گونئی آذربایجان میللی اویانیش حرکاتی (گاموح)’دان، ایران رئژیمینه اویاری
ایران رئژیمینین آذربایجان رئسپوبلیکاسینین تبریز شهرینده اولان باش کونسوللوغو قارشیسیندا، آذربایجان دؤولتچیلیگینه قارشی تشکیل ائتدیگی میتینقله باغلی گونئی آذربایجان میللی اویانیش حرکاتینین (گاموه)’ون بیاناتی.
بیانات
مایین 8-ی آخشام ساعتلاریندا، فارس فاشیزمینین قولو و کؤلهسی اولان بیر قوروپ، کی اؤزلرینی ایران آدلانان اؤلکهنین ارتجاعی و قان-ایچن رئژیمینین کؤنوللولری (“بسیج”) اولاراق آدلاندیریرلار، تبریزده آذربایجان رئسپوبلیکاسینین باش کونسوللوغو اؤنونده آذربایجان دؤولتچیلیگی و ایستیقلالیتینه قارشی چیرکین و دوشمنجه آکسیا کئچیردیلر.
سؤزده ایران “ایسلام” رئژیمی، کی فارس فاشیزم هاکیمیتینی سوردوربیلمک اوچون دینیمیزی اؤز کسیف عمللرینه آلت ائدیر، یادینا سالمالیدیر کی بوگون، اونون دستکلدیگی ائرمنی لوبیسینین و تئررورچولارینین الیله، قوزئی آذربایجانیمیزین تورپاقلارینین یوزده ایرمیسی ائرمنی قاتیللرینین ایشغالی آلتیندادیر.
بیرچوخ مسجیدلریمیز، او جملهدن آغدام و شوشا مسجیدلری دونوز (دوموز) و اینک پیهسینه (تؤوله) چئوریلمیشدیر.
بو یرنج و اونودولماز تاریخی جینایتلره، و چوخ یاخین دوست و قارداش آدلاندیردیغی تاجیکیستاندا یوزه یاخین مسجیدین مئیخانایا چئوریلمهسینه سسسیز قالان فارس فاشیست رئژیمی، ندن قوزئی آذربایجانیمیزین دؤولتینه قارشی بو قدر سالدیرقان و دوشمنجهسینه توتوملار سرگیلمکدهدیر؟
ایران رئژیمی چوخ یاخشی بیلیر کی ایران آدلانان اؤلکهنین اهالیسنین 60%’ینی تورک میللتی تشکیل ائتمکدهدیر و 40 میلیونلوق بو نوفوس ایران رئژیمی واسیتسیله ان آغیر منفی آسیمیلاسیون پروژهسینه معروض قویولاراق ان ایبتیدای اینسان هاقلاریندان مهروم بوراخیلمیشدیر .
گونئی آذربایجان میللی (اویانیش) حرکاتی گوجلندیکجه، و قوزئی آذربایجانیمیزدا دؤولتیمیز داها دا کؤک سالدیقجا، ایران رئژیمی بیر قوروپ مانقوردلار واسیتسیله آذربایجان-تورک دوشمنلیگینی سوردورمکدهدیر.
آنجاق، ایراندا حاکم اولان توتالیتئر، دیکتاتور و ارتجاعی رئژیم بونو بیلمهلیدیر کی، ایراندا یاشایان میللتلر، اؤزللیکله 35 میلیون گونئی آذربایجان تورک میللتی اویاناراق بو تور چاغ-دیشی رئژیملری دئویرهرک سیاسی موستویدن سیلیب تاریخین زیبیل قابینا آتاجاقدیر، و هئچ زامان قوزئی آذربایجان دؤولتینی دوشمنلری قارشیسیندا یالقیز بوراخمایاراق دستیینی اسیرگمهیهجکدیر.
یاشاسین آذربایجان! یاشاسین اوجا تورک میللتی!
گونئی آذربایجان میللی اویانیش حرکاتی (گاموه) لیدئری دؤکتور محمودهلی چؤهرقانلی