اولوسلاراراسی گونئی آذربایجان تورک‌لری کونسئیینده ن شوک آچیقلاما‌لار!
آذوح: موصاحیبه‌میز گونئی آذربایجان دان میللی فعال آیدین تقی اوغلو ایله اولموش.
ائشیتدیغیمیزه گؤره اوگتک ده ن(اولوسلاراراسی گونئی آذربایجان تورک‌لری کونسئیی)9 نفر ایستئفا وئرمیش‌لر، بو دوغرو مو؟
-بلی
بو کونسئیین نئجه یارانماسینی بیزه آچیقلارمیسیز؟
-بیلدیغینیز کیمی 2012 مای آییندا ،آنکارا شهرینده بیر فوروم یاراندی و بو فورومون قورولماسی‌نین تشبوسکارلاریندان بیری جامال مهمتخان اوغلو اولموش‌دور . چوخ آز بیر زاماندا فوروم آدینا دعوت‌لر آلدیق و گونئی مسئله‌سینه گؤره بونو اولوم‌لو قارشیلادیق و دستک اولدوق.
آلینمیش قرارا سادیق قالا‌راق ،اؤز تشکیلاتیمیزی تمسیل ائتمک اوچون ،آذربایجان اوغوزلار قروپو اولا‌راق ،باشقا تشکیلات منسوب‌لاری ایله بیرلیکده ،آنکارایا گئتدیک.فوروم اؤنجه‌سی اولوم‌لو و خوش موباهیسه‌لر اولوندو و آز زامان ایچینده فوروم قورولدو و 300 نفردن چوخ قاتیلیمجی ایله فوروم باشلادی. واخت آزلیغی ندنی ایله هر شئی چوخ صورتله موذاکیره اولدوق‌دان سونرا ،اؤنجه‌دن هازیرلانمیش دوزوکو موذاکیره ائتدیک و ارته‌سی گون کونسئی یاراندی کی 50 نفردن ایبارتیدی.بو شخص‌لرین چوخون‌لوغو ،جامال.م بیین اؤنری‌سی ایله سیاسی تشکیلات منسوب‌لاری سئچیلدی و آردیجا چوخ چتین‌لیکله کونسئیین ایداره هئییتی سئچیلدی.
نیه گؤره چتین‌لیک چکدینیز؟
-چوخ ماراق‌لی بیر حادثه اوز وئردی ،سئچیلمیش اولان 11 نفرین تکجه 1سی گونئی‌لی ایدی و اوردا اولونان گونئی آذربایجان تشکیلات منسوب‌لاری بونا قارشی اعتراض ائتدی‌لر .دورومون وخامتینی گؤرن جامال بی اورتامی یوموشاتمایا چالیشدی و مردان سئییبی‌لی بیین گئری چکیلمه‌سی‌نین اؤنری‌سی اؤزره بو هئییت 17 نفرین اولماسینا قرار آلیندی و 4 گونئی‌لی سویداشیمیز بو لیسته‌یه علاوه اولوندو.جامال بی گؤردو کی گونئی‌لی دوست‌لارین اوردا اولماماسی ،گرکن مشرویتین و دستیین اولماماسی دئمک‌دیر .
ایستیفایا ندن اولاناری آچیقلارمیسیز؟
-سئچیلمیش اولان 17 نفر ایداره هئییتین ایچینده منده واردیم و آنکارا‌دان دؤندوک‌دن سونرا کونسئی آدینا فعالیت‌لره و رئکلاما باشلادیق . آز زامان‌دان سونرا جامال بی بیر سؤزچو کیمی ،اؤنری‌لرله یوخ ،بلکه اولوم‌سوز هوکوم‌لرله فیس بوکدا دا یازی‌لار پای‌لاشدی کی بو بیر چوخ ایده اویه‌لری‌نین اعتراضینا ندن اولدو. بو اعتراضلارا قولاق وئرمیین سؤزچو ،بیر سیرا گیزلی گؤروش‌لره قاتیلدی کی بونو زائور بایرام‌لی بئیله یاپدی‌لار.
اؤنم‌لی بیر مسئله یوخموش کیمی داورانان جامال بی نئچه گون سونرا بل‌لی اولمایان ندن‌لردن دولایی ،زائور بئیله کونفیلیکت‌لی موباهیسه‌لری اولموش کی سونوندا زائور بئی بو گؤروش‌لرین ،کیمینله ،هاردا و نه زامان اولدوغونو ،کیمسئیله پایلاشماماق عذره آند ایچدیغینه رغمن ،جامال بئیه خیانت ائدیب و روسیا و ایکی باشقا سوپئرگوج اولکه لرین بؤیوک ائلچیلیغین‌دن گؤندریلن نماینده‌لرله گؤروشدوک‌لرینی ،ایداره هئییتینه آچیقلادی.
بو گیزلی گؤروش‌لرده نلر موذاکیره اولدوغونا گؤره بیر فیکرینیز وار می؟
-البته کی یوخ ! بو گؤروشمه‌لر تامامی ایله گیزلی اولدوغونا گؤره کیمسه ایله بیر سؤز دانیشیلمادی و فرق‌لی سؤزلر اورتادا سرگیلندی . حیرت ایچینده قالان ایداره هئییتی بو گونه قدر او گؤروش‌لرده نلر موذاکیره اولدوغون‌دان هئچ بیر خبرلری یوخ‌دور .
بو گؤروش‌لر گونئیله می یوخسا کونسئیلمی ایلگیلیدی؟
اینانین کی هئچ بیر فیکریم یوخ‌دور و تکجه بونو دیه بیلرم کی گونئی آذربایجان اوستون‌دن اویون قورماق ایستیین و اؤز سیاسی ماراق‌لاری دوغرولتوسوندا ،ایرانا باسقی قولو یارادماق ایستیین چوخ‌لو و معین قوه‌لر وار کی هر جور چیرکین اویون‌لارا گیره بیلرلر. بونا ماددی دستک ،ایستیخبارات و لوگیستیک دستکده شامیلل اولا بیلر .
بو باره‌ده ایرانا قارشی نه دوشونورسونوز؟
-دوغال اولا‌راق ،ایران نظرده آلینان دوشمن کیمی بو کونسئیه یاخین‌لاشا بیلر و تبی کی اودا بو قونویا گؤره راحت‌سیزلیق هیسس ائدیر و علین‌دن گلنی اسیرگمز .
جامال مهمتخان اوغلونون آچیقلاما‌لاری نه اساسدا اولدو؟
-جامال بیی ایستیزاه و آچیقلاما وئرمک اوچون، دفعه‌لرجه پالتالک اورتامیندا قورولان توپلانتییا دعوت ائتدیک ،اما جامال بی بون‌دان چکیلیب و عکسینه قئیری معقول و قئیری تشکیلاتی داورانیش‌لارا ال آتدی .
سیزین ایستیفانیزین ندنی بون‌لار می؟
-اصلینه باخارسانیز بو ایشلرین اؤزو ،هر عقل‌لی و تشکیلاتی چالیشماغی بیلن بیر کیمسئیی درین‌دن دوشوندورر ،آنجاق بون‌لارا دؤزه‌رک ایلری گئتمه‌یه قرار وئردیک کی نئچه واخت بون‌دان اؤنجه ،جامال بی اعتراض ائدن دوست‌لارین ،آدلارینی چکه‌رک ایستیفایا دعوت ائتدی و آردیجا یئنه‌ده اولوم‌سوز اؤنری‌لری ،هوکوم کیمی یازماغا باشلادی .ایدره هئییتی‌نین تجی‌لی بیر توپلانتی‌سیندا ،جامال بیین گئچیجی اولا‌راق سؤزچولوک‌دن چیخاریلماسینا قرار آلیندی و اؤنجه‌دن آلدیغیمیز قرارا گؤره کی پالتالک توپلانتی‌سینا 3دفه آردیجیل قاتیلمییان اویه‌نین ،سس وئرمه حاقی علین‌دن آلینا‌جاق و بونون اساسیندا جامال بیین سس وئرمه حاقیدا علین‌دن آلینمیشدی.
بون‌لارا باخمایا‌راق سؤزچو اولمادیغی یئرده ،جامال بی بیر سؤزچو کیمی ،بوتون اؤز باشینا‌لیق‌لارینا ،قئیری تشکیلاتی داورانیش‌لارینا ،کونسئی آدینا بیانات صادر ائتمه‌یه و ها بئله چیخیش‌لارینا دوام ائتدی.
سون اولا‌راق ،جامال بیین باشچی‌لیغی اولماق شرطیله قورولان گیزلی توپلانتیدا کی قئیری تشکیلاتی و قئیری مشرو ساییلیر ،یئنی بیر لیسته اورتایا قویموش و یئنی ایداره هئییتی یارادمیش ،دولاییسییلا بونو رسمی‌لش‌دیرمک اوچون تجی‌لی کونسئی توپلانتی‌سینی بو سون گون‌لرده اورتایا گتیرمیش .
جامال بیین بو سون ختاسی ،سبیرلری زورلویان سون ترپنیش اولدو ، ایداره هئییتی اونون اوزور ایستمه‌سینی ایسته‌دی و بو ایشلرینی دوام وئرممک اوچون اونو اویاردی ،جامال بی بون‌لارا قولاق آسمایا‌راق ، اؤز قئیری اخلاقی دوشونجه‌لرینی دوام ائتدیردی . هانگی سبب‌لر ندن اولدو، دیه بیلمیرم ،آنجاق ائتدیگی قئیری تشکیلاتی ایشلر،اؤز باشینا‌لیق‌لار و گیزلی گؤروش‌لر الده اولان دوزوکه قارشی ساییلیردی و سانیرام ، بو ایشلرین دیری و وئردیگی زرر ،ان آز خیانت قدر قینالینا‌جاق دورومدا‌دیر .
ایستیفا وئرن‌لرین آدینی آچیق‌لییا بیلر میسیز؟
-اولوسلاراراسی گونئی آذربایجان تورک‌لری کونسئیی ایداره هئیئتین-دن ایستئفا ائدن‌لرین سیاهی‌سی
1. فیرودین جلیلوو
2. آمیر مردانی
3. آیدین تغی اوغلو
4. بابا تغیئو
5. جبار ستتار اوغلو
6-میکاییل کسکین
7-مردان سئییدبی‌لی
8-حاکم سادیقوو
9- هادی موسوی
-و تئکرار اولا‌راق گونئی آذربایجان اوچون اؤز اوزونتوموزو بیلدیریب و گئچمیش اولسون دیگیریک.
چوخ ساغ اولون آیدین تقی اوغلو بی ،سیزه و تمسیل ائلدیگینیز دیرلی تشکیلاتینیز ،آذربایجان اوغوزلار قروپونا ، تشککور ائدیریک .
