ز ليگه يئتيشيب و حاق لاريندن ،جانلاري باهاسينا بئله كئچمه ك ايسته ميرلر.هانسي آشامالاردان کئچیب و بو بؤيوك ميللي شوعورا يئتيشميشلر؟ بيز اگر اؤزوموزو بير آذربايجان ميللي فعالي ساييريق بو كيمي سورغولارا جاواب آختارمالييق. ايندي بيزيم اليميزده ايكي اؤرنك واردير، اؤز كئچميشيميز، و گوندم ده اولان عرب دونياسيندا باش وئرن اولايلار، بونلاردان درس آلمالييق،درس آلمالييق كي گله جه گه بیر دوغرو و دوزگون قرار وئره ک. بيز 90 ايله ياخين دير كي ،ايران دا مدرن دولتين يارانماسي ايله، چوخلو اولايلاري گؤزوموز له گؤرموش و چوخلو چیرکین سياست لره معروض قالميشيق. یانی دئمه لييك كي بونلارين اؤنونده آذربايجان فعاللارینين رئاکسیاسی مدنيت و كولتور ساحه سينده اولموشدور. بو يولون دوز اولماسينا هئچ شوبهه يوخدور و داواملي اولماسي گره كدير؛آنجاق بيزي ائتكي له ين هم ايچ و هم ائشيك دن چئشيتلي اولايلارین باش وئرمه سیدیر. ايچ دن ،ياشيل چي آدلانان بير حرکت، و ائشيك دن بير نئچه ميللت كي اؤز حاقلارينا چاتماق اوچون دولت لر ايله قارشي قارشيا ديرلار. بو گون لر ياشيل حركته باغلئ اولان لار سياسي و مدنی و بعضن تحقیر یا باشقا یوللار لا بيز آذربايجان ميللتي اوزه رينده داها چوخ ايش له مه گه باشلاميش ديرلار،سؤزون قيساسه دئمه ك ايسته ييريك كي بيزيم ميللتين دوشونجه سيني و ماراقلاريني دوغرو یولدان آزدیرماق ایسته ییرلر یا ان آزی چئوره میزده باش وئرن اولايلارئ ایزله یه رک میللتیمیزی اؤز آماج لارینا دوغرو سفر بر ائتمک ایسته ییرلر ؛ نييه كي بيز آذربايجان ميللي فعاللاري , حركيتن اوستونده اولان توز لاري سيله بيلمه ميش و يولو موزدا دئييشيك ليك ياراتماق ايسته مه ميشيك، كي بودا آذربايجان حركتينين گوندم دن چيخماسینین ندن لریندن بیری  اولموشدور.ايندي چوخلو آذربايجان لي لار و غير آذربايجان لي لار بو حركتين ياشيل حركتيندن ها بئله ایقتیداردان  داها گوجلو و درين اولماسين بيلمه يه رك، اونون فرعي بير حركت اولدوغونو دوشونورلر. بونا بير چاره قيلمالييق ،و بونون اوچون سؤزده يوخ عمل ده بير اولماميز گره كدير. بو گون هم ایقتیدار  وهم موخاليف قوروپلار اوزه للیک له یاشیل آدلانان حرکت، آذربايجان حركتي نين وارليغين دانير. بویوک میللتیمیز بو آلچاق و آلدادیجئ حرکت لرین قارشیسینا  بوتون بيرليك گوجوایله چيخمالئ دیر. بيز اردبيل بيليم يوردلاري نين تورك اؤيرنجي لري بو بيرليك چاغري سينا جان لا و قان لا دستك وئره ره ك ، بوتون آذربايجان فعاللا ريني بو بيرليگه دستک ورمه گه هارایلاییریق.

1390 – گونش ايلي آذربايجان" ميللي بيرليك " ايليني بوتون آذربايجان لي لارا اوغورلو بیر ایل اولماسی دیله گیمیزدیر.

ياشاسين آذربايجان

ياشاسين بيرليگيميز

و ياشاسين آذربايجان ميللي حركتي ...

« اردبيل بيليم يوردلاري نين تورك اؤيرنجي لري »