AZOH: Suriyada iqtidar bir tərəfdən islahat vəd edir, o biri tərəfdənsə dinc insanları öldürməyə davam edir. Bu gün Dera şəhərində polisin nümayişçilərə atəş açdığı, ən azı 20 nəfərin öldüyü bildirilir.

Türkiyənin Xarici İşlər Nazirliyi Suriyadakı hadisələrdə insanların öldürülməsinin üzüntü verici olduğunu açıqlayıb.

Nazirliyin yaydığı açıqlamada Bəşər Əsadın təlimatı ilə hadisələrlə bağlı istintaq başladılmasının və həbs olunan insanların azadlığa buraxılmasının müsbət qarşılandığı qeyd edilib.

Siyasi və sosial sahədə islahat çalışmalarının başladılmasının məmnuniyyətlə qarşılandığı bildirilən açıqlamada bu addımların dərhal atılmasının vacibliyi vurğulanıb.

Açıqlamada Türkiyənin Suriyaya hər cür dəstək verməyə hazır olduğu bildirilib.

TRT