ویلایت فقیه رژیمی نین 36 ایللیک اعمالینا قیسا باخیش

ایران آدلانان ممالیک محروُسۀ سیندۀ حاکیم اوُلان بو گوُنکو ویلایت فقیۀ رژیمی نین أساس ریشۀ سین، گئرئک صفویلیگ منشۀ لی شیعۀ گرلیکدۀ آراشدیرماق . بورژیمی نین یارادیلماسیندا چئشیدلی تاریخی ، سیاسی ، ایقتصادی ، دینی ؤ خاریجی عامیللرین روُلون آراشدیرماق اوُلار.

ألبتۀ کی بوآراشدیرمانی بیرمقالۀ یازماقلا یوُخ ، بئلکۀ بئلۀ بیرتاریخی بلانین نئدنلرین آچیب آچیغلییب گوُسترمئگ اوُچون. تاریخ فاکتلارینا ایستیناد اتمئک شرطی ایلۀ  آردیجیل تحلیلر چئرچیوۀ سیندۀ ؤ اطرافلی شئکیلدۀ یازماق لازیم دیر،اوُدا بو قیسا مقالۀ نین عهدۀ سیندن خاریجدیر.

بوُنونلا بئلۀ بیرنئچۀ حقیقت لرۀ ایشارلراتمئگی دوُشونرئک ، ایراندا یارادیلمیش ایسلام  رژیمی نین تاریخی ، دینی ، ایجتیماعی ؤ سیاسی  سببلرین گوُسترمئگی نین ضرورتین درک ائدرئک ، ایلک باشدا عرب هجوملارینا ایشارۀ اتمئک لازیم دیر. بو نتیجۀ سیندۀ مین ایللر بوُیونجا کوُک سالمیش چئشیدلی مدنییت لرؤحشی عرب لرین وسیلۀ سی ایلۀ داغیدیلیب آرادان قالدیریلیر ؤ اوُنون یئرینۀ یاد ائللی مهاجیم ، صحرا طایفالارینین عادت عنعنۀ لری قیلینج گوُجو ؤ آلله أکبر شعاری ایلۀ مغلوب اوُلموش خالقلارا تحمیل اوُلونور. عمرعرب ایسلام قوُشونلارینین سرکردۀ سی فیتوا وئریب دئیر:    (تکجۀ قوُران کیتابین اوُخوماق لازیم دیر، باشقا کیتابلار کافرلرین دیر ؤ اوُدا یاندیریلمالی دیر! ) دئییۀ ایلۀ مین ایللیک لرۀ عاید اوُلان شرق مدنییتی ، کیتابخانلار ، علم اوُجاغلارینا اوُد وورولوب ، یاندیریلیب ، محو اوُلوندوقدان سوُنرا ، اوُنون یئرینۀ صحرا عادت عنعنۀ لرین یئرلی خالقلارا قیلیج گوُجو ایلۀ تحمیل اتدیرلر ، یارادیلمیش بوُیوک فاجیعۀ گئت کئدۀ توُپلوملار آراسیندا سارسیدیجی ایجتیماعی ، فرهنگی فلاکت لرۀ دۀ یوُل آچیر.

بو گئدیشات داوام ائدرکن ، سوُنرالاردا اوُزاق ، یاخین بوُلگۀ لردۀ  ایسلامی قبول اتمیش ؤ موسلمان اوُلموش فرصت طلب جهانگیرلرایسلام بایراغی آلتیندا آردیجیل اوُلاراق ، آمانسیزجاسینا  داغیدیجی هجوملارا باشلییب نتیجۀ دۀ ، شئهرلرین ، بینالارین ، سو ؤ سوُوارما کانللاری نین داغیدیلماسی ، زیراعتین ، أل صنعت لرینین " مانیفاکتورصنعتینین" داغیدیلیب ، یوُخ ائدیلمۀ سی، یئرلی خالقلارین مین ایللیکلردن قالمیش زنگین کوُلتورو، آنا دیللری دائمن عرب ایسلام سرکردۀ لری ؤ یا باشقا لارینین هجوم لارینا معروض قالیرلار.

آردیجیل ؤیا فاصیلۀ لرلۀ باش وئرن هجوملار نتنیجۀ سیندۀ توُپلوملار آراسیندا قوُرخو ، وحشت ، یوُرد یوُوالاریندان قاچماق ، خصوصی ایلۀ قادینلارین ، قیزلارین أسیر اوُلوب قول بازارلاریندا ساتیلماسی قوُرخوسو ، عائلۀ لرین داغیلماسی صنعتکارلارین دیدرگین دوُشمۀ لری ؤ سوُنوندا همان قوُرخولار ؤ زوُراکیلیقلار نئدنیلۀ اینسانلار چارۀ سیزقالیب ، مهاجیم لرین ؤ یا موسلمان اوُلموش مقام پرست شاهلارین ، سلطانلارین قددار جاسینا أمرینۀ حوُکملرینۀ تابع اوُلماق ؤ کوُلۀ لیگی قبول ائدیب اوُنا باش أئیمئک اوُلور. بوقیسا شرحی نظرۀ آلاراق، 15 ینجی یوُزایللکدۀ صفوی شیعۀ دوُولتی قانلا ، قیرقینلا یاراندیغی چاغدا آوروُپا اوُلکۀ لریندۀ دین لۀ دموکراسی طرفدارلاری آراسیندا شیددتلی ؤ بعضن قانلی توُققوشما لارجریان ائدیردی کی نتیجۀ دۀ 17 ینجی عصردن دموکراسی آددیم ـ آددیم غلبۀ چالماقا باشلییر.    

آوروپادا دموکراسی نین أساسی قوُیولدوقو گوُندن ، گئت گئدۀ اوُنون دالغالاری دوُنیانین چئشیدلی اوُلکۀ لرینۀ دۀ یاییلماقا باشلادی "آبرهام لینکلن دئمیشدیر : دموکراسی یعنی خالقین حاکیمییتی ، خالقین وسیلۀ سی ایلۀ ، خالق اوُچون " آنجاق شرق عالمیندۀ کیمسۀ دموکراسی کلمۀ سینین معناسیندا بیلمیردیلر، اوُلکۀ لر فردی دیکتاتورلوق مئتودلاری ایلۀ ایدارۀ اوُلونوردو ، فئودال سیستم لردۀ حتی شاهلار، حوکمدارلار اوُزلری دۀ گئری قالمیش عنصرلرایدیلر ، بوناگوُردۀ گئریدۀ قالمیش توُپلوملاردا اینسانلارین چوُخونلوقو ساوادسیز اوُلدوقونا گوُرۀ نۀ اینکی دموکراسی نین معناسین بیلمیردیلر، حتی اوُنو دینۀ قارشی بیلیب ، تکجۀ کافرلرۀ عاید اوُلان کلمۀ سانیردیلار.

سوُنرالاردا باش وئرن گئلیشمۀ لر نتیجۀ سیندۀ دموکراسی نین معناسین درک ائدن قاباجیل شخصلرین ظاهیر اوُلمالاری ؤ اوُنلارین تلاش لاری سایۀ سیندۀ آزادلیق ؤ عدالت طلب اتمئک ایستگی یوُلوندا مجادیلۀ لر باشلانیر ؤ آددیم ـ آددیم اوُز یوُلون آچماقلا ایرۀ لی گئدیر ، بعضی اوُلکۀ لردۀ  نیسبی آزادلیقلارین یارانماسی ایلۀ ، همان جامعۀ لرین آیریلماز پارچاسینا چئوریلیر ؤ توُپلومون سیاسی ، ایقتصادی ، فرهنگی ، دینی ایستکلرینۀ بیرحددۀ قئدرموثبت جاواب وئرسۀ دۀ ، آنجاق زامان، زامان حاکیم طبقۀ ؤ فئودال لار ؤ دین باچیلارینین مخالیفتی ایلۀ اؤزلئشمئکدۀ اوُلور .       

دموکرسی نین أن اوُنئملی شرط لریندن بیری جامعه دۀ ، یاشییان اینسانلارین دوُشونجۀ سینۀ ، عقیدۀ لرینۀ حوُرمت قویماقلا، اوُنو یوُکسئک دئیرلئندیرمئک ؤ توُپلومون آزادلیغین ، أمن آمانلیغین قوُروماقدان عیبارت دیر. بوأساس مسئلۀ نی رهبرتوُتاراق، دموکراسی ؤ اوُنا دایالی قایدا قانونلار، ؤدوُولت قوُرولوشو سیستم لری ایللر کئچدیکجۀ کوُک سالیب ، اینکیشاف تاپماقا باشلییر ؤ بیرچوُخ اوُلکۀ لرین آنا یاسالاریندا دموُکراسی قایدالاری قئید اوُلونسادا ، دوُزگون اجراء اوُلونمور.

اوُرتا دوُغو ؤشرق اوُلکۀ لرینۀ گئلدیکدۀ ، اوُزللیکلۀ توپلوم ایچیندۀ عصربوُیو کوُک سالمیش ؤ اوُنون درین قات لاریندا رسوخ اتمیش ایسلام دینی قایدالاری، اینسانلاری بو نعمت دن محروم اتمئگۀ داوام وئریلمیشدیر.

ایران کیمی فئودال سیستمی اوُلان ؤ گئریدۀ ساخلانمیش اوُلکۀ دۀ ، حاکیملرین ، دین رهبرلرینین فیتوالاری باشدا اوُلماقلا ، توُپلوم موُللالارین جیناغیندا أسیراوُلوب ، چیرپینماقدا قالمیشدی . بواوُلکۀ دۀ چئشیدلی خالقلار  فئوداللارین ، شاهلارین ، حوُکمدارین اوُمُتی ؤ کوُلۀ سی اوُلاراق ، دوُنیانین گئلیشمۀ لریندن خبرسیز ساخلانیب ، حتی آزادلیق کلمۀ سین دیلۀ گئتیرمئگی دۀ گوناه سانیب، تکجۀ شریعتمدارلارین دینی فیتوالاریندان ایطاعت اتمئک مجبورییتیندۀ قالمیشدیلار. آیدین دیرتوُپلومون ساوادسیزلیغی ، خرافات حوُکم سوُردویو بیر اوُلکۀ دۀ ، شرایط یاد ائللی ایستعمار چیلارین مئیدنینا چئوریلر. 

بونا دا شاهیدیک کی ایران  ممالیک محروسۀ سیندۀ مشروطۀ اینقلابی ؤآردیجیل آزادلیق قیاملارینین مغلوبییتۀ اوُغراماسی، هم روس ، اینگیلیس ایستعماری ؤ همدۀ شیعۀ موُللالارین مشروطییۀ قارشی فیتوالاری ؤ یاراددیقلاری تخریباتلارنتیجۀ سیندۀ آغیر مغلوبییت لرۀ اوُغرادی . بوگوُنکو چاغیمیزا گئلدیکدۀ ، ایران دئیلن اوُلکۀ دۀ تام معناسینا  اوُیغون اوُلان بیر ماکیاویلیست مئتودلاری ایلۀ  ایدارۀ اوُلونان ویلایت فقیه رژیمی حوُکم سوُرمئکدۀ ؤ قان توُکمئکدۀ دیر.

بوناگوُرۀ دۀ بو رژیمین آدی جمهوری اوُلسادا ، آنجاق ( ویلایت فقیهین ،  جمهورییت ؤ دموکراسی  ایلۀ) هئچ بیراوُیغونلوقو یوُخدور ؤ اوُلادا بیلمز. دموکراسی جمهورییتین آیریلماز پارچاسی دیر. جمهورییت ؤ دموکراسی حاکیم اوُلان سیستم لردۀ اینسانلارین تک بۀ تکی نین عقیدۀ سینۀ ، رأیینۀ کیملیگینۀ حوُرمت قوُیولماقلا ، اوُلکۀ باشچیلیغینا سئچیلمیش فرد میللتین ایرادۀ سینۀ تابع اوُلماقلا   اوُلکۀ نی  رهبرلیگ ، نئجۀ کی آوروپا ؤ بعضی آسیا اوُلکۀ لریندۀ بئلۀ دیر .

ایران کیمی چئشیدلی میللت لر یاشییان اوُلکۀ دۀ ، مشروطۀ چاغیدان باشلییاراق ، راسیست حاکیمییت لۀ حاقلاری تاپدالانمیش میللت لر آراسیندا هئر زاماندا گئرگینلیکلر ؤ ضیدییت اوُلوب ؤداوام اتمئکدۀ دیر. بوضیدییت لرۀ سوُن قوُیماقین یوُلو میللت لرین راسیست مرکز رژیمدن آیریلماسی ؤ هئر میللت اوُز باشی نین چارۀ سینۀ باخماقدان باشقا یوُلو یوُخدور.                   

بوگوُنکوویلایت فقیه رژیمی سوُزون دوُزگون معناسیندا ، قیرخ لوُتولار قوُرقوسو دور. خامنه ای نین چئورۀ سیندۀ توُپلانان لار، جامعۀ نین أن شروراوُغرولار، جانیلر ، قاچاقچیلاری ؤ ألی سیلاحلی قاتیللری ؤ فاسید عنصرلردیرلر . آیدیندیرکی بئلۀ قارانلیق ، فوناتیک فیکیرلی عنصرلرلۀ عدالت دن، دموکراسی قانونلاردان ، اینسان حاقلاریندان دانیشماق ، باغیشلانمییان أن بوُیوک گوُناهلاردان ساییلار. چوُنکی بو سوُزلر ایسلام دیسپوتیزمیندۀ حوُکم سوُرن عنصرلراوُچون جام زئهردن قات قات تهلیکۀ لی دیر.

یئری گئلمیشکن ، رژیمین قوندارما آنا یاساسی نین ایلک باشلانغیج شرحی نین ایکینجی اصلیندۀ ،  جمهورییت آدی آلتیندا تام گئریجی ، الدادیجی کلمۀ لر ؤ بیرسیرا فوُناتیک دینی شرح لردن سوُنرا ، بعضی ایچی بوُش ؤ بوگوُنۀ قئدر هئچ ایجراء اوُلونمییان وعدۀ لردۀ یئرآلمیشدیر.

دینی دیسپوت دوُشونجۀ لرأساسیندا یازیلمیش بو کلمۀ لردن نمونۀ اوُلاراق (آنا یاسانین ) ایکینجی مادۀ سی هئرشئیی آچیق آیدن گوُسترمئکدۀ دیر. آشاغیدا یازیلمیش اوُرتا چاغلارا عاید اوُلان سوُزلر "جمهورییت ، دموکراسی ، اینسان حاقلاری " ایلۀ نۀ اینکی هئچ بیر اوُیغونلوقو یوُخدور ، حتی یاشادیغیمیزعصردۀ چاغداش دوُنیادا ، اینسانلارین دوُشونجۀ لری ؤ ایستک لری ایلۀ تام ضیددییت دۀ اوُلان اوُیدورمالاردیر . ایکینجی اصلی اوُخویوروق :

اصل دوم - جمهوری اسلامی ، نظامی است برپایه ایمان به :

1. خدای یکتا (لااله الاالله) و اختصاص حاکمیت و تشریع به او و لزوم تسلیم در برابر امر او.
2. وحی الهی و نقش بنیادی آن در بیان قوانین .
3. معاد و نقش سازنده آن در سیر تکاملی انسان به سوی خدا.
4. عدل خدا در خلقت و تشریع .
5. امامت و رهبری مستمر و نقش اساسی آن در تداوم انقلاب اسلام .
6. کرامت و ارزش والای انسان و آزادی توام با مسوولیت او دربرابر خدا که از راه :

الف - اجتهاد مستمر فقهای جامع الشرایط براساس کتاب و سنت معصومین سلام الله علیهم اجمعین .

ب - استفاده از علوم و فنون و تجارب پیشرفته بشری و تلاش در پیشبرد آنها.

ج - نفی هرگونه ستمگری و ستمکشی و سلطه گری و سلطه پذیری ،قسط و عدل و استقلال سیاسی و اقتصادی و

اجتماعی و فرهنگی و همبستگی ملی را تأمین می کند.

                                            سیتادین سوُنو

گوُروندویوکیمی بو یاسانین باشلانغیجیندا قئید اوُلونموش مضمونلار اوُرتا عصرلرۀ عاید اوُلان تام گئریجی ، فوناتیک کلمۀ لر دیر ، عین حالدا توُپلومون سادۀ لیگیندن سوء ایستیفادۀ ائدیب اوُنلاری آلدادماق اوُچوُن، بعضی ایچی بوُش کلمۀ لر ؤعمل اوُلونمییان مادۀ لرلۀ اوُنو بئزۀ میشدیرلر. یوُخاریدا یازیلان شرحین داوامی اوُلاراق آشاغیدا قئید اوُلونموش مادۀ لرایسۀ ، تکجۀ میللتی آلدادماق ؤ دوُنیا اوُزریندۀ رژیم اوَچون مشروعییت قازانماق هدفی ایلۀ یازیلمیشدیر.

آنجاق بوگوُنۀ قئدر 36 ایل رژیمین قانلی بلالی عوُمروندن کئچسۀ دۀ ، اوُ مادۀ لرین هئچ بیری عمل اوُلونمادان ، یازیلدیغی کیمی کاغیزاوُزریندۀ قالماقدا دیر.              

تأسوف لراوُلسون کی هئلۀ دۀ بیرچوُخلاری وارکی ایللردن سوُنرا همان قوُندارما مادۀ لرین ایجراء اوُلونماسینا اوُمید باغلییب ؤ اوُنون ایجراء اوُلونماسین طلب ائدیرلر! بیرحالداکی بیزگوُروروک ، بو مادۀ لرین ایجراء اوُلونماسین طلب ائدن مدنی اینسانلار، آردیجیل اوُلاراق وحشی جئسینۀ هجوملارا معروض قالیب ،  توُتوُقلانیب، زیندانلاردا ایشکنجۀ اوُلوب ، اوُزون ایللر بوُیو حبس جزاسینا ؤ یا اعداما محکوم اوُلماقدا دیرلار، ویلایت فقیه رژیمینۀ قارشی دوُران هئرکیمسۀ اوُلور اوُلسون ، توُرک ، فارس ، کوُرد ، تورکمن ، بلوچ ، عرب ، لرُ ؤ سایرۀ لرین یئری زیندان ؤ اعدامدان باشقا بیرشئی دئییر.  اوُرنک اوُلاراق :

ایللر قاباق توُرک میللتینۀ چیرکینجۀ سینۀ اهانت ائدن " ایران گاذتی نین " کاریکاتورماجراسی بابک قالاسی قوُرولتایی حادیثۀ سیندن باشلییاراق ، بیرچوُخ غیرتلی آذربایجان توُرکلری ایلۀ بیرلیکدۀ ، سعید متین پورلار، عبباس لیسانی لر، حسن دئمیرچی لر ، ؤ اوُرمو گوُلونون رژیم طرفیندن عمدن قوُرودوُلماسینا دائیر اعتراض ائدنلرین توُتوقلانما لاری، ایشکنجۀ اوُلمالاری، اوُجوملۀ دن 5 نفر یئنی گاموح تشکیلاتینین رهبر لرینین تکجۀ 15 ینجی مادۀ دۀ قئید اوُلونموش توُرک میللتینین اوُز آنا دیلندۀ درس اوُخوماسین طلب اتمئک جوُرمو ایلۀ توُتوقلانیب ، رژیمین اوُز قانونلارینا ضید اوُلاراق، 45 ایل حبس جزاسینا محکوم اوُلمالاری ؤ یوُزلرلۀ آذربایجانلی میللی ، مدنی فعالارین بوُش بهانۀ لرلۀ آردی آردینا توُتوُلوب حبس خانالاردا ایشکجۀ لرۀ معروض قالمالاری ؤ اوُستۀ لیک کا گه به مئتودو ایلۀ  میللی ، مدنی فعاللاری مختلیف تاکتیکلرلۀ یوُخ اتمئک اوُچون ، هئرگوُن یئنی ـ یئنی کامیون حادیثۀ لری یارادماقلا ، اوُنلاری قتل ائدیرلر. بووحشی گرلیکلر هئر کئسین گوُزلری اوُنوندۀ دیر.  

سوُزون اصلی ، اساسی بودورکی ایسلام ناب محمدی رژیمی نین آنا یاساسی ایلک گوُندن تا مامیلۀ بیرآلدادیجی اوُیون ؤ حیلۀ گرلیکدن باشقا بیرشئی دئییردی.  بو رژیم حاققا عدالتۀ باش ائیمز، میللت لرین طبیعی ایستک لرینۀ موثبت یاناشماز، اینسانلیقا ، عدالتۀ باش أئیدیگی زامان ، رژیمین اوُلوُمو دئمئکدیر، چوُنکی ویلایت فقیه قوروسونون نۀ ذاتیندا  نۀ دۀ ماهییتیندۀ عدالت یوُخدور. بوقان توُکنلرین جیناغیندان خیلاص اوُلماقین بیرتک یولو وار، ایران زیندانیندا أسارتدۀ یاشییان میللت لرین بیرلیگی ؤ بیرگۀ قیاملاری ایلۀ بوفیتنۀ کار شئیطانلیق قورقوسون داغیدیب ، آرادان قالدیریماق لازیم دیر . آردینجا أسیراوُلموش هئرمیللت اوُز سرنوشتینۀ حاکیم اوُلا بیلر.                            مادۀ لر: 13ـ 15 ـ 19 ـ 20 ـ 22 ـ 23 ـ 24 ـ 25 ـ 26 ـ 27 ـ 30 ـ 32 ـ 37 ـ 38 ـ 39 ـ 48 ـ 50 ـ أگر بو مادۀ لرایجراء اوُلونورسا ! هئر بیرینین ایجراء اوُلونماسی ، رژیمینین اوُلومو ؤ یوُخ اوُلماسی دئمئک دیر . اوُستۀ لیک ولی فقیهین چئورۀ سین بوُروموش رنگارنگ اوُغرولار، عرب ترورچو مافیا گروپلاری ؤ اوُنلارلا بیرلیکدۀ ، راسیست فارس قاچاقچی آیت الله لارؤمین جوُر فساد لارا ، تجاوزلارا آلودۀ اوُلوب ، بیرگئجۀ دۀ میلیاردراوُلموش سردار،سرلشگر پاسداراوُلموش سپاه باشچیلاری ، بسیجین اوُغرولاری ، قاچاقچیلاری، بازارمافیا تاجیرلری، حزب الله باشچیلاری ، بو رژیمین وار اوُلدوقیندان ایستفادۀ ائدیب میلیاردلاردوُلار غارت ائدنلرین اوُلومو دئمئک دیر،  بودا میللت لرین بیر آراییا گئلیب ، بیرلئشمۀ لری ؤ بیرگۀ  قیامینا باغلی دیر.

نتیجۀ : بو رژیمین آرخاسیندا دورانلار:

ایران دئیلن اوُلکۀ ، 36 ایل  مودتیندۀ رحمسیزجئسینۀ ، حسابسیز، کیتابسیز داخیلی ؤ خاریجی غارتگرلرین وسیلۀ سی ایلۀ ، غارت اوُلونسادا ، هئلۀ دۀ بوُیوک ؤ توُکنمز ، میثیل سیز طبیعی قایناغلاری ؤ ثروت لری اوُلان اوُلکۀ دیر. بوگوُن بوُیوک مقیاسیندا نارکوُتیک ؤ سیلاح  قاچاقچی مافیالاری . بیرگئجۀ دۀ یوزلرجۀ میلیارد دوُلاری غارت ائدن ایران بازارینین اوُختاپوس مافیالاری ، رژیمین وارلیغیندان سوء ایستیفادۀ ائدن جوُربۀ جوُر اوُغرولار،سردار سپاهلار ، بسیج ، اطلاعات باشچیلاری ، ایسلامچی ترور گروپلار، داخیلدۀ ؤ خاریجدۀ اوُلان فارس راسیست محافیلی ، پان ایرانیست لر، کئچمیش پهلویلر رژیمینۀ منصوب اوُلان ، آنجاق مقاملارین ألدن وئرمیش شاهچیلار، رژیمین خاریجدۀ یاراددیغی لابی لری ، روسیۀ ، چین ،  شمالی کرُۀ ؤ سایرۀ لر اوُز منافع لرینۀ گوُرۀ بو رژیمین آرخاسیندا دیرلار.

رژیمین بوگونکو دوُرومو : ایران آدلانان اوُلکۀ سیاسی ، ایجتیماعی ، مدنی ؤ دینی باخیمدان داها 36 ایل بوندان قاباقکی اوُلکۀ ؤ میللت لردئییرلر. أگر بیرزامان خمیئنی دین ، مذهب سیلاحینا دایاناراق ، اینسانلاری آلدادا بیلمیشدیرسۀ ! آنجاق بواوُزون پروسئسدۀ ایراندا حاکیم اوُلان  ایسلام رژیمی اوُز جینایتکار عمللری ، یالانلاری ، حیلۀ گرلیکلری ؤآیت الله ( آقازادۀ لرینین ؟ ) داواملی اوُغورلوقلاری اوُلکۀ نی فلاکتۀ سوُروکلۀ میشدیر، آنجاق محروم ؤ زحمتکش طبقۀ نین یئنی نئسلی نین اوُیانیشی نتیجۀ سیندۀ ، عصرلر بوُیو موُللالار وسیلۀ سی ایلۀ تبلیغ اوُلونموش ایسلام دینی ؤ اوُنون چئشیدلی مذهب لرینین اوُزرینۀ چئکیلمیش قارنلیق اوُرتو موللالارین اوُز چیرکین عمللری ، اوُغورلوقلاری ایلۀ اوُستون آچیلدی ؤ اوُرتونون آلتیندا گیزلئدیلمیش فسادلار، یالانلار نۀ یاخشی کی موُللالارین اوُز چیرکین عمللری ؤ جینایت لری ایلۀ آردی آردینا اوُزۀ چیخمیشدیر.

بوکوُن دوُنیانین شعورلو میللت لری ایسلامین حقیقی چهرۀ سین آچیق ، آیدین گوُرمئکدۀ دیرلر ، حتی ساغلام ؤ سادۀ موسلمان اوُلان اینسانلاریندا اینانجلارینا بوُیوک ضربۀ دئیمیشدیر ، چوُنکی ایسلام دینی نین گزلۀ دیلمیش چهرۀ سینین نۀ اوُلدوقون ایراندا حاکیم اوُلان شیعۀ رژیمی ؤ افغانستاندا سُنی طالبانلار ، ألقاعدۀ ترورچو لاری ، أخوان ألمسلمین ، حزّب الله لبنان ، حماس، داعش ، بوکوحرام جینایت کارلاری،  ؤ باشقا رحمسیز، تجاوزکار، فوناتیک موُسلمان گروپلاری اوُز عمللری ؤ جینایت لری ایلۀ گوستردیلر ؤ میللت لر اوُنو تجروبۀ اتدیلر. دئمئک ایسلام دینی، ایسلامین اوُز ألی ؤ عملی ایلۀ رسوای اوُلماقلا ، حئیثییت سیز بیردینۀ چئوریلمیشدیر . هئرحالدا       بورژیم دئوریلمئگۀ محکوم دور، بونوتاریخ حوُکم ، آنجاق اوُنون زامانین میللت لر اوُز گوُجونۀ دایاناراق معیین ائدۀ جئک  هاچان ؟ هانسی تاکتیک لۀ ؟ اوُنودا زامان گوُسترۀ جئکدیر.          آذرخش ـ 1 / 1 / 2015