ایراندا 35 میلیون تورک اسارت آلتیندا یاشاییر
امیر مردانی: «اوروپا بیرلیگینین و آوروپا پارلامئنتینین نمایندهلرینه گونئیلی میللی فاللارلا باغلی 200 صحیفهلیک هئسابات تقدیم ائتدیک»
«گونئی آذربایجاندا 2011-جی ایلده 310 میللی فعال هبس ائدیلیب»
گونئی آذربایجانلا باغلی حقیقتلری، اوراداکی سیاسی و اقتصادی بحرانی، اینسان حاقلاری پوزونتولارینی بئینلخالق ایجتیمایته چاتدیرماق مقصدیله بیر قروپ گونئیلی سویداشیمیز آوروپا بیرلیگینده و آوروپا پارلامئنتینده گؤروشلر کئچیریبلر. بو حاقدا داها اطرافلی معلومات آلماق مقصدیله گؤروشده ایشتیراک ائدن سویداشلاریمیزدان بیری — امیر مردانی ایله همسؤهبت اولدوق. لاکین اؤنجه موصاحیبیمیزین اؤزو ایله یاخیندان تانیش اولماق ایستدیک. اورمیادا دوغولان امیر مردانی 3 یاشیندان عائلهسیله بیرگه تبریزه کؤچوب، اورادا بویا-باشا چاتیب.
- میللی موباریزهده ایشتیراکینیز نئجه باشلادی؟
- اونیوئرسیتئتدن اؤنجه وئبلوق یازیلارییلا، بیلدیریشلر یایماقلا، دیوارلارا میللی شوارلار یازماقلا مشغول ایدیم. لاکین آلی مکتبه داخیل اولاندان سونرا فعالیتیم سیاسیلشدی. بئلهجه 2006-جی ایلدن گونئی آذربایجان اؤیرنجی حرکاتینا (آذوح) عضو اولدوم. بیر نئچه دفعه هبس ائدیلدیم و معین مدت هبسخانادا قالدیم. ایراندا هبس ائدیلنده بیلمک اولمور کی، نه زامان آزادلیغا چیخاجاقسان. بیر دفعه 4 گون، باشقا هبسیمده ایسه 47 گون تکاداملیق کامئرادا قالدیم. ایران بئلهدیر، آدامین هئچ آتا-آناسینا بئله رحم ائدیلمیر. محکمهلرین بیرینده حاکم منه 5 ایل هبس جزاسی وئردیگینی دئدی. آنام بو عدالتسیز قراری ائشیدنده حاکمه اعتراض ائتدی. تسووور ائدین کی، حاکم منی آزاد ائدیب آناما 3 آی هبس جزاسی وئردی. 2008-جی ایلده 8 یولداشیملا بیرگه آذوح-آ عضو اولماق ایتتیهامییلا هبس ائدیلیب 77 گون تجریدخانادا ساخلانیلدیم. محکمه 3 ایل هبس جزاسی وئردی. 2009-جو ایلده ایراندا کئچیریلمیش موباهیسهلی پرئزیدئنت سئچکیسیندن سونرا منه تئهرانین ائوین زیندانینا گؤندریلجییمی دئدیلر. آنجاق اللهین بؤیوک لوتفو و یولداشلاریمین یاردیمییلا ایراندان قاچا بیلدیم. آرتیق 3 ایلدیر ایسوئچده سیاسی موهاجیر حیاتی یاشاییرام.
- بس آوروپا بیرلیگینده و آوروپا پارلامئنتینده گؤروشلرینیز نئجه باش توتدو؟
- بوندان اول ایسوئچ پارلامئنتینین بیر نئچه عضوو ایله گؤروشوموز اولدو. سونرا آوروپا بیرلیگینه و آوروپا پارلامئنتینه (آپ) گؤروشمک ایستییله مراجعت ائتدیک. بیزیمله نویابر آییندا گؤروشمیی تکلیف ائتدیلر. بئلهجه گؤروشوموز باش توتدو. گونئی آذربایجاندان اولان بیر نئچه سویداشیمیزلا بیرگه آوروپا شوراسی ایله آب کووردیناسیا کومیسسیاسینین صدر مواوینی ایلیا سوببوتین و آوروپا پارلامئنتینده ایرانلا باغلی خصوصی کومیسسیانین آپاریجی عضولریندن بیری اولان ژ. وئیدئنهولزئرله گؤروشدوک. قئید ائدیم کی، ایلیا سوببوتینله گؤروشوموز آوروپا شوراسی ایله آب کووردیناسیا کومیسسیاسینین اوفیسینده، وئیندئنهولزئرله ایسه آوروپا پارلامئنتینین بیناسیندا باش توتدو.
- گؤروش نه واخت کئچیریلدی؟
- ایلیا سوببوتینله نویابرین 5-ده یئرلی واختلا ساعت 14:00-دا گؤروشوموز اولدو و بیر ساعت داوام ائتدی. هویابرین 8-ده ایسه وئیندئنهولزئرله ساعت 11:00-دا گؤروشدوک.
- سیز گؤروشده هانسی قورومو تمسیل ائدیردینیز؟
- من آذوح سؤزچوسو قیسمینده ایشتیراک ائتدیم. گؤروشلرده ایلیا سوببوتین و وئیندئنهولزئرله یاناشی، اونلارین ایکی مواوینی ده ایشتیراک ائدیردی. گونئی آذربایجان هئیتینده ایسه گونئی آذربایجان دئموکرات پارتیاسینین (گادپ) سؤزچوسو محمود بیلگین، گادپ گنجلر شعبهسینین مسئول شخصی پولاد کریملی، گونئیلی قادین میللی فال آیدا بیلگین و باشقا بیر میللی فال دا واردی.
- گؤروشون مقصدی نه ایدی؟
- بیلدیگینیز کیمی، ایران آدلانان اؤلکهده 35 میلیون تورک اسارتدهدیر. گونئیده آذربایجان تورکلری گوندن-گونه داها چوخ باسقییا معروض قالیرلار. دئمک اولار کی، هر گون هانسیسا میلی فالین هبس خبرینی آلیریق. گونئی آذربایجاندا 2011-جی ایلده 310 میللی فال هبس ائدیلیب. حسابلامالارا گؤره هر 28 ساعتدا بیر نفر هبس ائدیلیر. ایرانین اؤز رسمی منبعلرینین وئردیگی معلوماتا گؤره، 194 میللی فالا اومومیلیکده 199 ایل هبس جزاسی وئریلیب. بو، فاجعه، سویقیریمدیر. اما تأسفلر اولسون کی، بو آجیناجاقلی وضعیتله باغلی بئینلخالق تشکیلاتلار او قدر ده معلوماتلی دئییللر. اورمیا گؤلوندکی ائکولوژی فلاکتله باغلی نه قدر یازساق، یئنه ده آزدیر. اقتصادی پروبلئملر، ایشسیزلیک، یوخسوللوغون آرتماسی و س. گونئی آذربایجانداکی اساس پروبلئملردندیر. گؤروشون مقصدی ده ائله بو کیمی پروبلئملرله آوروپالیلاری تانیش ائتمک ایدی. هبسده اولان بیریسی یالنیز او اومیدله یاشاییر کی، آزادلیقدا بیریسی اونو مدافعه و حاقلارینی طلب ائدیر. بیزیم وظیفهمیز ده اونلارین حاقلارینی مدافعه ائدیب هر یئرده اونلاردان صحبت آچماقدیر. بو مقصدله ده ایندیدک بیر چوخ تشکیلاتلارا مراجعتلر ائتمیشیک. بوندان سونرا دا گؤروشلریمیز اولاجاق.
- گؤروش نئجه کئچدی؟
- گؤروش سمرهلی موذاکیرهلرله کئچدی. اونلارا تاریخی آذربایجان اراضیسینین ایکی یئره پارچالانماسی و 35 میلیوندان چوخ آذربایجان تورکونون ایراندا یاشاماسی، ائلهجه ده اورمیا گؤلونون رئژیم طرفیندن مقصدلی شکیلده، صونعی مانعهلرله قورودولماسی حاقیندا دانیشدیق. اهر و ورزیگان بؤلگهسینده باش وئرن زلزهلهدن، دؤولتین زررچکنلره لاقئید موناسیبتیندن، فلاکت بؤلگهسینه ائدیلن یاردیملارین قارشیسینین آلینماسیندان دا بحث ائتدیک. گؤروشده گونئی آذربایجاندا سون 4 ایل عرضینده اینسان حاقلارینین پوزولماسینا دایر هئسابات دا تقدیم ائتدیک. ایلیا سوببوتین و وئیدئنهولزئر ایسه بیزی دینلدیکدن سونرا مسئلهلرله باغلی اؤز فیکیرلرینی بیلدیردیلر. اونلار دا قئید ائتدیلر کی، ایراندا یاشایان بوتون میللتلر اؤز حاقلارینی الده ائتمهلیدیرلر و گونئی آزربایجانین دا اؤز موقددراتینی، گلجیینی سئچمه حقوقو وار: «بو هر بیر میللتین ان طبیعی حاقیدیر. بو حاقی الده ائتمک اوچون ایران رئژیمینه قارشی بوتون مئخانیزملردن ایستیفاده ائدهرک باسقی گؤستریلملیدیر». ایلیا سوببوتین هئساباتلا تانیش اولاندان سونرا میلی فاللارا قارشی تضییقلری معاصر سویقیریم آدلاندیردی. وئیدئنهولزئر ایسه بو مسئلنی آوروپا پارلامئنتینده قالدیراجاغینی دئدی. آوروپالیلار بیزه اورمیا گؤلویله باغلی چوخلو سواللار وئردیلر. دئدیلر کی، بو ائکولوژی فلاکت یالنیز گونئی آذربایجانا دئییل، بوتون دونیایا عاییددیر. اونلار بئله بیر موهوم پروبلئمین دونیا مئدیاسیندا ایشیقلاندیریلماماسیندان اوزولدوکلرینی دیله گتیردیلر. ایلیا سوببوتین دؤولتین زلزهلهدن زرر چکنلره موناسیبتینی و فلاکت بؤلگهسینه ائدیلن یاردیملارین قارشیسینین آلینماسینی دا دؤولت تئرروریزمی آدلاندیردی. بو حاقدا داها گئنیش هئساباتین هازیرلانماسینی و نمایندهسی اولدوغو کومیسسیایا تقدیم ائدیلمهسینی ایستهدی.
- گؤروشون نتیجهسی نئجه اولدو؟
- هر ایکی آوروپالی مسئول دفعهلرله قئید ائتدیلر کی، گونئی آذربایجان مسئلهسینی و گؤروشده موذاکیره اولونان پروبلئملری آوروپا شوراسینین باش کاتیبینه و آوروپا پارلامئنتینین عضولرینه چاتدیراجاقلار. ایلیا سوببوتین بو پروبلئملرین حل اولونماسی و حقوقی قیمت وئریلمهسی اوچون هئساباتی و گونئیلی میللی فاللار طرفیندن حاضرلانان بروشورو آوروپا بیرلیگینین کووردیناسیا کومیسسیاسینا تقدیم ائدجیینی بیلدیردی. وئیدئنهولزئر ایسه بیزیم وئردیگیمیز هئساباتلاری آوروپا پارلامئنتینه تقدیم ائدجیینی وورغولادی. معلومات اوچون دئییم کی، وئردیگیمیز گونئیلی میللی فاللار حاقیندا هئسابات 200 صحیفهدن عبارت ایدی.
تورقوت
http://www.xalqcebhesi.az/?p=111207