هر میلتین قورتولوش یولوندا چالیشدیغی زامان، بؤیوک تاریخی اولایلار اوز وئره بیلر. بو اولایلار بونا گؤره اؤنملی­دیر کی او میلتی، میلی حاکمیت قورماق یولوندا یؤنلدیر.

گونئی آذربایجان میلی حرکتی­ده، بیر قورتولوش حرکتی اولاراق، آپاردیغی موباریزه­ده چوخلو بو اولایلارلا اوز اوزه گلیب.

1385 خورداد قیامی­دا بونلاردان بیریسی­دیر. بو قیام ایران دؤلتینین رسمی قزئتینده( ایران قزئته­سی) تورک­لره اولان توهینین قارشی­سیندا یاراندی. گؤنئی آذربایجان میلتینین بو غیراینسانی تحقیره گؤستردیگی تپکی چوخ دوغال ایدی و بو میلت، اؤزللیکله گؤنئی آذربایجان اؤیرنجی حرکاتی، راسیستی و فاشیستی قووه­لره بیلدیردی کی بیر داها اونلارین بو میلتین قارشیسیندا آپاردیغی تحقیره، توهینه و آیری­سئچکیلیگه ایذین وئرمه­یه­جکدیر.

و ایندی بیز ایصفاهان بیلی یوردلارینین تورک اؤیرنجی­لری ( ایصفاهان، تئکنیکال ایصفاهان، تئکنیکال مالک­اشتر ، شهید مهاجر و غیر انتفاعی دانش پژوهان بیلی یوردو ) بو قیامین بئش­ایجی ایل دؤنومونده، شهیدلریمیزین اؤنونده باش اگیب، اونلارین یئره تؤکولن قانلارینین مقدس اولدوغونا ایناناراق، بو قاهرامان­لارین گئتدیگی یولو داوام ائتمه­گه آند ایچیریک.

گله­جک بیزیمدیر