گؤلیم یانیر،کؤنلوم یانیر- محمود دالغا
گؤلیم یانیر،کؤنلوم یانیر
دوزلی نازلی گؤلیم یانیر
آللاه یاغمور یاغدیرمادی
گؤلیم یانیر کؤنلوم یانیر.
ناز دورنالار اوچدی گئتدی
سونا چاتدی عؤمری بیتدی
کمسه اونا یار اولمادی
دوزلی گؤلیم یاندی گئتدی.
بیر ائلیمین تاجی تختی
کئچمیشلردن قالمیش بختی
تالان اولدی یاندی گئتدی
یوخا چاتدی دوزلی تختی.
آللاه یاراددیغین آلماز
یاتانین قاپیسین چالماز
اویان منیم اوغوز ائلیم
اویان ساق گؤل سونا چاتماز.