قاچاق گلدیم بیرده گؤروم داغلاری

اوجالمییب،قوجالمییبلا داغلار.

اوردان کئچدیم یادیمداکی باغلارا

یاشیل باغلار قارا کئییب آغلییر.

بالتا کسیب یان یان دوشوب آغاجلار

خیردا موما سولوب اورک داغلییر.

بیزیم یوردون داغلاریندا بیر سیرر وار

داغا باغلی هر کیم اولوب قالیبدی

باغدان کئچن خزل کیمین یاغیبدی.

هانسی باغدا یووا سالیبدی قارتال؟

اوجا اوچان قوشلار یوواسی داغدی

اوجا داغلار باشی دوماندی آغدی.

بازیق کیمین سیخیلمییاق بیر یئرده

پائیز اولا،باهار اولا قوی اولسون

داغ باشیندا اؤردو کرگ قورولسون.