گاموح تشکیلاتینا یؤنه‌لیک تخریبات‌لارلا ایلگی‌لی آچیقلاما!
گاموح تشکیلاتی ایللردیر گونئی آزربایجانین قورتولوشو اوغروندا فعالیت گؤسترمکده‌دیر. باشدا ایران-فارس رئژیمی اولماق اوزره بؤلگه‌ده و دونیادا تورک دوشمن‌لرینه قارشی موجادیلئ ائتمکده‌دیر.
گونئییمیزین بو قوروجو و آنا تشکیلاتی آردیجیل و تاریخی ظفرلر الده ائتدیکجه، ایران-فارس گیزلی سئروی‌سی ایله بیرلیکده چئشیدلی تورک دوشمنی دؤولت‌لر، تشکیلات‌لار، و قوروم‌لار طرفین‌دن سال‌دیری‌لار، شانتاژلار، و تخریبات‌لار ائدیلمکده، و زامان زامان “گاموح پارچالاندی، داغیلدی، و بیتتی” کیمی شاییه‌لر یاییلماقدا‌دیر.
سون گون‌لرده اؤزل‌لیکله سانال دونیادا “گاموح-دان توپ‌لو ایستئفا” دیه بیر خبر یایینلانمیش‌دیر. خبردئ قوللانیلان تمسیلچی و اؤلکه نماینده‌سی کیمی اونوان‌لارلا ایستئفا‌لار یئر آلا‌راق (گاموح نیزامنامه‌سینده بو تیپ سوروملولوق‌لار یئر آلماماقدا‌دیر) سانکی گاموح-اون اوست دوزئی تشکیلات منسوب‌لاری اؤرگوت‌دن آیریلمیش‌دیر گؤرونومو وئریلمیش‌دیر.
قونویلا باغلی گاموح یؤنئتیم قورولو 7 اویه‌نین 6-سینین ایشتیراکی ایله اولاغان اوستو توپ‌لانا‌راق، تام سس بیرلیگیله بو آچیقلامانی وئرمک مجبوریتینده قالمیش‌دیر:
1- باکیدا ساکین اولان هاتم بی شاهسئون آدلی شخص، گاموح تشکیلاتی اویه‌سی اولمامیش‌دیر. اویه‌لیک دیلکچه‌سی وئرممیش ، قورولتایا قاتیلمامیش، سس قوللانمامیش و هئچ بیر گاموح گنل و اؤزل توپلانتی‌سیندا حاضر اولمامیش‌دیر. دولاییسییلا، گاموح-آ منسوب اولمایان بیر شخصین ایستئفاسییلا ایلگی‌لی تشکیلاتین هئچ بیر فیکری اولا بیلمز.
2- لئیلا خانیمین ایستئفا مکتوبو یؤنتیم قورولونا ایلئتیلمیش، تشکیلاتدا قونویلا ایلگی‌لی قارشی‌لیق‌لی دانیشیق‌لار گئتمکده‌دیر. مؤوضو سونوجلانمامیش و حال حاضردا کسین بیر قرارا واریلمامیش‌دیر.
3- آیدین بی قاراخان‌لی‌نین ایستئفاسی ایله ایلگی‌لی هئچ بیر خبر یؤنتیم قورولونا ایلتیلممیش‌دیر. دولاییسییلا نیزامنامه‌یه اساساً ایستئفا وئریلممیش‌دیر.
4- حسین بی تبریزلی و ائلیار بی تبریزلی زامان زامان یاپدیق‌لاری ختا‌لار ندنیله یؤنتیم قورولوندا ایخراج ائدیلمه‌لری ایله ایلگی‌لی دانیشیق‌لارین گئتدیگی آشامادا، قونودان خبردار اولوب و ایستیفا ائتدیک‌لرینی یایمیش‌لاردیر. یؤنتیم قورولو بو ایکی اویه‌نین کسین ایخراجینا قرار وئرمیش‌دیر. آرتیرمالیییق کی بو ایکی اویه‌نین ایستئفا‌لاری ایله ایلگی‌لی هئچ بیر دیلکجه و یا مکتوب یؤنتیم قورولونا ایلتیلممیش‌دیر.
5- ارسالان بی کامرانی گاموح-اون سیراوی اویه‌لرین‌دن اولوب و گئچمیشده یاپدیق‌لاری ختا‌لار و بیلینج‌لی یالنیش‌لیق‌لار ندنیله ایخراج طلبی یؤنتیم قورولونا ایلتیلمیش‌دیر. یؤنتیم قورولو ایخراج قونوسونو دانیشیب اما کامرانی بیین مولتجی دورومونو گؤز اؤنونده بولون‌دورا‌راق ایخراج مسئله‌سین ارتلمیش‌دیر. کامرانی بی فینلاندیایا گئتدیک‌دن سونرا یؤنتیم قورولو بو اویه‌نین ایخراج ائدیلمه‌سینی قرارلاشدیرمیش‌دیر.
گونئی آذربایجان میللی اویانیش حرکاتی (گاموح)
یؤنتیم قورولو
