ایستانبولدا آراییردی

تبزیزده قالان اوره یینی

اوزاقلاشیردی تبریزدن

اوره یی چیرپینیردی شاه گؤلونده

اوزاقلاشدیقجا تبریزدن

چکدییی چیلله لرده گؤزللـه شیردی گولوستان باغینین سازاغیندا

قوربت

قوربت

بیر آز داریخمادیر

سوزولور ایچینه هر گونش باتدیقجا

دوشور ساچلارینا

هر خاطیره سولدوقجا

آلنینداکی قیریشدیر سئودییینین گؤزللییینده

ائوینیزدن چیخان یولدور

یئنیر مئشه یه

چیخیر داغلارا

اوزانیب ایتن یولدور قوربت

قوربت

آراباداکی دینله دییین ماهنی

ایچدیییین چای

تیراختورون اویونلاری

سئومه دییینلری دینله دییین ده بئله قوربت دیر

قوربت

کانسر چیچه یی دیر

تک لییینده بیتیر بئینینده

قوربت

قارداش سیزلیق دئییل

یولداش اؤلومودور