آذوح: 20 یانوار موناسیبتیله بازار گونو ساعت 17دن 21 دک آذربایجان ائوی‌نین چاغیریشی ایله اونلار آذربایجان‌لی 20 یانوار آنما تؤره‌نینده ایشتراک ائتدی‌لر. توپلانتیدا قوزئی و گونئی آزربایجانین شهیدلری آنیلدی .

آزربایجانین تانینمیش عالیم‌لرین‌دن آریف بئی رحیم اوغلو 20 یانوار حاقدا جان‌لی شاهید و آکتیو بیر ایشتیراکچی کیمی او قوتسال و ایستیقلالیته یول آچان گونو دیرلندیردی.

گونئی آذربایجان اویرنجی حرکاتی‌نین(آذوح) سؤزچوسو امیر بئی مردانی گونئی آزربایجانین سون ایللرده 34 شهیدی‌نین دئییشیک‌لی یول‌لارلا ایران رئژیمی واسطه‌سیله شهادته چاتدیریلماسی حاقدا اؤنم‌لی بیلگی‌لر وئردی، اؤزل‌لیکله سون گون‌لرده ناصر خان‌زاده‌نین شوبهه‌لی اؤلدورولمه‌سی حاقدا معلومات وئردی.

قورتولوش پارتیاسی‌نین باشقانی ائلدار بئی قاراداغ‌لی ایسه 20 یانواردا 1990دا آینی گون‌لرده تبریزده میللتیمیز ایچینده بؤیوک ناراحاتلیق و هرکاتلیغین یارانماسین‌دان دانیشدی‌لار.

پروقرامین سونوندا گونئی آذربایجان دئموکرات پارتییاسی‌نین سؤزچوسو محمود بی بیلگین 20 یانواردان آلینان تجروبه‌لره دایانا‌راق گونئی آزبایجانین بو گونکو دورومونو دیرلن‌دیره‌رک، گونئی آذربایجان میللی حرکاتی‌نین موباریزه مئتودوندا سیویل و مدنی یول‌لاری اساس توتا‌راق میللتیمیز اؤزو اؤز گلجیینی بلیرلمه حاقینا صاحب اولماسی اوچون یئددی میللی سیاسی تاشکیلاتین رئفراندوملا باغلی اورتاق بیلدیشی یاییلماسین‌دان سؤز آچا‌راق، 20 یانوارین روحون یاشادماق اوچون دیشاریدا یاشایان آذربایجان‌لی‌لاری سیخ واهید بیر اورک اولا‌راق گونئیین باغیم‌سیزلیغینا گئدن یولدا داها آرتیق اؤنم وئرمه و موباریزه گونده‌لیک‌لرینده اولماغا چاغیردی.

آذوح