یئنی گونئی آذربایجان میللی اویانیش حرکاتینین تسلیت بیلدیریسی
آذربایجان، باشین ساغ اولسون
حؤرمتلی وطنداشلار، سئویملی سیلاحداشلار!
چوخ تأسفله بیلدیرملیگیک کی، دونن آذربایجان میللی حرکاتینین اؤنجوللریندن اولان ایبراهیم جعفرزاده، حایات یولداشی مینا کهروبائی و قیزی ایله بیرلیکده یول قضاسیندا دونیالارینی دییشمیشلر.
رحمتلیک ایبراهیم جعفرزاده میللی حرکاتیمیزین تانینمیش فعاللاریندان اولاراق، دفعهلرجه توتوقلانمیش و حبسه آلینمیشدی. میللی فعالیتلرده، اؤزللیکله خوی شهرینده هر زامان اؤنسیرادا اولان ایبراهیم جعفرزاده اؤز حایاتینی میللتینه حصر ائدهرک، آذربایجان دوشمانلارینین کابوسونا چئوریلمیشدی.
یئنی گاموح آدینا باشدا مرحوم لارین عائیله لری اولماقلا، آذربایجان میللتینه و میللی حرکات عائیلهسینه باش ساغلیغی دیله ییریک. روحو شاد و یولو گئدرلی اولسون.
یئنی گونئی آذربایجان میللی اویانیش حرکاتی (یئنی گاموح)-مرکزی کومیته
تبریز 2011-09-26