Ərdəbildə 5 nəfər azərbaycanlı fəal tutuqlanıb

İran rejiminin Azərbaycan Milli Hərəkatının fəallarına qarşı təzyiqləri durmadan davam edir.erdebil

Əldə etdiyimiz son məlumata görə, Ərdəbil şəhərində 5 nəfər milli-mədəni fəal tutuqlanıb.

Məhəmməd Xakpur, Səccad Colani, Meysəm Colani, Əhməd Məhəmmədpur və Murtaza Qudrəti avqustun 23-də (şəhrivərin 1-də) Ərdəbil-Meşginşəhr yolundakı yoxlama məntəqəsində təhlükəsizlik qüvvələri tərəfindən tutulub və naməlum istiqamətə aparılıblar.

Bəzi mənbələrə görə, azərbaycanlı fəalların tutuqlanması, keçmiş illərdə Savalan dağında keçirilən mərasimin ildönümü ilə əlaqədardır.

Hələlik sözü gedən tutuqlamalarla bağlı geniş məlumat yoxdur. Yeni məlumat əldə olununca diqqətinizə çatdırılacaq.

AZERTIMES.COM

Share/Save/Bookmark