English            Latin   

برای دریافت مطالب جدید به این آدرس www.azoh.net  مراجعه فرمایید

Yeni Adresimiz www.azoh.net

New Address www.azoh.net 

گفتنی است این سایت آرشیو مطالب منتشر شده از اسفند 89 تا دی 92 و همچنین از مهر 94 تا شهریور 95 را شامل می شود
 

اؤیرنجی سیته سینین باغلانماسی حاققیندا بیلدیری

اؤیرنجی سیته سی آذربایجان تاریخینین حساس بیر دؤنمینده ( 1385 جی گونش ایلینده) فعالیته باشلادی و ایشه باشلادیغی زاماندان بری چالیشدی گونئی آذربایجانین ، ایران تورک لرین و ... خبرلرین یایماقلا برابر، فیکیر و دوشونجه یاراتماق و میللی حرکتده اولان چئشیتلی فیکیرلری پایلاشماق اوغروندا بؤیوک آددیم لار آتسین و آذربایجانین بو گونکو آکادئمیک نسلینین دوشونجه لرینه اؤنم وئریب و اونلارین تریبونو اولسون.

اؤیرنجی سیته سی اؤز آدینا دایاناراق نه قدر آغیر بیر گؤره وی بوینونا آلدیغینی یاخشی بیلیب و اؤیرنجی حرکتی نین  ماهییتی و تعریفینه دایاناراق اؤزونه موستقیل یول و پرنسیپ لر سئچمک مجبوریتینده قالیب و هئچ بیر حزب و تشکیلاتا دایانمییاراق اؤز فعالیت لرینه داوام وئردی و هر زامان داورانیشلاریندا اؤزونو گونئی آزربایجان اؤیرنجی حرکتی نین تمثیلچیسی کیمی دگیل، اونون بیر پارچاسی کیمی تانیملامایا چالیشدی و بو پرنسیپ لره دایاناراق، گونئی آزربایجان میللی حرکتی ایچینده فعالیت ائدن بوتون تشکیلات لارا، حزب لره و اونلارین فعالیتلرینه سایغی لی اولاراق، اؤیرنجی حرکتی نین موستقیل اولماسینا تاکید ائتدی.

اؤیرنجی سیته سی، یاییلان خبرلر و نشر ائدیلن مقاله لرله گوونلی بیر خبر قایناغی اولماغا، اوخوجولارین معلوماتلانماسینا و میللی حرکتین مئدیا بوشلوغونون بیر کؤشه سین دولدورماغا چالیشیب و عئینی زاماندا گونئی آذربایجان اؤیرنجی حرکتیندن دئموکراتیک،مدرن و یارادیجی بیر حرکت گؤرونتوسو سرگیله دی.

اؤیرنجی سیته سی یوخاریدا قئید اولونان پرنسیپ لری نظرده آلاراق، فایداسیز موباحیثه لردن و یا دوغرو و دوزگون یولدان چیخمیش موباحیثه لردن اوزاق گزدی. بونا گؤره بیر چوخ ایتتیهاملارا توش گلدی. آما هر بیر زامان گونئی آذربایجانین میللی منفعت لرین گؤز اؤنونه آلمایا چالیشدی. طبیعی دیر بو یولدا آخساقلیقلاردا اولدو و زامان سورجینده فیکیرداشلارین و اوخوجولارین  صمیمی تنقیدلرین دن فایدالاناراق بو آخساقلیق لاری حل ائتمه یه چالیشدی.

اؤیرنجی سیته اون گون بوندان اؤنجه وئردیگی بیلدیری اساسیندا، اؤز فعالیت لرینی بو گوندن اعتیبارن دایاندیراجاق. بو دایاندیرمانین ندن لری و سببی اؤیرنجی سیته سینده چالیشان میللی فعال لارا محفوظدور و اؤیرنجی سیته سی بو قونودا آرتیق معلومات وئرمگه گرک گؤرمور. اؤیرنجی سیته سینین حؤرمتلی اوخوجولاری هر بیر زامان بو سیته نین اؤزل بؤلوموندن و www.4shared.com  سیته سینده یایلان درگی لردن و کیتابلاردان فایدالانا بیلرلر.

اؤیرنجی سیته سی سوندا بوتون آذربایجان میللتینه و میللی فعاللارا اوغرولار آرزولاییب و بو گونه کیمی اونا دستک وئرن بوتون یازارلاردان ، خبر گؤندرنلردن ، اوخوجولاردان اؤزللیکه گونئی آذربایجانین درین دوشونجه لی اؤیرنجی لریندن اؤز درین تشککورونو بیلدیریر . اؤیرنجی سیته سی گونئی آذربایجانین آیدین گله جه گینه ایناناراق آذربایجان میللتینین آزادلیق و ایستیقلالینی آرزولاییب و بوتون اؤیرنجی لری داها گوجلو و داها درین چالیشمالارا چاغیریر.

گله جک بیزیمدیر

یاشاسین آذربایجان

Share/Save/Bookmark
 
آدرسهای ما - Follow us

YouTube

 -----

Facebook

----- 

Twitter