AZOH: Aprelin 26-da İranın Şimali Xorasan əyalətinin Bocnurd şəhərində “İnternet cinayətləri” mövzulu toplantıda çıxış edən sosial şəbəkələr üzrə polis rəisi Əli Yəli “Facebook” və “Twitter” şəbəkələrindən danışıb.

BAO.AZ-ın “Media forum”a istinadən məlumatına görə, Əli Yəli İran polisinin həmin şəbəkələrin fəaliyyətini nəzarətdə saxladığını bəyan edib: “Facebook” Amerikanın informasiya müharibəsi üzrə ən təhlükəli silahı və dünyanın ən nifrət doğuran casusluq vasitəsidir. İranda hər üç boşanmadan birinin səbəbkarı da “Facebook”dur”.

Əli Yəli deyib ki, İran polisi ölkənin dini və milli dəyərlərini “Facebook” və “Twitter”dən qorumaq üçün vətəndaşların həmin şəbəkələrdəki fəaliyyətinə nəzarəti gücləndirəcək.