گونئی آذربایجان‌لی گئنج قادین ایسوئچ پارتیاسیندا رهبرلییه سئچیلدی*****
آذوح: گونئی آذربایجان اصیل‌لی آیلین فاضلیان(بیلگین) ایسوئج سوسیال-دئموکرات پارتیاسی‌نین قادین‌لار تاشکیلاتی‌نین رهبرلیگینه سئچیلیب.
موساوات معلوماتینا گؤره، 21-23 آوقوستدا ایستوکهولمدا سوسیال-دئموکرات پارتیاسی‌نین قادین‌لار تشکیلاتی‌نین قورولتایی یئنی پروگرام قبول ائدیب و اؤز یئنی رهبرلیگینی سئچیب. آیلین فاضلیان ایلک آذربایجان‌لی قادین اولا‌راق، پارتیانین قادین‌لار تشکیلاتی‌نین رهبرلیگینده تمسیل اولونماق حقوقو قازانیب.
او، اجنبی منشأ‌لی ایسوئچ‌لی اولا‌راق تشکیلاتین 9 رهبرین‌دن بیری اولوب و 4 ایل پارتیادا اؤنم‌لی پوستدا چالیشا‌جاق . قورولتای مرکزی کومیته‌نین 9 حقیقی عضوونو و 8 عضو‌لویه نامیزدی سئچیب. آیلین فاضلیان (بیلگین) ایسوئجین ان اؤنم‌لی و گوج‌لو پارتیاسی‌نین قادین‌لار تشکیلاتی‌نین رهبرلیگینده تمسیل اولونماسی ایسوئجده بوتون اجنبی‌لر، خصوصیله ده تورک‌لر اوچون اوغورلو نایلیت ساییلیر.
ایسوئج سوسیال-دئموکرات پارتیاسی یاریبایاری قادین و کیشی‌لردن تشکیل اولونوب. سوسیال-دئموکرات‌لارین ایچین‌دکی بو برابرلیک اونلارین پارلامئنتده قازاندیق‌لاری ماندات‌لاردا اؤزونو گؤستریر. یعنی پارتیانین قازاندیغی ماندات‌لارین یاری‌سی قادین‌لارا، یاری‌سی ایسه کیشی‌لره چاتیر.
آیلین فاضلیان 23 یاشی وار، گنج و اوغورلو سیاستچی‌دیر. اونون آتاسی محمود بیلگین ده تانینمیش اجتماعی-سیاسی خادیم‌دیر.
