English            Latin   

برای دریافت مطالب جدید به این آدرس www.azoh.net  مراجعه فرمایید

Yeni Adresimiz www.azoh.net

New Address www.azoh.net 

گفتنی است این سایت آرشیو مطالب منتشر شده از اسفند 89 تا دی 92 و همچنین از مهر 94 تا شهریور 95 را شامل می شود
 

آذوح-ون عطییه طاهیری ایله اوزه ل دانیشیغی: سعیدسیز یاشاماق، چتیندیر...

آذربایجان اؤیره نجی حره کاتی(آذوح)-اون عطییه طاهیری، سعید متین پور- اون حایات یولداشی ایله اؤزه ل دانیشیغی

(سعید بئی متین پور، تئهرانین اینقیلاب محکمه سی طرفیندن 8 ایل حبسه جزالانیبدیر. سعید بئی 1388جی ایلین تیر آییندا 8 ایل حبسی کئچیرتمک اوچون تئهراندا ائوین زیندانینا آپاریلدی.

سعید بئی متین پور، 3 ایلدیر دوستاقدادیر.

تئهران رژیمی 1000 گوندن آرتیقدیر کی سعید بئیین دوستاقدان حتی بیر گون موقتی چیخیب و عائیله سینی گورومکه ایزین وئرمیر.

آدینی تئرور ائدیرلر

آدینی گودورلر

آدینی گولـله­­له­ییرلر...

آدین "آزادلیق" دیر،

گؤیلومه دوشور.)

آذوح: سالاملار و سایغیلار ،عطییه خانیم طاهیری،دوستاق دا اولان، سعید بی متین پور- ون حایات یولداشینا، واقتینیزی بیزه وئردیگینیز اؤچؤن اؤز تشککؤرله ریمی بیلدیرییه م،

ایزین وئرسه نیز نئچه سورونون جاوابین، سعید بی ایله ایلگیلی، سیزین آغزینیزدان ائشیده ک ؟

عطییه طاهیری : سالام ،‌ساغولاسینییز، اویغون اولدوغو سورولارا جاواب وئره بیله ره م.

س- سعید بی-این باخیشی، میللی حاقلاریمیز اؤچؤن نه جؤرؤدؤر؟

ج- تؤرکله رین قارشیسیندا اولان تبعیض لری آرادان آپارماق، سعیدین بیرینجی مسئله سی دیر، چالیشماقلاریندا.همیشه دییه ردیر، بیزه اؤز دیلیمیزده مدره سه ، تی وی ، روزنامه گره کیر.

س- سعید بی-این اؤزه ل آخلاقلاری و فیکیرله رین دییه بیله رسیز؟

ج- سعید هئچ زامان کیتاب اوخوماغی اونوتمادی، ایندی ده ائوین نین(تئهران دا-دوستاغین آدی)، 350 بندینده واقتینین چوخ پایی کیتاب اوخوماق ایلا گئچیر، آخلاق سیزلیق هر کیمین قارشیسیندا اولا، چوخ اینجیدیر بیله سینی.

س- سعید بی-این اؤزه ل چالیشماقلاریندان آد آپارا بیله رسینیز؟

ج- زنگانلی آدلی بیر وئبلاقدا یازاردیر.

س- سعید بی-این، دوستاقدا فیزیکی و روحو دورومو نئجه دیر؟

ج- من چوخ سعیددن سوروشمام ایندی نئجه فیکیرله شیر، آما روحو دورومو یاخشیدیر و فیزیکی دورومودا ایندی یاخشیلاشیبدیر، چؤن بئلینه گؤره دوستاغین فیزیوتوراپیسینا گئدیر.

س- سعیدسیز یاشاماق نئجه دیر؟

ج- چتیندیر، آما کئچیر هر حالدا.

س- سعید بی ایله نه جؤر و هاچان لار گؤرؤشؤرسؤز؟

ج- سعید له هفته ده بیر گؤن دوشنبه لر،تئلفونلا شؤشه دالیندان دانیشارام، تزه لیکده (کئچه ن دوشنبه)، سعیدی اینفیرادییه مؤنته قیل ائلیییب لر ، اونا گؤره کی کئچه ن دوشنبه هودا صابیرین ایل دؤنؤمؤنه گؤره دوستاقدا بیر برنامه اولوب کی، سعید ده بو برنامه ده شیرکت ائله میشدیر.

آذوح :عطییه خانیم، بو چتین دورومدا، بیزیم له دانیشماغا حاضیرلاشدیغینیز اؤچؤن بیر دؤنه ده آذوح ورینده ن سایغیلاریمی سیزه  بیلدیییره م.بیز آذوح اولاراق بؤتؤن دوستاقدا اولان یولداشلاریمیزی، اؤزه للیک له  سعید بی متین پور-اون، تئزلیک له آزاد اولونماسین ایران حاکمییه تینده ن ایستیییریک.

Share/Save/Bookmark
 
آدرسهای ما - Follow us

YouTube

 -----

Facebook

----- 

Twitter