آنا- محمد احمدی زاده
آنا بیلمیرسن؛
نیجه گؤنلؤمه تؤشمؤسن.
کاش بیرده قایئدئپ
اوشاق اُلسایدئم،
سن ده دؤنؤپ گلیپ،
اُ حَیَطی میزده کی تشت ده،
منی یوسایدئن.
باخ آنا؛
هر شیء نه گؤزل اُلموش
دای،هر ائوه دؤنؤشؤمده،
پالتارلارئم پالچئق لئ دییل.
هر یدئغئمدان سُنرا،
اوستو، باشئم شیره، شئرتئقلئ دییل.
دا، آغزئمدان یکَه، دانئشمئرام، آنا
کشکه دانئشابیلسی دیم،
و سنین اُ یوموشاجئق اللریندن
ایکی سیلّی یِسِی دیم.
قُرخورام آنا،
سیلَی لردن،
یومروق لاردان،
تپیه لردن، پُتون لاردان.
آرتئق آغزئمدان کیچیک ده دانئشامَرام آنا.