قوچاق ایراقلی

" عاغیللی اولاراق اولمایاسی اولانی ایسته گینن " بو سؤز فیرانسا اؤیرنجی حرکاتی نین باش شوعاری اولماسییلا دونیا قامو اویوندا(افکار عمومی) تانینماقدادیر.دولایی سییلا بو دئوینیم دونیانین  دؤرت بیر یانیندا اولان باشقا اؤیرنجی حرکتلرله  فرقلنمه سی آچیقجا گؤزه چارپماقدادیر. ندن بو حرکتی باشقا حرکت لردن بیزیم اؤنمسه مه ییمیز گرکمکده دیر؟

دوکتور بشیریه سیاسال توپلوم بیلیمی کیتابیندا آچیقلادیغی کیمی اؤیرنجی حرکاتی هر زامان بیر هدف قونوموندادیر یانی اؤیرنجی گؤبه¬لک کیمی بیردن بیره یئردن چیخماییر. همه¬شه توپلومدا اولان و گئدن دوشونجه لردن ائتگی¬له¬ نیب اؤزونه لاییق اولان یئری منیمسه-ییر آنجاق فیرانسالی اؤیرنجی¬لر دار گونلرینده اولان زامان دیشاری¬دان ایلهام آلدیغی فیکیرداشلاری آرخالارینی بوشاتدیقدا اؤز ایشلرینی یاریمچیلیق قویماییب منطیق¬جه¬سینه موباریزه لرینی داوام ائتدیررکن ایره¬لی یوروموش¬لر. بو قونویو آچماقدان آماجیم بو گونکو اؤیرنجی¬لریمیزین دورومو هابئله اؤیرنجی حرکاتی ایله ایلیشگی¬سینی اینجه¬له¬مکدیر.

1374اینجی ایلین اوردیبهشتین 19دان بری حرکاتیمیزین تانیغی اولوروق. بو تاریخدن 1385 خورداد آیاقلانماسینادک هر زامان اؤیرنجی¬لر موباریزه¬میزین اؤن سیرالاریندا بولونماسی¬نین گؤزلم¬له-ییریک، دئمک بو ایللرین آراسیندا اولان سورجده اؤیرنجی¬لر بیلیم یورددا اولان حاکیمیتین قووه¬لری ایله قارشی قارشی¬یا توتوموندا بولونموش¬لار هابئله آدلاری بو یازی¬یا سیغیشابیلمه¬ین چوخلو آیدین-لاریمیز حاقسیزلیقلارا اوغراییب یئرلی¬جه¬سینه موباریزه¬لرینی ایره-لی سورموش¬لر. قوشقوسوز بو دؤنمده اؤیرنجی حرکاتین واراولوشو(موجودیت) آصلا سؤز قونوسو اولمامیش آنجاق 85 تاریخیندن اعتیبارا بیلیم یوردلاردا بیزیم اوچون وار اولدوغو اورتام¬لار و فضالار گئتدیکجه قاپالماغا ساری یورومکده¬دیر. بو گونلرده بؤیله اورتاملارین یاشانیلماسینین هابئله گرچکلشمه¬سینین چتین¬جه¬سینه تانیغی¬ییق. بو دوغرولتودا کولتورل اوجاقلارین باغلانیلماسی، شعیر آخشاملارینا ایذین وئریلمه¬مه¬سی، کیتاب و رسیم  سرگی¬لرینه هابئله سادالاماق اولار.قوشقوسوز بؤیله اولدوغو تقدیرده اؤیرنجی حرکاتی چوخلو سورون¬لارلا قارشیلاشماق مجبورییه-تینده اولاجاق. بو چئشید اورتام¬دا باشقا ائتمن¬لردن چوخ قورخو، حاکیم اولاجاق آنجاق بو سؤزلردن کئچسک اؤیرنجی¬لریمیزین و اؤیرنجی حرکاتی¬نین اؤنرگه¬سی نه اولمالی¬دیر؟

یئنی نسیل چوخلو جوشقو و شورلا بیلیم یوردا¬ گیردیکده بؤیله بیر اورتام¬لا اوزله¬شرکن اؤز یئته¬نک¬لرین اؤلمه¬سینین یاخود اؤزلری وریندن اؤلدورولمه¬سینین شاهیدی دیرلر.بئله بیر دورومو اوکیانلارین لاپ اورتاسیندا بیری¬سینی یاپایالنیز الینده بیر پوسولا(قطب نما) اولمادان کیچیک گمی¬نین ایچینده اللرینده تکجه بیر جوت کورک اودا کوره¬مک اوزره، اوخشاتماق اولار.

یوخاری دا سؤز ائتدیگیمیز قوشوللارین یارانماسیندا اؤلچویل(اصلی) ندنی بیر ائتمه¬نین یوخسونلوغودور اودا اؤیره¬تیم له اییتیم دیر. بو دورومدا هر بیر اؤیرنجی سایان کیمسه تکلیفی بللی اولمالی هابئله ایستک¬لری، نه تهر موباریزه آپارماسی، موباریزه¬یه اینانماسی و باشقا باشقا زادلارا. . . آیدین¬لاشمالی-دیر.

بو دورومون چؤزوم یوللارین¬دان اؤرنک گتیرسک اؤرنه¬یین عرب دیلینده مدینه، شهر آنلامیندادیر اونون دالی سیراسیندا مدنی، تمدن، مدنیت یاخود اینگیلیس دیلینده بؤیله¬ اولماقلا هاممی¬سی اویغارلیق گؤسترگه¬سی¬دیر. بونلاری ایچرن ایچه¬ریکلر هاممی¬سی مدنی قوروملاردان آسیلی¬دیر. مدنی قوروملاردان تئاتر قروپو، ماهنی قروپو، خط یازماق، رمان، حیکایه و ...    زمینه¬لرینی آد آپارماق اولار. بونلاری دئمک¬دن اوست¬ده سؤز گئتدیگی قوروملاری اؤز دوغما دیلیمیزده یاراتماسی و یاشاتماسی آماجلاماق اولا بیلر. بو تیپ قونولار هله بو قورخولو فضادا داها دوغروسو سیاسال عمله یاخینلاشا بیلمه¬ین اورتام¬دا یاساقلانمامیش گیریشیملر(اقدامات)دن-دیرلر.

باشقا گؤروش آچی¬دان دا دؤولت¬سیز میللتلرین کولتورل موباریزه¬سی دؤرد یؤندمی ایچرمکده¬دیر:

1-                 سیمبولیک یوللار اؤرنه¬یین گئجه¬لیک، اس¬ام¬اس، سیمگه دارتیشمالاری

2-                 ایتیجی ائتگیله¬شیم(برهم¬ زننده) گیریشیملر

3-                 سئچگینلر(نخبه¬ها):اؤیره¬تیم یولویلا یان دؤوره¬سینی ساواد هابئله دوشونجه باخیمیندان اؤز حددینه یئتیره¬بیلن بیری¬سی. حاکیمیتین ایشکنجه¬سینه، سورگونونه،دوستاقلارا اوغرایانلار بیر آیری دئییم¬له قددارلارین سونگولرین قارشی¬سیندا هر زامان بو نوخبه¬لردیر.

4-                 سئچگین¬لرین آرتیریلماسی دولایی¬سییلا نوخبه ایله کوتله(توده)نین آراسی¬نین قالدیریلماسی

اؤیرنجی حرکاتیندا یوخاریدا توخوندوغوموز یؤندم¬لریندن چوخلو سیمبولیک یوللار ایله ایلگی¬له¬نیب تاخیلیب قالمیش¬دیر آنجاق او بیری¬سی یوللارا ایلگی اولماییب اویغولانمامیش ساکین حالدا قالمیش¬لار ایلگی اولسادا بئله یئترینجه اولماییب اولمامیش. بو گون اؤیرنجی¬لر یوخاری¬دا اولان یوللاری منیمسه¬مه¬لی آز زامان اولان سوره¬ده قیسیر دؤنگو (دور باطل)یه دوشمه¬دن بیر اینانمیش موباریز یئتیریب یئتیرمه¬لی-دیرلر.

گله¬جک بیزیمدیر.

¬