آذوح: 1285نجی گونش ایلینده قوشاچای شهرینین قیجیلی کندینده کندلی بیر عئله ده دونیایا گوز آچیب ایلک و اورتا مکتب تحصیلینی قوشاچای شهرینده بیتیریب گونئی آذربایجان میللی حکومتی قورولمامیشدان قاباق قوشاچایین پست تیلگیراف ایداره سینین رئیسی ایدی.

بو مسئولیتده اولان زمان مرکزدن گلن خبرلردن هامیدان اول خبردار اولوب وفیرقه دمکرات آذربایجانین نفعینه خبرلردن ایستیفاده ائدیردی.پهلوی رژیمینین چیرکین و شوونیست سیاستینین مقابیلینده و غیر فارس میللت لره اولان ظولم لره خصوصا آذربایجان میللتینه اولان ظولم لره قارشی چیخیب و گوجلو فعالیت گوستریب همیشه بیر مبلیغ کیمی کندلرده و شهرین مرکزینده چیخیش لار ائدیردی و هئچ بیر زامان موباریزه دن و فعالیت دن یورولمازدی..حتی بیر گون قوشاچای شهرینین مرکزی مئیدانیندا بیر تاختا چارپایا اوستونده آتشین نطق ائدیرمیش کی بو حالدا دوولت مامورلاری توکولوب خالقی داغیتدیقدان سونرا میرزه خانعلی یه چوخلو کوتک ووروبلار اوندان یاریم ساعت سونرا شللوند کندین دن خبرگلیر کی میرزه خانعلی شللوند ده ده نطق ائدیر یعنی دئمک میرزه بیر قورخماز اوره ک لی و یورولماز بیر موباریز ایدی.

21آذر 1324ده گونئی آذربایجاندا میللی حکومت شهید پیشه ورینین باشیلیغیلا قورولدوقدان سونرا هر شهرده شهرین ایداره ائتمه سینه بیر ایداره تاسیس اولونموشدور کی قلعه بگی ایداره سی آدلاندیریلمیش و بئله جه قوشاچای شهرینده قلعه بگی نین ریاستینین مسئولیتی شهید میرزه خانعلی مطیعی یه تاپشیریلمیشدیرکی او بو زامان شهرین حاکیمی اولموشدور و اوز ایشینده چوخ دیققتلی وعدالنلی ایمیش. اوز اوغلو مرحوم جمال مطیعی یازارا ناغل ائدیردی کی بیر گئجه قاپیمیز چالیندی  من و آتام قاپییا گئدیب بیر جیب ماشین و ایکی نفر آدام قاپیمیزدا گوردوک کی آتامی چاغیریب و چوخلو دانیشیق و بحث لر آپاردیقدان سونرا اونلار ماشینین قاپیسینی آچیب ماشینین ایچینده کی بیر صاندیغین قاپاغینی آچدیلار کی ایچی دولو ایسکیناس پوللار ایدی و آتاما روشوت وئرمه ک ایسته ییردیلر کی فیکرینی دئگیشسینلر آمما آتام قبول ائتمه دی  من 12 یاشلی اوشاق اولدوغوما گوره آتاما دئدیم کی آی آتا پس ندن اوقدر پولو گئری قایتاردین  آخ اونلاری بیزه گتیرمیش دیلر آتام دئدی آی اوغول بونو بیل کی بیزه اوجور پوللار لازیم دئگیل اینسانا شرف لازیم دیر او پوللاری گتیرن امیر امجد آدلی بیر ارباب دیر .اونون پوللاری کندلی لرین قانی دیر.

تاسف لر اولسون کی میللی حکومت ییخیلدیقدان سونرا میرزه نی باشتا 25000 شهیدلریمیز کیمی  قوشاچای شهرینین اصلی خیابانیندا خالقین گوزو اونونده صوبح ساعت 8ده آسدیلار و اونو آسارایکن دارین ایپی ایکی دفعه قیریلیر آنجاق اوچونجو دفعه قالین بیر ایپله او ایگید روحو بدنیندن آییرا بیلیبله ر. او بویوک اینسانین آسیلی بدنی ساعت بیره قدر آسیلی قایبدیر و اونو داردان آچدیقدان سونرا ملعون شاه مامورلاری جانسیز بدنینی بیر داشقانین دالیسینا باغلاییب شهرین خیابانلاریندا سوروکله میشله ر   آمما پهلوی رژیمینین بو چیرکین ایشلر ایله او شهیدین شخصیتینه هئئچ نه اولمادی باشقا شهیدلریمیز کیمی داها شخصیت لندی اونلار اولمه ییبلر آذربایجان خالقینین اورگینده دیریدیرلر یاشاییرلار و یاشایاجاقلار.

بو امیدله کی یئنی دن باغیمسیز و اوزگور آذربایجان میللی حکومتیمیز قورولسون

آذوح