گادپ دق-اون ایکینجی قورولتایی کئچیریلدی
21 مای 2011-ده کئچیریلن باشاری‌لی یوروشون آردین‌دان ، 22 مای-دا گادپ دق-اون قورولتایی دا کئچیریلدی.
قورولتایین تشکیلاتی بؤلومو بل‌لی ندن‌لره گؤره اینتئرنئتده و قیسسمن باغلی توپلانتیدا کئچیریلدی.
قورولتایین سیاسی بؤلومو گونئی آزربایجانین بوگونکی سیاسی دورومو و گلجییله باغلییدی.
قورولتای چوخ سای‌لی قوناق‌لارین ایشتراکی، هابئله پالتالک-دان و بیلوخ‌دان قاتیلان بیر سیرا گادپ اویه‌لری و دیگر میللی فاا‌لارین قاتیلیمی ایله گونئی آزربایجانین هیمنی ایله آچیلدی.
ایشتیراکچی‌لار آذربایجان شهیدلری و بالاش آذر اوغلونون خاطره‌لرینی عزیزله‌یه‌رک بیر دقیقه سایقی دوروشوندا بولوندولار.
پروقرامین بیرینجی بؤلومونده گادپ-نین سؤزچوسو محمود بی بیلگین گادپ-نین ایکی قورولتای آراسی فاالیت‌لری ایله باغلی معلومات وئردی و سونرا گادپ-نین ، گونئی آزربایجانین بوگونکی سیاسی دورومو و گلجیی ایله باغلی دوشونجه‌لرینی ایشتیراکچی‌لارلا پای‌لاشدی.
کمالا خانیم سابیر قیزی گادپ-نین آذربایجان تورک میللتینه سیاسی مراجعتینی اوخودو و اوندان سونرا موسیقیچی‌لر، ایسماییل و هوسئن بیین قاراباغ شیکسته‌سی ایجراسی ایله بیرینجی بؤلوم باشا چاتدی.
پروقرامین ایکینجی بؤلومونده، قوناق‌لار گادپ-یه باشاری‌لار دیله‌یه‌رک، اؤز دوشونجه‌لری نی پای‌لاشدی‌لار. چیخیش ائدن‌لر:
1- گاموح-اون مرکزی کومیته‌سین‌دن دومان بی ساوالان
2- داک-این هم صدری و واهید موستقیل آذربایجان جیبهه‌سی‌نین سؤزچوسو فریدون بی پرویز نیا
3- آزوح-اون سؤزچوسو امیر بی مردانی
4- اوغوزلار قوروپونون سؤزچوسو جئیهون بی
5- قورتولوش پارتیاسی‌نین سؤزچو یاردیمجی‌سی اومود بی ائورن
6- آلاهوازین میللی آزادی بئخسهئ سازمانی‌نین نومایندسی، سعید حمیدان
7- جیبهئیئ دئموکراتیکئ ماردومی آلاهواز نماینده‌سی سعید بی منصوری
8- آلاهوازین میللی آزادی بئخسهئ سازئمانین سوروملولاریندان ناسیر بئی کنعانی
9- اؤیرنجی آلاهواز فاا‌لارن‌دان مئهدی احوازی
10- آزربایجانین فاالاریندان باریش بئی
11- آزربایجانین تانینمیش دیل و تاریخ آراشدیریجی‌سی عاریف بئی رحیم اوغلو
سؤزلرین اؤنم‌لی نوقته‌لری:
-آرتیق تاشکیلاتلانما و سیاسیلشمه یولوندا ایشلمک
-میللی هئرئکاتدا عرب دؤنیاسی‌نین اینقیلاب‌لارین ائتگی‌سین نظرده آلماق
- گونئی آزربایجانین میللی هئرئکاتی‌نین تمل پرنسیب‌لرین قوروماق
- فارس رئژیمی‌نین قانادلاری‌نین ایچینده بوهرانین درینلشمه‌سی نه دیققئت ائتمک
- گونئی آذربایجاندا اینقیلابی دورومون یارانا بیلمه‌سینه فیکیر وئرمک
- گونئی آذربایجاندا ایشچی‌لرین دورومونا آرتیق دیققئت ائتمک
- قادین‌لار و گنج‌لرین سورون‌لارینا آرتیق دیققئت ائتمک
-فیکیر و تاکتیک‌لری اویقون اولان تاشکیلات‌لار آراسی بیرلیک جیبهه‌سی یارادماق
- ایکی اوچ جیبهه‌نین یارانماسین آساس گؤتوره‌رک ،دیشاریدا واهید پارلیمانین یارانماسینا یاردیمجی اولماق
و....
قئید ائتمئلیگیک کی ماهنی خانیم زانگان‌لی آراب مسئول‌لاری‌نین دانیشیق‌لارین فارسجا‌دان تورکجه‌یه چئویرمکده یاردیمجی اولدولار.
قورولتایین سیاسی بؤلومونون آپاریجی‌سی آیدا خانیم بیلگینی ایدی. کماله خانیم سابیر قیزی یاردیمجی اولا‌راق، هاشیم بی بیلگین پالتالک و بیلوخ سوروم‌لوسو و آلیرزا بی گولزار و پولاد فارمان اوگلو تاداروکاتدا یاردیمجی اولدولار.
بو قیسسا راپورتلا بیرگه گادپ- دقون ایکی قورولتای آراسی ایشلرین ، سیاسی دوشونجه‌لرین و گادپ-دقون ایداره هئیتین اویه‌لرین ، قوللوغونوزقا سونوروق.
گادپ دق-اون تابلیغات قولو
28.05.2011
|
|
