سنده دوزگون باخ، گرچک دوزن بئله‌دیر قوشولماق گرهکیر – تبریزلی بای بک
بیز، تورک‌لر، یارانیش‌دان بری تورپاق‌لارا صاحب اولان بارماق ساییدا خالق‌لاردان، ان مدنیتلیلریندنیک. آما، نه یازیق کی یوخاریدا سادالادیغیم دوزنی اولدوغو کیمی باشا دوشممیشیک، تورپاق‌لاریمیزی الدن وئرمیشیک. تورپاق‌لاریمیز آزالدیقجادا، تاریخ‌دن سیلینمک تهلوکه‌سی داها یاخین‌لاشا‌جاق‌دیر.
یوخاری‌داکی‌لاری بیر آز اولسوندا آچیقلاماق ایستردیم، بلکی سن، ده یرلی اوخوجودا بو آچیقلاما‌لارا قاتیلا‌جاقسان. بلکیده بعضی‌لریله راضی اولماییب فرق‌لی آچیقلاما وئره‌جکسن، آما، دوزن بئله‌دیر، قوشولمازسان اودوزا‌جاقسان.
۲- گوج اصلینده اینسانین فیزیکسل و بئیینسل قابیلیتین‌دن اولوشان بیر گرچک‌دیر. فیزیکسل و بئیینسل گوجه مالیک اولان توپلوم تبی کی قازانا‌جاق‌دیر. بزن اولور کی اینان‌لار اؤزلرینی آلداتیرلار. گوج‌لو اولان داها کرامت‌لی اولار، آغاجین بره‌سی چوخ اولسا باشینی ایر و بئله سؤزلرله کوتله‌ده ترس آنلاییش‌لار یارانیر. چونکو، گوجو اولان اونو دوزگون قوللانمازسا، گوجو سادالادیغیم وارلیق‌لاری قوروماقدا کسکین شکیلده قوللانمازسا اودوزا‌جاق‌دیر، محو اولا‌جاق‌دیر.
دئمه‌لی، گوج فیزیکسل و بئیینسل اولما‌لی‌دیر. فیزیکسل گوج‌دن آماجیم ایسه ساده‌جه اینسانین ووجود گوجو یوخ، کی ماشین و حیوان‌لارین گوجونوده ایچرمکده‌دیر.
بئیینسل گوج‌دن دانیشاندا ایسه، ساده‌جه اخلاقیات و مدنیت گوجو یوخ، کی اورتمک، یاراتماق و یؤنتمک‌دن اوؤز ائدیرم.
گوجوموز قیسیت‌لی اولماما‌لی‌دیر، محدود چرچیوه‌یه سؤزینماما‌لی‌دیر. منجه، اینسانی گوجوموز وار آما یانلیش یؤنتیلمکده‌دیر. بئیینسل گوجوموزده اسیرلردیر کی باشقا‌لاری، اؤزل‌لیکله‌ده دوشمان‌لاری گوجلن‌دیرمک اوچون قوللانیلماقدا‌دیر. بیز بیزیم دئیل، دوشمانین قوللوقچوسو اولموشوق. بو دوزن پوزولما‌لی‌دیر.
۳- قورونماق بیر گرچک‌دیر کی اونودولورسا داغیتیجی اولا‌جاق‌دیر. قورونماق اوچون ایسه اویانیق اولماق، قددار اولماق و زامانلا ساواشماقدا اولماق گرک‌لی‌دیر. قورونماق اوچون مئهریبان اولماق لازیم دئیل. قورونماق اوچون اوتانماق لازیم دئیل. قورونماق اوچون دوستبازلیق فیلان لازیم دئیل. قورونماق اوچون، ساده‌جه و ساده‌جه و ساده‌جه میللی قازانج‌لار و گله‌جک‌دیر کی لازیم‌دیر. گوجه صاحب اولا‌راق، تورپاق و وارلیق‌لاری قوروماق اوچون طبیعی سلاح و حتی سؤزده “اینسانلیغا قارشی” اولان تاکتیک‌لر قوللانیلما‌لی‌دیر. بون‌دان آماجیم سویقیریمی فیلان تؤرتمک دئییل‌دیر، دئدیگیم بودور کی قددار اولمایان اؤلدوروله‌جک‌دیر. تاریخ بونو سایی‌سیز حساب‌سیز اولا‌راق سوبوتا چاتدیریب، چاتدیریر و چات‌دیرا‌جاق‌دیر.
۴- ائنئرژی مسئله‌سی چوخ گئنیش بیر مسئله‌دیر. آلان‌لاری سای‌سیز اولان بو مسئلنی گتیریبده نئفت یا قاز و یادا سویا خلاصه ائتمک چوخ یانلیش و تهلوکه‌لی‌دیر. بو سبب‌دن، ائنئرژی مسئله‌سینی داها چوخ اؤنمله یوروتمک لازیم‌دیر. تورپاق‌لاریمیز وار، گوجوموز وار، قوروما سیستئمیمیز وار، ائنئرژیمیزده وار و یئنی ائنئرژی قایناق‌لاری و ایمکان‌لاری یاراتماق اوچونده بئیینسل گوجوموز چالیشماقدا اولما‌لی‌دیر.
۵- قازانماق چوخ فرق‌لی گرچک‌دیر. قازانماقدا یاخین و اوزاق گؤروش‌لو سیاست‌لرله تانیش اولماق لازیم‌دیر. قازانماق ساده‌جه آلین ترینده محدود اولماما‌لی‌دیر. قازانماق ساده‌جه یئر آلتی یاتاق‌لاری اونا بونا ساتماقلا الده ائدیلممه‌لی‌دیر. بئیینسل و فیزیکسل گوج‌دن و سلاح‌دان فایدا‌لانا‌راق، باشقا یول‌لارلا ائنئرژی الده ائتمک چابا‌لاری یئرینده اولما‌لی‌دیر.
۶- آلداتماق خالقیمیزا یوخ، کی دوشمان‌لارا اویقولانما‌لی‌دیر. خالقیمیزی آلداتا‌راق اونون میللی وارلیق‌لارینی دوشمونا پئشکئش ائتمک قبول اولونمازدیر. آلداتیجی سیاست‌لرله چاشباش‌لیق یارادیب، یوخاریدا یازدیغیم وارلیق‌لاری قوروماق اوچون عقل‌لارا بیله سیزمایان یول‌لاری دنمک گرهکیر.
بو دوغرولتودا، باشقا‌لارین آلداتیجی سیاست‌لرینه اویمامالیییق، اونلارین دئموکراسی‌سی بیزیم محو اولمامیز دئمک‌دیر.
۷- توپلاماق چوخ اؤنم‌لی بیر آددیم اولا‌راق قبول اولما‌لی‌دیر. گوج‌لرله الده اولونان گلیر و داها فازلاسی تورپاق‌لاریمیزدا توپلانما‌لی‌دیر. مادی و معنوی اولا‌راق تولانان‌لاردیر کی گلهجهگی قارانتی ائده‌جک‌دیر.
اوتانما‌دان، قورخما‌دان و تام گوجله ایلرلهمهلیک
تبریزلی بای بک
۰۶/۱۲/۲۰۱۳
کرویدون
