90ایلدن آرتیقدی میلتیمیز ایران آدلانان شونیستی اولکه ده چئشیدلی تبعیضلره،حاقسیز لارا معروض قالیب.بو ایلرده اینسان حقوقلاری اوغروندا چالیشان موختلیف حرکتلر یاراناراق میلتیمیزین سیاسی-اجتماعی-فرهنگی-اقتصادی حقوق لارینا ال تاپماغا     ده یرلی حرکتلر آپاریبلار.بو موختلیف درنه کلرین آماجی هابئله ایده آلی بیر اولسادا بو آماجا یئتیشمه گه چئشیدلی با خیشلارینین و یولارینین اولماسی دوغالدیر.

آنجاق ایندیکی دورومدا ایراندا اولان موختلیف سیاسی گروپلار حتی ایراندان قیراقدا اولانلاردا آذربایجان میلتینه واحید جیبهه توتورلار.بو گروپلار،تشکیلاتلار آذربایجان میلتینین حاقین وئرمه مکده بیربیریله یاریشا کئچیب حتی ایللر بویو دوشمان اولانلاردا بو قونو قارشیسیندا قارداشلیق الی وئریب،بیزیم میلتین آرتیق تاپدالانماسینا چالیشیرلار.

آذربایجان میللی حرکتینده چئشیدلی فیکیرلر اولسادا آماج بیردیر.دوشمانلاریمیز بو چئشیدلی فیکیرلردن بیزیم علیه فایدالانماسین دییه ،اورتاق فیکیرلریمیزه گوره،اورتاق آماجیمیز آذربایجان میلتینین آزادلیغی اوچون بیرلیک یاراتمالییق.

بیز اورمو بیلی یوردونون اویرنجی لری بو ایلین میللی بیرلیک آدلانماسینا سس وئریب بو میللی بیرلیگی یاراتماغا بوتون گوجوموزله چالیشماغی هم اونملی همیده گرکلی بیلیب تانریدان بیرلیگیمیزی دیله ییریک.

اردیبهشتین 19 آذربایجان اویرنجی گونو قوتلو اولسون.

اورمو بیلی یوردونون اویرنجی لری