قهرمان آذربایجان میللتی!

آذربایجان تاريخ بويو شرفله. غئيرتله . غرورلا ياشاميش، ۷۵۰۰ ايلليك تاريخينده آلچاقليغا- عداليسيزلي يه باش ايمه ميش.. آزادليق و عدالت اوچون ساواشميش . باشقا ميللتلره احترام گوزو ايله باخیب . كيمسه ني تحقير ائتمه ميش . اوز توپراقلاریندا ياشايان ميللتلره حورمتله ياناشمیش . اونلارين وارليقلاريني ، ديللريني ، عنعنه لريني يوخ ائتمه یب . عكسینه گوز به به يي كيمي قوروموشدور.

185 ايلدن به ري وطنیمیزین تاریخین ، دیلین و داها دوغرو وارليغينی محو ائتمک ایستین چیخارجی دولتلر و اونلارین اویونجاغی اولان فارس - روس شوونيست مستملكه چي لري یوردوموزو تيكه - پارچا ائده ره ك اوز ايچينده اريتمه ، يعني فارسلاشديرماغا - روسلاشديرماغا چاليشميش و چاليشماقدايدرلار.

وطنیمیزین روس ایشغالی آلتیندا اولان بولومو تاریخی بیرفرصتی دوزگون ده ییرلندیریب و چوخلو فداکارلیقلار و قوربانلار وئرديكده ن سونرا اوز مستقیللیگینی الده ائتمیشدیر،

بیلیندیغی کیمی مستملکه چي تئهران رئژیمی وطنيميزين بوتوولويونو و طبيعي سرحدلريني بولمكله داغيتميشدير. وطنيميز هر آچیدان پیلانلی اولاراق بير خرابايا چئویریب ،وارليغيميزي ، ديليميزي ، كولتوروموزو ، وار يوخوموزو يوخ ائتمك سياستي آپارير.

شیمالی آذربایجانین ایستقلالی، ائله جه ده ، دونیادا هیزلا اوز مستقیلیک لرینه قووشان میللتلر، بیزیم میللی قورتولوش ساواشیمیزا اورنک( میثال) و یولوموزا ایشق ساچدیقی اوچون بو گون میللی قورتولوش مجادیله میز هیزلا قورتولوشونا یاخلاشیر.

بیز گونئی آذربایجان میللی اردوسو اولاراق میللتیمیزی بو مقدس ساواشیندا یالنیز قویمایب و جانیمیز باهاسینا یانیندا اولاجاغیمیزا آند ایچیریک!

ده یه رلی (قیمتلی) آذربایجان تشکیلاتلاری :بوگون (هم رای لیک) بیرلیک و برابرلیگ زامانیدیر. دونیادا و خصوصیله بولگه میزده کی حادیثه لر بیزی داها دا بیربیریمیزه یاخلاشدیریب، کیچیک اختلافلاری آذربایجانیمیزین میللی چیخارلاری( منافعلری) اوچون بیریانا قویوب ، تک سس و یومروق اولما زامانیدیر ، اونودماماق لازیمدیرکی ، آزادلیق وئریلمه ز، آلینیر. بیزیم دوشمنیمیزین نه قدر حیله کار، وحشی و ایرقچی (راسیست ) اولسادا ، واختی گلدیکده هر شئیی قدرت ده قالماق اوچون ساتماغا حاضیر اولان بیر رئژیم اولدوغونو یاخشی بیلیریک،

بونو بیلمه لیک کی اوز ایچیمیزده بیرلشمک اولمازسا، نه دوشمنه قالیب گله بیله ریک ، نه ده بئین الخالق ایجتماعییت طرفینده ن دستک قازانما ایمکانیمز واردیر.

چالیشالیم کی ، تاریخ بیزی وطن سئوه رلیک له آنسین ( یاد ائتسین)!

گوج بیرلیکده دیر!

یاشاسین آذربایجان! قهر اولسون وطنیمیزه گوز تیکن مستملکه چی راسیست لر!

یاشاسین دونیا آذربایجانلیلارینین بیربیک و هم رای لیک لری!

گونئی آذربایجان میللی قورتولوش اوردوسو