حؤرمتلی وطنداشلار:

ایران ایسلام حاکمیتی ایللر بویو اورمو گؤلونون قوروماسینا اعتناسیز قالاراق آچیق – آشکار آذربایجاندا چوخ دهشتلی اکولوژی فاجیعه نین یارانماسینا سبب اولموشدور.

اؤلکه ده اقتصادی، سیاسی و اجتماعی گرگین لیگین یارانماسیلا یاناشی، اورمو گؤلونون اکولوژی فاجیعه سی، حاکمیتین آذربایجان خالقینا قارشی قصداً تحریکات یاراتماسیندان باشقا هئچ بیر شئی دئییلدیر.

اورمو گؤلونون فاجیعه سیله آذربایجان خالقینا مخاربه اعلان ائدن ایران ایسلام حاکمیتی، بئله بیر تهلوکه لی سیاستین هانسی آغیر مسئولیتلرله نتیجه لنمه سینی نظره آلاراق، تعجیلی صورتده اونا سون قویمالی دیر.

آذربایجان خالقی اورتا شرقده هر گون باش قالدیران سیاسی قالماقالدان تحریکات یارادانلارا اورمو گؤلونون فاجیعه سیندن سوءِاستفاده ائتمه یه اجازه وئرمه یه جک.

ایران ایسلام حاکمیتی نین بوتون اورگانلاری، اورموگؤلونون فاجیعه سینه داییر چوخ جیدّی و تعجیلی صورتده تدبیر گؤره رک آغیر مسئولیت داشیمالی دیر.

تبریز: گونش پارتیاسی

منوچهر عزیزی(هارای)