گونئی آذربایجان سوسیال دئموکرات پارتیسینین یئنی گاموه-اون دوستاقداکی لیدئرلرینه مراجعتی!
عزیز و دیرلی دوسلار!
موباریز سویداشلار!
سیزین، وطنیمیز آذربایجان و میللی حاقلاریمیز اوغروندا فارش فاشیزمی و اونون بو گون گرچک تمسیلچیسی اولان جینایتکار ایران ایسلام رئژیمینه قارشی آپاردیغینیز حاقلی موجادیلنی دونیا ایجتیمایتی گؤروب و ایران آدلانان اؤلکهده آذربایجان تورک میللتی باشدا اولماق عذره قئیری-فارس میللتلرین بو بؤیوک و دهشتلی میللتلر دوستاغیندا نئجه زلالت و آجیناجاقلی دورومدا یاشاماسینین شاهیدی اولدو.سیز اوزرینیزه گؤتودوگونوز بو میسیانی باشوجالیقلا یئرینه یئتیریب و دونیایا گؤستدیز کی، ایران آدلانان اؤلکهده، حتی قانون چرچیوهسینده و بو رئژیمین اؤزونون یازدیغ آنایاساسی اساسیندا، قئیری-فارس میللتلرین آنا دیللرینده تحصیل و اؤز ایلکین حاقلاری اوغروندا فعالیت و موباریزه عقلا سیغمایان ایشکنجه، آغیر هبسلر، اؤلوم ون آزیندان تهدید و تحقیرلر، ایش یئرلریندن اوزاقلاشدیرما و بیر چوخ اجتماعی-اقتصادی مهرومیت و محدودیتلرله سونوچلانیر.
سئویملی دوسلار!
بو گون فاشیست ایران ایسلام رئژیمی، گونئی آذربایجانی بیر دفعهلیک مهو و تورک میللتینی همیشهلیک یئر اوزوندن سیلمک پروژهسینی بوتون وار گوجو ایله حیاتا کئچیرمهیه چالیشیر، آنجاق اونون قارشیسیندا دوران ایلک مانیه، میللتیمیزین آیدین و دوشونن بئیینلریدیر. اونلار، یاخشی بیلیرلر کی، باشسیز بیر کوتلنی دارماداغین ائدیب اونو آرادان قالدیرماغین ایلک وساسی شرطی، بیرینجی نؤوبهده اونون ائلیتهسینی تمامیله یوخ ائتمکدن عبارتدیر! بیز، بو مسئلهنین آغیر بدهلی و حاق اولمایان جزاسینی، آذربایجان میللی حکومتی وحشیجهسینه ییخیلیب و ائلیتهسینین تمامیله مهو ائدیلمهسیندن سونرا، یوخ اولما تهلیکهسی ایله قارشی-قاشییا گلیب و بو گونکی آجیناقلی دوروما دوشمییمیزله اؤدمیشیک.
بوندان علاوه، بشریت تاریخینین اوز قاراسی و بوتون اینسانلیغا قارا لکه اولان بو ایرقچی و قددار رئژیم، اؤز 34 ایللیک قانلی و تئرور حاکمیتی ایللرینده آچیقجاسینا گؤسترمیشدیر کی، بو اؤلکهده تکجه دیری اولمایان شئی آنجاق اینسان و اونون حیاتیدیر. بو رئژیمین جینایتکار ممورلاری و هیاسیز "ایمام زامان" عسگرلری اؤز یاخین آداملارینا قیییب اونلارا آجیمادیغی حالدا، اوتانمادان کیشیلره بئله تجاووز ائدیب اؤلدوردوگونده، ازهلی وبهدی دوشمن گؤرن تورک میللتی و اونون شرفلی قیز و اوغوللارینا نه ائدجیی گون کیمی بللیدیر. اونلار یالنیز و یالنیز اؤزلری کیمی قاتیل، شارلاتان، اخلاقسیز، هم ده ویجدان و ناموسدان اوزاق بوتون فسادلارا لاییق و مالیک اولان جانیلری سئویرلر.
گونئی آذربایجان سوسیال دئموکرار پارتیسی، بوتون بو گرچکلری نظره آلیب، جانی ایران ایسلام رئژیمی باشدا اولماق عذره فارس فاشیزمینین آذربایجان تورک میللتینه قارشی نه قدر آجیماسیز اولدوغونو بیر داها وورغولایاراق، اونون سیز موباریز دوسلارین حاقلی ایستک و طلبلرینیزین یئرینه گتیریلممسینسلا شوبهه ائتمیریک.
سیزین کیمی دیرلی، جسارتلی وزیملی اینسانلارین آذربایجانا هر زامان لازیم و گرکلی اولدوغونا وورغولاییب و تورک میللتیمیزین گلهجک اؤز حاقلی و قوتسال قورتولوش موجادیلهسینده و فارس-ایران موستملچیلیگی و اونون بویوندوروغوندان قورتولماسیندا سیز کیمی شرفلی و صادق اینسانلارا بو گون هر زاماندان داها چوخ احتیاج اولدوغونو اوجا سسله دئییریک.
گونئی آذربایجان سوسیال دئموکرات پارتیسی، بیر داها فاشیست ایران ایسلام رئژیمینین سیز عزیزلریمیز لتیف حسنی، بئهبود قولوزاده، آیت مئهلیبیلی، محمود فزلی و شهرام رادمئهره قارشی توتومونو بیر داها شدتله قیناییر و سیزین وئردیگینیز موجادیلنی اورکدن آلقیشلایاراق اونا دیر وئریب، هر زامان سیزین حاقلی ایستکلرینیزی دستکلییر، آنجاق قئید اولونان سببلردن دولایی سیزین بو اؤلوم آکسیاسینا درهال سون وئریلمهسینی ریجا ائدیر.
درین سایقیلاریمیزلا!
گونئی آذربایجان سوسیال دئموکرات پارتیسی!
02.08.2013