کئچمیش ایلده آزربایجانین یوروویزیوندا آوروپانین بیرینجی زیروسینه دایانماسی چوخلارینی راحاتسیز ائتمیشدیر .

باشدا ایران فارس ایرقیچی حاکمیتی اولاراق ، ارمنی و روس کیمی آنتی تورک دئولتری ده بو اولای دان راحاتسیز اولموشلار . بئیله کی میللتیمیزین یؤکسه لیشینی و دؤنیا اؤزره تانینماسیندان قورخویا دؤشه ن قووه لر بیر ایلین ایچینده الینده ن گلن تخریباتی آپارماقدادیرلار .

تاسفله سون گؤن لرده اورتایا آتیلمیش تخریباتلی پلان لار داها آرتیق اؤزلرینی گؤسته رمکده دیرلر .

ماالاسف چیزیلمیش بو پلانین ایچینده آزربایجان حاکمیتینین بعضی مخالیف قووه لری بیلمه دن بو توزاقا گیرمک ایسته میشلر .

دؤشمن لریمیز سوسیال شبکه لرده آزربایجانین مخالیف گنج قووه لریندن یارارلاناراق سانکی میللتیمیزه خیدمت ائتسن دیه رک ، بیزه قاراباغ اؤنملی دیر یوروویزیون یوخ ، کیمی شعارلاری اورتایا آتاراق آزربایجاندا کئچیرلین یوروویزیون یاریشینی قارماقاریشیقلی بیر قاوقالی اولایا دؤشؤرمک ایسته ییرلر .

قوزئی آزربایجانین دمکراتلاشماسی بیزیمده اؤره ک آرزوموزدور . آنجاق موخالیفت منطیقلی پرنسیپلر اؤزره دؤشمانلاریمیزی سئویندیرمه دن داوام ائتمه لیدیر .

یوروویزیونو سوء ایستیعمال ائتمه ک ، نه میللی کؤلتؤروموزه یاراشیر و نه میللی گله نکلریمیزه دایاناقلی دیر.

یوروویزیونو قاتیب قاریشدیرماق آزربایجانین ایمیجینی میللت اولاراق دونیادا زده لیه جکدیر .

سونوندا امود ائده ردیک حؤرمتلی قوزئی آزربایجاندا اولان سوی داشلاریمیز گونئی دن اولان بو تکلیفه مثبت یاناشیب و دوشمنلریمیزی او جؤمله دن فارس ایرقیچی حاکیمیتی نی سئویندیرمسینلر . یوروویزیون بیر ساکین و سورونسوز آتمسفرده کئچیرلمه لیدیر . بو اولایین داها سورونسوز کئچیریلمسی هامیمیزین میللی بورجوموزدور .

گؤنئی آزربایجان میللی مؤستقیل فعاللاری طیفی