ایراندا آذربایجانلیلارین اینسان حقوق‌لاری توتال شکیلده پوزولور
اؤتن ایل ایراندا ان آزی 179 نفر اعدام اولونوب، اونلاردان نئچه‌سی‌نین آذربایجان تورکو، سویداشیمیز اولدوغونو بیلمیریک. بو ایلین یانوار آییندا ایسه بیر نئچه دفعه ایراندا 4، 7، 5 نفرین کوتلوی شکیلده اعدام اولوندوغو باره‌ده معلومات وئرمیشیک.
کئچن ایل ایرانین فارس رئژیمی‌نین آذربایجان تورک‌لری‌نین فال‌لارینا قارشی باسقیلاری، قتل‌لری، حبس‌لری باره‌ده دفعه‌لرله معلومات‌لار اوزه چیخیب. اونلاری ییغیب-ییغیش‌دیرماق چوخ چتین‌دیر. سیزین دقتینیزه تکجه 2011-جی ایلین یانوار آییندا باش وئرن‌لری چات‌دیرماق ایستییریک.
یانوارین 1-ده تبریز اینقیلاب محکمه‌سینده گونئی آذربایجان میللی حرکاتی‌نین 15 فعا‌لی‌نین اتهام‌لارینا باخیلیب. محکمه‌ده اکبر آزاد، علیرضا عبداللهی، شهرام رادمئهر، آیدین خاجوی، محمود فضلی، حیدر (یاشار) کریمی، نعیم احمدی خیاوی، یونیس سولئیمانی، شکرولله قهرمانی فرد، حسن رحیمی بایات، احمد آغایی، بهمن (آراز) نصیرزاده، بئهبود قولوزاده، حمیده و زهرا فرج‌زاده‌لر اولوب. آنجاق پروسئس حاکم علی حمددی‌نین رهبرلیگی آلتین‌داکی محکمه هئیتی اولما‌دان کئچیریلیب. پروسئسه سویداش‌لاریمیزین وکی‌لی محمدرزا فقیهی ده بوراخیلماییب. اوچ موتتهیم "اطلاعات"این تجریدخاناسیندا معروض قالدیق‌لاری ایشگنجه و قئیری-ایسلامی رفتاردان دانیشیب‌لار. اونلار " اطلاعات "دا موستنتیق‌لرین روحی-جیسمی ایشگنجه‌سینه معروض قالماقلا یاناشی، عینی زاماندا ناموس‌لارینا، عائله‌لرینه، میللتینه و آزربایجانین میللی کیم‌لیگینه سؤیوش و تحقیر یاغدیریلدیغینی دا سؤیله‌ییب‌لر. بون‌دان علاوه، پروسئسده ایشگنجه وئرن‌لرین ائلئکتریک شوکو، ائلئکتریک دینیی، آیاق‌لاردان باشیاشاغی آسماق کیمی واسطه‌لرله موتتهیم‌لری ایشگنجه ائتدیک‌لرینی، یونیس سولئیمانی‌نین محض بو سبب‌دن اینفارکت کئچیردیگینی، ایشگنجه وئرن‌لرین اللرینده بوتولکا توتا‌راق تهدید ائتدیک‌لرینی، موتتهیم‌لردن بعضی‌سی‌نین جینسی تجاووزله قورخودولدوغو، حاکم هاشیم‌زاده‌نین سورغو-سوا‌لی زامانی موتتهیم‌لر دؤیولدوگو و تحقیرلره معروض قالدیغی، اوزون مدت کئچسه ده، هله ده سویداش‌لاریمیزین سیفت، بویون و س. ناهییه‌لرینده ایشگنجه‌لرین اثری قالماقدا اولدوغونو، حتی اکبر آزادین ایکی قابیرغاسی‌نین سیندیغی قئید اولونوب.
اؤتن آی 220 مین دول‌لار موقابیلینده موقتی آزادلیغا بوراخیلان ژورنالیست، "وارلیق" و "یارپاق" ژورنال‌لاری‌نین امکداشی اکبر آزاد تبریز حبس‌خاناسیندا معنوی و فیزیکی ایشگنجه‌لره معروض قالیب، دؤیولوب، معده‌سی‌نین آغریماسینا باخمایا‌راق اونا درمان وئریلمه‌ییب. تئهراندا یاشاییب فعالیت گؤسترن اکبر آزاد ایراندا آذربایجان تورکجه‌سی و مدنیتی‌نین تانینماسی اوغروندا آپاردیغی فعالیتینه گؤره اول‌لر ده بیر نئچه دفعه توتولوب، مولک گیرووو قارشیلیغیندا آزادلیغا بوراخیلیب.
گونئی آذربایجان میللی حرکاتی‌نین فا‌لی حسین نطیری 278 گون حبسده ساخلانیلدیق‌دان سونرا اون گون مدتینه مرخصی یه چیخیب. سویداشیمیز یانوارین 5-ده مولک گیرووو قارشیلیغیندا موقتی آزادلیغا چیخیب. خاطیرلاداق کی، حسین نصیری 2007-جی ایل آپرئلین 26-دا 22 مای حادثه‌لری‌نین ایلدؤنومونه عایید بیلدیریش یایدیغی ایتتیهامییلا توتولوب، 81 گون ساخلانیلدیق‌دان سونرا 30 مین دول‌لارلیق (30 میلیون تومن) مولک گیرووو قارشیلیغیندا آزادلیغا بوراخیلیب. داها سونرا سویداشیمیز بیلدیریش یایماق ایتتیهامییلا سیستئمین علیهینه تبلیغاتدا گوناهلان‌دیریلا‌راق 6 آی مدتینه آزادلیق‌دان محروم ائدیلیب. عینی زاماندا حسین نصیری 2009-جو ایل دئکابرین 29-دا تانینمیش میللی فعال، مرحوم چینگیز بختاورین دفن مراسیمینده ایران تهلوکه‌سیزلیک قوه‌لری‌نین هوجومونا معروض قالا‌راق دؤیولوب و یارالانیب. بون‌دان علاوه، ایران تهلوکه‌سیزلیک قوه‌لری حسین نصیرینی 2010-جو ایل آپرئلین 2-ده اورمو گؤلونون قوروماسینا اعتراض علامتی اولا‌راق حیاتا کئچیریلن آکسیادا توتوب‌لار.
حاضردا تبریز مرکزی حبس‌خاناسی‌نین خصوصی بؤلمه‌سینده ساخلانیلان گونئی آذربایجان میللی حرکاتی‌نین فعال‌لاری آیت مئهرعلی بی‌لی (یوروش) و دوکتور لطیف حسنی 2011-جی ایل یانوارین 1-دن آجلیق آکسیاسینا باشلاییب. اونلار آغیر ایشگنجه‌لره، زین‌دان‌داکی پیس شرایطه، محبوس‌لارلا کوبود رفتارا و " اطلاعات " امکداش‌لاری‌نین حرکت‌لرینه اعتراض ائدیرلر. آکسیا نتیجه‌سینده لطیف حسنی‌نین سههتینده پروبلئم یارانیب و او آرتیق تبریز زین‌دانی‌نین کلینیکاسینا یئرلشدیریلیب. قئید ائدک کی، یوروش مئهرعلی بی‌لی 2010-جو ایل مایین 10-دا، دوکتور لطیف حسنی ایسه 2010-جو ایل مایین 24-ده هبس اولونوب.
گونئی‌لی یازیچی و تدقیقاتچی محمد رحمانیفر حبس جزاسینا محکوم ائدیلیب. سویداشیمیز اؤتن ایلین سئنتیابریندا ائوینده توتولوب و اون گون تکادام‌لیق سلولدا ساخلانیلیب. آنجاق محمد رحمانیفر حاقیندا هئچ بیر یئترلی ثبوت اولمادیغی اوچون اونو مولک گیرووو قارشیلیغیندا سربست بوراخماغا مجبور قالیب‌لار. بونونلا بئله، تبریز اینقیلاب محکمه‌سی سویداشیمیزی میللتچی‌لیک و سیستئمین علیهینه تبلیغات آپارماقدا گوناهلان‌دیرا‌راق اونون باره‌سینده اوچ آی حبس قراری چیخاریب.
مرند شهری‌نین دادستانی (محکمه ری‌سی) معصومی فاطمه نصیرپور باره‌سینده چیخاردیغی حبس قراری‌نین ایجراسینا چالیشیر. حالبوکی شرقی آذربایجان ویلایتی‌نین عالی محکمه‌سی سویداشیمیزین وکی‌لی ناغی محمودی‌نین اعتراض مکتوبونو قبول ائدیب و ایشه یئنی‌دن باخیلماسی حاقیندا قرار چیخاریب.
اردبیل اینقیلاب محکمه‌سی طلبه سیامک میرزایینی ایکی ایل مدتینه آزادلیق‌دان محروم ائدیب. حاکم حسن‌زاده‌نین رهبرلیگی آلتیندا کئچیریلن پروسئسده سویداشیمیز "گله‌جک" آدلی قانون‌سوز قورومون تشکیلینده ایشتیراکدا، دؤولت قورولوشونا قارشی اولان‌لارلا امکداش‌لیقدا و سئپاراتچی قروپ‌لارین مراسیم‌لرینه قاتیلماقدا تقسیرلی بیلینیب.
گونئی آذربایجان میللی حرکاتی‌نین فعا‌لی، تانینمیش سنتکار یاشار آزروغ‌لو (حسین‌زاده) تبریزده حبس اولونوب. "تبریز سسی"نین یایدیغی معلوماتا گؤره، " اطلاعات " امکداش‌لاری 2010-جو ایل دئکابرین 30-دا اونو ائوینده توتا‌راق نامعلوم ایستیقامته آپاریب‌لار.
تبریز اینقیلاب محکمه‌سینده اوچ آذربایجان‌لی فعال مجید خوشختر، علی موترجیمی و مسعود ایبراهیمیانین ایشینه باخیلیب. 2011-جی ایل یانوارین 4-ده کئچیریلن محکمه ایجلاسیندا سویداش‌لاریمیز "تراکتورفانس" اینتئرنئت سایتینی ایداره ائتمکله اومومی آساییشی پوزماق، سیستئمین علیهینه تبلیغات آپارماق و قانون‌سوز قروپ‌لارا عضو اولماقدا اتهام اولونوب‌لار.
آیت (یوروش) مئهرلیبی‌لی‌نین حیات یولداشی زهرا (پینار) فرج‌زاده تبریزین چوخ سرت کئچن قیش دؤورونده سویوق کامئرادا ساخلانیلیر. او، زین‌دانی‌نین ان آغیر جینایتکارلارین ساخلانیلدیغی 9-جو بیناسیندا‌دیر.
ایراندا آذربایجان‌لی وکیل‌لره قارشی تضییق‌لر آرتیب. بئله کی، 60-دن چوخ گونئی‌لی سیاسی محبوسون حقوقونو مدافعه ائدن آذربایجان‌لی وکیل ناغی محمودی‌نین وکالت لسیانسی لغو اولونوب. ناغی محمودی تئهراندا یئرلشن آلی عدالت دیوانینا مراجعت ائدیب، اما اورا‌دان هئچ بیر جاواب آلماییب.
وکیل هوتن کیان 2010-جو ایل اوکتیابرین 10-دا هبس اولوندوق‌دان بیر گون سونرا اونون ائوینده و اوفی‌سینده آختاریش آپاریلیب. او، بیر گون " اطلاعات "این صائب خیابانین‌داکی ایداره‌سینده ساخلانیلدیق‌دان سونرا ائوین حبس‌خاناسینا گؤندریلیب. وکیل بو مدتده گئجه-گوندوز ایشگنجه‌یه معروض قالیب و سورغو-سوالا توتولوب. معلوماتا گؤره، ایشگنجه‌لر آلتیندا وکیلین اون ادد دیشی و بورنو قیریلیب. اونون آیاق بارماق‌لاری‌نین آراسیندا 50 دفعه سیقارئت سؤندورولوب.
تبریز ساکینی، آشیق قاففار ایبراهیمی‌نین اوغلو مصطفی ایبراهیمی حبس اولونوب. مای حادثه‌لری‌نین (خورداد) ایلدؤنومو مراسیمینده توتولان مصطفی ایبراهیمی باره‌سینده محکمه 4 آی حبس و 50 زربه شاللاق جزاسی کسیب. او، 2011-جی ایل یانوارین 15-ده حبس‌خانایا سالینیب.
گونئی آذربایجان میللی حرکاتی‌نین فعال‌لاری داریوش عندلیبیان، سجاد عزیزی، بابک آکسون، ستتار برازئش و یوسیف سودبر سویوق بولاق اینقیلاب محکمه‌سی‌نین حؤکمونو اعلان ائتمک بهانه‌سیله " اطلاعات "آ چاغیریلیب‌لار. محکمه‌نین 1500 دول‌لارلیق جریمه‌یه محکوم ائتدیگی میللی فال‌لار حؤکمه اعتراض ائتسه‌لر ده، هئچ بیر نتیجه آلماییب‌لار و آپئللیاسیا محکمه‌سی آشاغی اینستانسیانین قرارینی قوه‌ده ساخلاییب.
آذربایجان تورک‌لری‌نین میللی-مدنی حقوق‌لاری اوغروندا آپاردیغی دینج فعالیته گؤره حبس اولونان 23 یاش‌لی هادی پیری آزادلیغا بوراخیلیب. اؤلکه‌نین میللی تهلوکه‌سیزلیگینه قارشی چیخماقدا، میللتچی تشکیلات‌لارلا امکداش‌لیقدا گوناهلان‌دیریلان هادی پیری مولک گیرووو قارشیلیغیندا شرطی اولا‌راق آزاد ائدیلیب.
بیر قروپ آذربایجان‌لی سیاسی و مدنی فعال‌لارین وکی‌لی سید محمدرضا فقیهی یانوارین 23-ده تئهرانین دؤولت ایشچی‌لری عدلیه‌سینده موهاکیمه اولونوب. وکیل آرش کئیخسروو یازیب کی، سید محمدرضا فقیهی عدلیه‌نین اومومی ری‌سینه، پارلامئنتین صدرینه حقارت و اینسان‌لارین فیکرینی چاش‌دیرماق مقصدیله یالان معلومات یایماقدا اتهام ائدیلیر. وکیل محکمه‌ده اونا قارشی ایره‌لی سورولن اتهام‌لاری رد ائدیب. خاطیرلاداق کی، وکیل مهممدرزا فقیهی‌نین مقاله‌سینده ایرانین اینقیلاب و اومومی محکمه‌لری تنقید ائدیلیب. مهممدرزا فقیهی گونئی آذربایجاندا بیر نئچه وکیل‌لردن‌دیر کی، اردبیل و تبریزده سیاسی و مدنی موتتهیم‌لری مدافعه ائدیر.
اوندان باشقا سیاسی محکوم‌لاری مدافعه ائدن آذربایجان‌لی وکیل‌لر ناغی محمودی، عباس جاما‌لی ده رسمی ایداره‌لرین تضییق‌لرینه معروض قالدیق‌لارینی دئییب. ناغی محمودی بیلدیریب کی، آذربایجان‌لی سیاسی فال‌لاری مدافعه ائتدیگینه گؤره اونا خبردارلیق‌لار ائدیلیب و موختلیف بهانه‌لرله اونون وکیل‌لیک لیسانسینین مدتی اوزادیلمیر.
قوشاچای شهرین‌دن اولان میللی-مدنی فال سیروس گؤوهری‌نین باره‌سینده چیخاریلان بیریل‌لیک حبس قراری‌نین ایجراسینا باشلانیلیب. سویداشیمیز 2011-جی ایل یانوارین 22-ده سویوقبولاق شهری‌نین زیندانینا گؤندریلیب. سیروس گؤوهری 2010-جو ایل یولون 4-ده چیخاریلان محکمه قراریندا سیستئمین علیهینه تبلیغات آپارماق و پانتورکیزمده اتهام ائدیلیب.
گونئی آذربایجان میللی حرکاتی‌نین فعال‌لاری محکمه‌یه چاغیریلیب. تبریز اینقیلاب محکمه‌سی بیر نئچه سویداشیمیزا زنگ ائدیب. بون‌لار اؤتن ایل تانینمیش فعال، مرحوم چینگیز بختاورین دفن مراسیمینده توتولموش میللی-مدنی فعال‌لاردیر. معلوماتا گؤره، حاکم بایاتین میللی-مدنی فال‌لارلا سورغو-سوال آپاراجاغی گؤزلنیلیر. تبریز اینقیلاب محکمه‌سینه چاغیریلان میللی فال‌لار بون‌لاردیر: علی تهمتن، رضا ابری، هادی مورتزا، ایبراهیم فرج‌زاده، ایبراهیم آسیمانی و محمدرزا یوسیف‌زاده.
تبریز قوزئی‌لی_ خالق جبهه سی قزئتی
