گونئی آذربایجان دئموکرات پارتییاسینین خوجالی سویقیری‌می موناسیبتی ایله باغلی بیاناتی
1992.ci ایلده ائرمه‌نی تئروریستلری داها یئنیجه موستقیل اولموش آذربایجان جومهوریتینین ایستراتئژیک اولاراق اولدوقجا اؤن‌م‌لی بؤلگه‌لرین‌دن اولان قاراباغا هوجوم ائدیب ۲۵.۰۰۰ آذربایجان تورکو اینسانینین وحشیجه‌سینه قتله یئتیردیلهr.Bir چوخ شهر و کندلریمیز ائرمه‌نی فاشیستلرینین علینه کئچ‌دی. ائرمه‌نیلرین آذربایجان تورپاقلارینا تجاووزو خوجالی فاجعه‌سی ایله زیروه نؤته‌سینه چات‌دی. قانیچه‌ن ائرمه‌نیلرین خوجالی شهرینه وهشیجه‌سینه تؤرتدیکلری بو جینایتلر هئچ بیر زامان اونوتولمایاجاق‌دیر. ۱۹۹۲-جی ایلین فئورال آیینین ۲۵-دن ۲۶-نا کئچه‌ن گئجه‌ده تئروریست ائرمه‌نیلر، یالنیز بیر گئجه عرضین‌ده، رئس‌می اولاراق ۶۱۳ نفر گوناه‌سیز وطنداشیمیزی باربارجاسینا قتل ائتدیلر.قتل ائدیله‌نلرین ۸۳’او چوجوق، ۱۰۶’سی قادین و ۷۰ دن چوخودا یاش‌لی اینسانلاردی.
بو قت‌لیام‌دا توپلام ۴۸۷ نفر آغیر یارالی، ۱۲۷۵ نفر اسیر آلین‌دی و تخمیناً ۱۵۰ نفرده ایتگین دوش‌دولر.اینسان‌لیق تاریخین‌ده چوخ آز راس‌لانان بئله بیر وهشت و سویقیریم دونیانین گؤزو اؤنون‌ده گرچکلش‌سه‌ده ماالسف بمت، آب و بیر چوخ اولوسلارا آراسی اؤرگوتلر یئترینجه دقت گؤستریلمه‌دیلر. ۱۹۹۳ ایلین‌ده بیرلشمیش میللتلرین گووه‌ن‌لیک کونسئیینین آلدیغی قارارلارا گؤره(۸۲۲، ۸۵۳، ۸۷۴ و ۸۸۴ سایی‌لی قارارلار) آذربایجان توپ‌راقلارینین ائرمه‌نیلر طرفین‌دن ایشگال ائدیلدیی رئس‌می اولاراق آچیقلادی. آوروپا کونسئیینین پارلامئنتئر مجلیسی ایسه ۲۰۰۵ ده ۱۴۱۶ سایی‌لی قارارینا گؤره ائرمه‌نیلر آذربایجان توپراغینی ایشقال ائتدیینی اعلان ائتمیش‌دیر.
۱۹۸۸.جه ایلده‌ن بئری روسیا دستیی سایه‌سین‌ده باشلایان آذربایجان_ائرمه‌نی ساواشی نتیجه‌سین‌ده آذربایجان توپ‌راقلارینین یوزده ۲۰ دن چوخو ائرمه‌نیلر ترفین‌دن ایشقال آلتین‌دا و بو ایشقال‌دان دولایی ۱ میلیون‌دان فازلا گؤچمه‌ن ایللردیر آغیر شرطلر آلتین‌دا آتا بابا توپ‌راقلارینا دؤنبیلمک اومی‌دی ایله یاشاماق‌دالار .دونیا خالقلاری آرتیق ائرمه‌نی ایشقالینا دور دئمه‌لی‌دیر.
بیز، گونئی آذربایجان دئموکرات پارتییاسی اولاراق، قوزئی‌ده باش وئرمیش بو چیرکین آجیماسیز سویقیری‌می هئچ زامان اونوتمویاجاییق. خوجالی فاجعه‌سی خالقیمیزین قان یادداشاین‌دا هر زامان قالاجاق و ایشقال اولموش تورپاقلاریمیزی گئری آلانا دک موجادیله ائدجییک.
شهیدلریمیزه الله‌دان رهمت دیله‌ییب و دوشمه‌نلره ایسه ذلت اوموروق. الله تورکو قوروسون.
ائرمه‌نی ایشقالینا دور دیلیم!
گونئی آذربایجان دئموکرات پارتییاسی
گادپ – م ک
۲۳ فئورال ۲۰۱۳
