بیر نمایشنامه- درویش اوغلو
سکگیز – دوققوز یاشلارینداکی اوشاقلارین درس کیلاسی
معلم (ایستر آقا، ایستر خانیم) قاپیدان گیریر.
معلم: صبح به خیر
اوشاقلار ساکت قالیر
معلم تعجب ایله: صبح به خیر بچه ها
اوشاقلار دان هئچ سس چیخمیر
معلم بیر داها اوجاسس ایله: بچه ها صبح به خیر گفتم نمی شنوید؟
اوشاقلاردان سس چیخمیر
معلم دیل دوداغی آراسیندا اؤزو اؤزونه پیچیلداییر: بو اوشاقلارا نه اولوب؟
اوشاقلار هامیسی بیردن اوجا سس ایله: بیزه بیر شئی اولماییب.
معلم تعجب و سینیخمیش بیر حالده: کتابهایتان را باز کنید
اوشاقلاردان هئچ بیر حرکت گؤرونمه دیگی کیمی بیر سس ده چیخمیر
معلم اوشاغین بیرینه خطاب: احمد، کتابت را باز کن
احمد تعجب ایله یانینداکی اوشاقدان سوروشور: بو نه دئییر؟
یانینداکی اوشاق چیگینلرین چکه چکه: آنلامیرام!
معلم آیری بیر اوشاغا خطاب: محمود کتابت را باز کن
اوشاق یانینداکیندان سوروشور: بو نه دئییر؟
یانینداکی اوشاق یانینداکیندان سوروروشور: سن بونون نه دئدیگینی آنلاییرسان می؟
یانداکی اوشاق: من ده آنلامیرام.
معلم عصبانی، آنجاق اؤز ایچینده سینیخمیش بیر سس تونوندا: اوشاقلار نئیه آنلاامیرسیز؟
اوشاقلار هامیسی بیرلیکده: آنلادیغیمیز دیلده دانیش، بیزده بیلک نه دئییرسن!
معلم یالواریشلی بیر سس تونوندا: آخی دوننه جن آنلاییردینیز!؟
اوشقلار هامیسی بیرلیکده: آبان آیینین 18 ده ذهنیمزین فارسجا بؤلومونو خارابلادیلار.
بیز اون اوشاغیق، سن بیر اوشاقسان (ایسته یرک و بیلرک معلمی "اوشاق" خطاب ائدیرلر.)
سن بیزه اویمالیسان. سن بیزیم دیلیمیزی دانیشمالیسان!
معلم سینیخمیش بیر سس تونوندا ، اؤز اؤزونه دانیشیر: دوغرو دئییرلر!