بوگوُن گونئی آذربایجانین میللی آزادلیق حئرکاتی ، اوُنون فداکار تشکیلات لاری ؤ آکتویست لرینین اوُنوندۀ ، ؤطنیمیزین ایستیقلال مسئلۀ سینی ، گوُندۀ لیک موُضوع ؤ سیاستۀ چئویرمیشلر.

دوُنیانین سرعتلی گئدیشاتیندا اوُز وئره ن حادیثۀ لر، بیرداها  میللتی میزین  سئچدیگی  یوُل ؤ هدف لرینین ، حاققانییت ؤ دوُزگونلویوُن ؤ بو هدف لرۀ چاتماق اوُچون باشلادیقی موُجادیلۀ نین نۀ قئدر منطیقلی اوُلدوقون گوُسترمئکدۀ دیر. بونون آچیق ، آشکار ایثباتی ؤ نمونۀ سی اسکاتلند ؤ اسپانیادا  کئچیریلۀ جئک رفراندوُم تئزلیکلۀ اوُنا  شاهید اوُلوب ، گوُرۀ جئییک .

اسکاتلند ایالتی 300 ایل دیرکی بوُیوک بریتانیانین بیرپارچاسی آدلانمیشدیر، اصلیندۀ اوُنو اینگلیس لرین موستملئکۀ سی آدلاندیرماق اوُلار. آمما نهایت دۀ ایللرایستعمارچی سیاست داوام اتسۀ دۀ ، طرفلر آراسیندا بیرچوُخ مباحیثۀ  لرداوام ائدرکن سوُنوندا بو گوُن اسکاتلند میللتی اوُز ایستیقلالییتینی طلب اتمئکدۀ ایسرارلی ؤ اوُنو مدنی یوُلدان رفراندوُما قوُیماق ایستۀ یر.

ألدۀ اوُلان معلوماتلار ؤ سوُروشدورمالارا گوُرا ، هئلۀ لیک بوگوُنۀ قئدر 51% فایز  اسکاتلئندلیلر اوُز ایستیقلال لارین ألدۀ اتمئگۀ سئس وئرمیشلر، ؤ یاخین گوُنلردۀ اوُنون نهایی سوُنوجو بئلی اوُلاجاق .

بیر باشقا طرفدن دۀ همان طلب  اسپانیادا اوُلان کاتالانلاریندا ایستۀ گی دیر، اوُنلاردا  بیرچوُخ چئکیشمۀ لردن سوُنرا ، کاتالان میللتی اوُلاراق اوُز سیاسی ، اکونومی باغلی لیقلارین اسپانیادان آییریب ، موستقیل اوُلماق ایستۀ یرلر، اوُنلاردا مدنی یوُلدان عمومی رفراندوم کئچیرمئگی اعلان اتمیشلر.

آنجاق ، اسپانیا دوُولتی دفعۀ لرلۀ کاتالانلارین آیریلماسینا دائیراوُزموخالیفتینی گوُسترمیشدیر، لاکین اسپانیادا اوُلان میللتلر ایللر بوُیو فئدراتیو سیستمدۀ بیرلیکدۀ یاشاسالاردا، سوُنوندا گوُروُندوکی بو سیستم اوُزون موددت دۀ میللت لرۀ آلترناتیو اوُلا بیلمۀ میشدیر. بونا گوُرۀ دۀ ایستیقلالییتی أن دوُزگون ، استراتژیک آلترناتیو اوُلاراق سئچمیشلر.

نمونۀ اوُلاراق بوحقیقت لری نظردۀ آلماقلا ، بیز گوُنئی آذربایجان تورک میللتی اوُزمیللی آزادلیق حئرکاتیمیز اوُچون ایندیندن ایقتصادی ، سیاسی ، مدنی ، فرهنگی ساحۀ لردۀ اوُزآلترناتیویمیزی مئدانا چیخاریب ، بوُلگۀ میزدۀ جریان ائدن حساس سیاسی ، استراتژی اوُیونلاری دیققت لۀ آراشدیریب نظردۀ آلاراق ، عکس العملی میزین نئجۀ اوُلدوقون ایندیدن تنظیملۀ مئلییک .

حئرکاتیمیز اوُچ موضونو ، یعنی : 1 ـ گوُنلوک سیاستی 2 ـ قیسسا موُددتلی سیاستی ـ3  اوُزون موُددتلی سیاستیمیزین نۀ اوُلاجاقین نظردۀ آلاراق ، هئر بیرینین آیری آیری  سمتلرینی ؤ اوُنون تاکتیکلرینی تنظیم اتمۀ لییک ؤ بو یوُندۀ کونکرت سیاسی آددیم لارآتیلمالییق .

                                   اوُرتا دوُغویا قیسا باخیش

اوُرتا دوُغونون گوُندۀ لیک آکتوئل حادثۀ لرینۀ باخدیقدا ، میصیردن توتموش ، عراق ، سوُریۀ ، فلسطین ، لبنان ، لیبییا ، ألقائدۀ ، حزب الله ، داعش ؤ سایرۀ لر... بیزۀ گوُستریرکی بو بوُلگۀ لردۀ یئنی سیاسی ؤ استراتژی اوُیونلار گئلیشمۀ دیر. بو اوُلکۀ لردۀ یاشییان میللت لرین وارلیقی ؤ منافع لری نئجۀ نظردۀ آلیناجاقی !  جیددی سیاسی تصمیم لرین اعمال اوُلونماسی لازیم دیر.

ائلۀ سیاسی تصمیم لرکی بوُلگۀ نین نظم ، اینتیظامین تضمین ائدۀ بیلسین ، یوخسا فوندامئنتالیست ایسلامچی رژیم لر 1400 ایل بوندان قاباقکی ایسلام خیلافتی جینایت لرین اوُرنک توُتماقلا ، یئنی خیلافت روُیاسیندا اوُلان گرُوپ لار، اوُز گئری قالمیش ایستک لرینۀ چاتماق اوُچون باش کئسیب ، جینایت لرتوُرتمۀ لرینۀ داوام وئرۀ جئکلر.

نتیجۀ دۀ شیعۀ ، سُنی ، خیریستیان ساواشی یارادماقلا ، داها آرتیق یوُز مینلرلۀ گوُناهسیز اینسانلاری قتل عام ائدیب ؤ میلیونلار اینسانلارین اوُز دوغما یوُرد یوُوالارین ترک ائدیب ، قاچماق ؤ یا دیدرگین اوُلماق مجبورییتیندۀ قالاجاقلار ؤ قالمیشلار بو قاچقینلیق ، دیدرگینلیک چوُخداندیر کی باشلامیشدیر.

بئلۀ لیکلۀ اصلی مسئلۀ یعنی ، میللت لرین دیکتاتور رژیم لرۀ قارشی باشلادیقلاری  آزادلیق ، قوُرتولوش ، عدالت ، دموکراسی موجادیلۀ لری ، فیتنه کارلارین هئرگوُن یاراددیقلاری مقصدلی گرگینلیکلرین ، باش کئسیب قان توکمۀ لرینین کوُلگۀ سی ؤ تأثیری آلتیندا قالیب ، گئت گئدۀ اوُنودولماقا ، پاسیف لئشمئگۀ  دوُغرو گئری گئدۀ جئک . ألبتۀ آیدیندیر کی بو آرادا بوُلگۀ نین یئر آلتی ثروت لرینین سئس سیز صداسیز گئجۀ گوُندوز غارت اوُلونماسینا یوُل آچاجاق، نئجۀ کی بو گوُن داعش جیناتکارلاری عیراقدا اوُلان تورکومان لارین نفت قایناقلارین غارت اتمئکدۀ دیرلر ، باشقا طرفدن دیکتاتور رژیم لرلۀ بیرلیکدۀ ، سیلاح ساتان دوُولت لرین دللال لارینین دۀ توُی بایرامینا  چئوریل میشدیر!

یوُخاریدا قئید اوُلونانلار بو گوُن اوُرتا دوُغو بوُلگۀ سی حقیقت لری نین بیر کیچیک نمونۀ لری دیر، ائلۀ بو حقیقت لری نظردۀ آلاراق، گوُنئی آذربایجانین میللی حئرکتین جیددییت لۀ قوُروماق ؤ اوُنا نفوذ قازاندیرماقیمیز لازیم دیر، خاریجدۀ اوُلان میللی تشکیلات لاریمیز ؤ آکتیول فعال اینسانلاریمیز دائمن ؤطنیمیزین ، میللتیمیزین منافعین جیددیت لۀ دوُ شونوب ، مترقی ، لائیک سئکولار، مدنی هدف لریمیزی بوُتون بین الخالق محافیللردۀ چاتدیریب ، بیان ائدیب ، تبلیغ اتمۀ یمیز لازیم دیر، بوناگورۀ دۀ میللتیمیزین آزادلیق ، قورتولوش یوُلوندا بیر عصردن آرتیق میللی موجادیلۀ سین نظردۀ آلاراق ، گوُنئی آذربایجانین میللی پارلمئنتی نین یارانماسی عینی ضرورت دیر.          

                            گوُنئی آذربایجانین سوُرگوندۀ پارلامئنتی

گوُنئی آذربایجانین میللی تشکیلات لاری ؤ آکتویست لری چوُخ گوُزل بیلیرلر کی ،   ایللربوُیو سوُز صوحبت لردن سوُنرا ، بو گوُن گوُنئی آذربایجانین سوُرگوندۀ پارلامئنتی نین یارادیلماسی اوُنئملی ضرورت لریمیزدن بیری ساییلیر.

بوپارلامنتین یارادیلماسی ، بیرینجی مرحلۀ دۀ ، ایستیقلالییت یوُلوندا موجادیلۀ میزین جیددییت لیگین ؤ اوُنون تشکیلاتلانمیش فوُرمدا ، قانون وئریجی اوُرگانلاریندان بیری اوُلاراق اوُزون گوُسترمئکدۀ اوُلاجاق .

بوپارلامئنت گونئی آذربایجاندا ایستیقلال اوُغروندا فعالییت ؤ موجادیلۀ ائدن فردلرین ؤ  تشکیلاتلارین ،  سئس لرینین اوُجالماسی نین یئری دیر. پارلامئنتین خاریجدۀ تشکیل تاپماسی نین چوُخ آیدین ، آچیق سبب لرین هامیمیز چوُخ یاخشی بیلیریک .

آیدیندیرکی ایران دئیلن اوُلکۀ دۀ فوُندامنتالیست ایسلام ؤ فارس راسیست لیگینین یاراددیقی دیسپوت رژیمین تام وحشیلیکلۀ یاراددیقی دیکتاتورلوق شرایطـدۀ ، بئلۀ بیر پارلامئنتین یارانماسیندان تک بیر سوُزدۀ آچیب دانیشماق اوُلمازدی. اوُستلیک اوُنون جوُربۀ جوُر باسغی اوُرگانلارینین مأمورلاری ، مطلقاً بو ایجازۀ نی وئرمزدی کی ، گوُنئی آذربایجانین موستقیللیک یوُلوندا پارلامئنتینین یارانماسی ؤ اوُزاوُلکۀ میزدۀ آزاد  سربست شئکیلدۀ تشکیل تاپیب میللتیمیزین منافعی و سرنوشتی ایستیقامتیندۀ فعالییت گوُسترمۀ سینۀ ایمکان وئریلمزدیلر  .

بونا گوُرۀ دۀ میللی آزادلیق حئرکاتی نین خاریج دۀ اوُلان فعاللاری ضرورتی درک ائدرئک ، ایللرجۀ دانیشیق ؤ بحث لردن سوُنرا ، بیرچوُخ آغیر چئتینلیکلرۀ باخمییاراق سوُنوندا نتیجۀ اوُلاراق ، بو وظیفۀ نی خاریجدۀ یئرینۀ یئتیرمئگ اوُچون بیر آرییا گئلمیشلر .

طبیعی اوُلاراق تئهران رژیمی ؤ اوُنون گیزلی ، آشکارمأمورلاری باشدا اوُلماقلا ،  موُللا راسیست رژیمی ایلۀ سیخی علاقۀ دۀ ؤ تیجارت دۀ اوُلان  بعضی خاریجی دوُولت لردۀ ، اوُز منافع لرین تهلیکۀ گوُروب ، پارلامنئتۀ دائیرایلک بیاننامۀ یاییلدیقدا ، شوُک حالتیندۀ دیکسینرئک ، آوُنلارین ماشالارینین  قلم لری ایشۀ دوُشدو ؤ جوُربۀ جوُر بُهتان ، تحقیر، شانتاژ ، تخریباتلار یاییماقا باشلادیلار ، ؤ هئلۀ دۀ پارلامئنتۀ قارشی ظاهیردۀ ( اینتیقاد فورموندا ) لاکین باطیندۀ تخریبات مقصدلی یازیلارا راست گئلمئگدۀ ایک . 

لاکین پارلامئنتین قوُروجو هئییتی یاخین گئلۀ جئک دۀ ایکینجی رسمی ؤ گئنیش ایجلاسینا حاضیلاناراق ، چوُخ سایدا کاندید لرین کوُنلو اوُلاراق ایشتیراکی ایلۀ ، پارلامئنت ایجلاسی نین تام دموکراتیک شرایط دۀ قوُرولوب اوُز فعالییتینۀ داوام ؤئرۀ جئیینینۀ اوُمید ائدیریک  .

ألبتۀ کی بوپارلامئنت دۀ مختلیف بوُلوملردۀ کمیسیونلارتشکیل اوُلوناجاق ؤ ایش بوُلومو اساسیندا هئر کمیسیون اوُچون معیین وظیفۀ لری ایجلاسدا سئچیلمیش هئییت تعیین ائد جئک ، آردینجا کوُنللو اوُلاراق ؤظیفۀ قبول اتمیش شخص لرین واسیطۀ سی ایلۀ گوُنئی آذربایجان میللتی نین معیین اوُلونموش قانونی ، طبیعی ، اینسانی حاقلارینا دائیر سئسیمیزی دوُنیا مقیاسیندا اوُلان دوُولت لرۀ ، بین الخالق تشکیلات لارا ، اینسان حاقلاری قوُروملارینا ، ؤ نفوذ صاحیبی اوُلان موستقیل شخص لرۀ ، مدنی ، منطیقلی شئکیلدۀ بیلدیریب ، اوُنلارین همرأیلیک لرین طلب اتمئکلۀ ، پارلامئنت  آچیق ، آشکار، اوُلاراق اوُز دیپلوماتیک ، سیاسی فعالییت لرینۀ باشلامیش اوُلاجاق . 

یاشاسین بیرلیک ـ یاشاسین آذربایجان ـ