1+5

دییرم اکرم، ایندی کی مملکتی میز 1+5 نن بارئشتئلار، گل بابام بیزده کدورتی قورتارق، هر شیی یاددان چئخارداق کتسین.

بو سُزلر اکرمین اَری، اکبرین تارتئشئب، بیر گون سُنراسئ آغزئندان چئخان سُزلری ایدی.

اکرم:

هله قوی، اؤزؤمده کی سیلّی لرین ایستی سی بیر سُیؤسؤن.اوتانماز، صبر ایله، سنی ویره جاقام محله اهلی فیلان فیلان ایله سین.

احبر: استغفرالله ها، گینه باشلادئ، دوره جنابئن قئزئ. گلدئق بیر آز شوخلوق ایلی یاق ها.

نیجه ایله ییم بابام، توتولَّار. دا، تُیا گیدمّیرم. گیچن سفرده کی، دیّوس لار ووروپلار تارئمئن دریسی نی پارتلادئپلار.

اکرم: آخی، سنه هانکی کؤپه یین قئزی دییر کی گت، زئرنا، بالابان چال، تُیلاردا مؤتؤرؤف لوق ایله. گیت جهنم اُل، دؤز اَمللی بیر ایش تاپ.

باخ اشرف باجئ نین، اَری، حؤسین آقی یا. ایشی گؤجی یِرینده، موسیقی سینده اُخور. هر مجلیس ختمه گتدئقئندا، شاخسی دن، مسجید ده عزادارلئقدان دا دؤنیا قدر پول قازانئر.سن نیلی سن؟ ایله یاپئشمئسان بو تارئن دسته سیندن، کوچه بازارئ دُلانئسان، تُی  آختارئسان.آلابا ، داش تؤشسؤن باشئوا سنین. سنه ده کیشی دییل لر.

باخ اُنلارئن، اولرینه، اشیه لرینه، بیرده باخ بیزیم کی نه. پُخ قُیوم بو زیندگانّئقئن ایچینه باااا.

هله منه  1+5 دن دانئشئر. گیده سن هله 5 نن 1 ی جمع لی ییپ آلتئ دییه  بؤلمؤسن.

احبر: سن آلله، سن بارئ سیاست دن دانئشما. دییربه  1+5  ین، بیری آلله دئ بشی ده بش تن آل عبا.

اکرم: دانئشما، قوی قردشیم مؤرخصی یه گلسین، وره جاقام، سنین اُ بش بارماقئ وئ سئندئرسئن، اُ بیرجه دیلی وی ده بُغازئندان چئخارتسئن، دا بیرده مندن بیله دانئشمئ یاسان، دیّوس.

احبر: اُهه، اُهه، حؤسین آقاسئ بس دییل، قردشی ده موشکی نن گلدی. اوّل صبر ایله، حؤسین جونووی بیر چئتدئ یئم.

باخ سنین اُ ددئقئن میرده شیر حؤسین آقا، بؤلؤسن دا نیه ایشی توتوپ، گؤنده خارّاخار پول قازانئر. بلی ایله مملکت ده کی باحالئق دان هاّمئ آجلئق تان اؤلسه، جر جوان کریستال دان، گرس دن، مواد دان اؤلسه، ایله میرده شیرین ده ایشی توتاردا بالام.

دؤزؤنه باخسان حؤسین، قازاندئقئ نئن یارئ سئنئ منه ورمه لی دی. بؤلؤسن دا نیه؟ بو مملکت ده ایله بیری اِولندی ها، یانئ اؤلدی دا یازئق. ایله احبر تارزن ده اُ یازئق دامادئن میرده شیری دی با .

آلله آ چُخ شؤکؤر مملکتین دؤرت بوجاقئندا دا هر گؤن وای نؤسه دی. حؤسین آقامئزدا نوحه خان لئقدان جیب لرین دُلدورور. من یازئق دا تُی لاردا چالماقدان جئرئقئم چئخئپ، هش پُخ دا اُلمامئشام. اهل، عیالئم دان دا شرمنده اُلموشام، دا موسیقی دن ده لاپ زهلم گدیپ. بیرطرفدن ده بیر  پُخی دی، یی ییپ اِولنمی شم.

بوردا اکبر قهرلنیر، دا دانئشا بیلمیر. گؤزلریندن آز قالا یاشلار آخماقا باشلایاجاق. اکرم دورومو گؤرور، یاواش یاواش اُنا یاخئنلاشئر.

اکرم: احبر، بسدی، قوتار، اُلسون، اَر، آرواد آراسئندا داعوا اُلار. قوتار گیتسین. آما سن ده، منه سیلی وورمامالی دین. گؤزشت ایله منده سنین چی نیندن، تاوا ایله  ووردوم.

احبر: سنه، من قوربان اُلارام. باخ هر شیئ دؤزه له جاق. سن سیاست دن هش زات بیلمیرسن. باخ  1+5 ده، بارئشتئلار. هر شی دؤزه له جاق. باهالئق گیده جاق. اوین ایجاره سی آزالاجاق. هر گؤن تُی اُلاجاق، منیم ایشیم چُخالاجاق. نه بؤلؤسن، بلکه یاد لارئنا تؤشتؤ، گتیردیلر، نفتین پولونو قاپئ، قاپئ وردیلر.

اکرم: احبر  1+5  یانی  بو. آخی من، نه بؤلؤم احبر، تؤرکی سایاغانئن بیری یم دااا.

احبر: به هن. آرواد، دییرم تارئن کی دریسی جئرئخدئ، دور اُ قاوالئ گتیر بیرآز چالاق اُخویاق با.

اکبر بی، قاولئ آلار الینه. اکرم اؤزؤنؤن سیلی دن قئزارمئش یاناقئنی، اکبرئن تاوادان شیش میش چی نینه قُیار و سانجئ، سانجئ یا ورلّر. اکبر باشلار قاوالئ چالماقا و اُنون آردئندان اُخوماقا. قولاق ورین نه اُخور:

بیلیسن بؤگؤن نه دن، من ژنوه گیتمه میشم؟

اینگیلیسی بیلمیرم، گدیم دییم پُخ یمیشم.

دیدیلر آچئن گؤراق سیزده اُلان گیزلی نه دیر.

اُنؤچؤن میلتی مین اؤستؤ باشئن لؤت ده میشم.

گیده باخ، سن بو فرانسه منه دُنقوز گلیری.

دیه سن، اُ سوت وریپ، من مَمه سین دیشله میشم.

بو اُیونلارئ قورتار، خجّه بیلیر هامّی بیلیر.

سن آتان توپ لارئ وئ، اشتونا من شوت ده میشم.

مؤسته شار قهوه سینین اهلی ده والله بیلیری.

من سنین اؤز بالاوام اؤزگه چایئ ایچمه میشم.

دا قورتار بو سؤزلری، هامّی بیلیر ایمضالادئن.

اُ بیزیم ظریفه ده، دور گل دا من چِتده میشم.

محمد احمدی زاده