گئدیرم جهننمه! – آذری اولموشام ننه! - محمد احمدی زاده
گئدیرم جهننمه!
یه ییری قاز اتینی
گیزله دیری لذذتینی
خلقه ده پای وئریری
قاز پوخونون کوفته سینی
...
مزه لیر باده سه نی
هردن ده شور پوسته سینی
یازیق احبر ده اودور
چایدا اوزَن میلچه یینی
...
بابا گوندوز گئجه نی
حرراجا قویدو اؤلکه نی
قودوغو باسیر قازا
لامبورگینی له پورشه نی
...
ازدیریر سیرتیغینی
گونده یه ییر فیستیغینی
کاسیبیندا بالاسی
اوستده چکیر فیرتیغینی
...
اوخویور نوحه سینی
حوسئن حوسئن وای سسینی
آج اولان قومشوسونون
ائشیدمیری ناله سینی
...
دئدی نفتین قابینی
من دؤوَرم هر قاپینی
ساتارام تئز وئررم
هرکسه نین اؤز پایینی
...
قاپینی محلله نی
تاپاممادی قاپ دؤوَه نی
یا دا کی، قوشبازیدی
اونوتدو قاپ دؤومه سینی
...
چکیری ایستیسینی
بودونیانین نعمتینی
آلله آخیرده وئریر
او دونیانین جننتینی
...
چکیرم شخته سینی
بو دونیانین محنتینی
گئدیرم جهننمه
موفته چکم ایستیسینی
آذری اولموشام ننه!
آد قویوبدور هرگلنه
تورک دئدی، هئی گولدو سنه
بیر تازا آد تاپدی منه
آذری اولموشام ننه
....
بو ایشده حیله یوخ دئمه
کسین اویون واردی گئنه
ندنسه ائشگک اولمادیم
آذری اولموشام ننه
....
گولوب سنین تاریخینه
دالقا گئچیبدیر دیلینه
دا تورکه خر دئمیر منه
آذری اولموشام ننه
....
ندن دا تورک دئمیر منه؟
اویون اوینور هم ده گئنه
اویونوندا اودوزماغا
آذری اولموشام ننه
....
سؤز وئریرم آنام سنه
هر نه اولسا باخ گئنه ده
هارای چکیب قیشقیرارام
نه موتلو تورکوم دئیه نه
