AZOH: Martın 11-də baş verən 9 bal gücündəki zəlzələ və sunami ilə sarsılan Yaponiyada yeraltı təkanlar davam edir. Ölkənin şimalında 6,5 bal gücündə zəlzələ olub.

Zəlzələdə mal və yy can itkisinin olub-olmadığına dair açıqlama verilməyib.

Yaponiyalı rəsmilər zəlzələdən sonra sunami həyəcanı veriblər, ancaq dərhal sonra da həyəcan siqnalı ləğv edilib.

Martın 11-də baş verən zəlzələdə ölənlərin sayı isə 10 minə çatıb. 17 min yaponun aqibəti hələ də bəlli deyil.

Minlərlə insanın can verdiyi, on minlərlə insanın evsiz qaldığı zəlzələnin səbəb olduğu nüvə fəlakəti də davam edir.

Fukuşima Daiçi Atom Elektrik Stansiyasından radiasiya sızıntısı gedərək artır. Problemli iki reaktorda radiasiya səviyyəsinin təhlükə səviyyəsini aşması nəticəsində texniki qrup evakuasiya edilib.

TRT