۱
آیريًليًق دئمه، آیريًليًق اوره یین داغيًديًر
قاريًنداشلاريًميًزدان[1] آیريً دوشمک آجيًديًر
بیر خالقيً ایکییه بوُلموش آذربایجانيًديًر
     جنوبدا[2] راسیستی بیر دُولتدن آسيًليًديًر
     میللتی اوُز وارليًغيًنا صاحیبلنمه ییبدیر.

۲
شوُوُنیستلر قارداشيً قارداشدان آیيًريًبلار
اوشاقلاريًنا تورکجه آديً یاساقلایيًبلار
خالقيًنيً کندی آدلاريًنا حسرت قویوبلار
     بیر خالقيً بیری بیرلریندن آیيًريًبديًرلار
     بوُیوک بیر نیسگیل اوره کلرینده قویوبدورلار.

۳
مکتبده فارسجا اوُخودور، آیيًريًر دیلیندن
ایش اوچون سورگون ائدیر، آیيًريًر اوُز ائلیندن
آسیمیلشدیریر، آیيًريًر اوُز کولتوروندن
     خالقيًميًز داها قالمایيًر اوُز هووئییه تینده
     مانقورتلاشيًر اریییر فارس خالقيًنيًن ایچینده.

۴
بیر خالقيً آیيًرماق ایسته ییرسن وطنیندن
یئترکی آلاسان اوُنون دیلینی الیندن
بو سوُزلر دئییلیر ایران حاکیمییه تیندن
     اوممتچی[3] تربییت ائت، چيًخار هووئییه تیندن
     آیريًلارخالقيً اوُز کولتورو ایله منلیگیندن.

۵
خالقيًميًز اوُز کیملیکلرین تانيًماليًديًرلار
اوشاقلاريًنا تورک آدلاريً قوُیماليًديًرلار
اوشاقلاريً ایله تورکجه دانيًشماليًديًرلار
     وطنداش ایله ائولنیب یاشاماليًديًرلار
     اوُز سوُیلاريًنيً حیاتدا قوُروماليًديًرلار.

۶
خالقيًميًز اوُزلرینه ده یه ر وئرمه لیدیرلر
سوچو باشقالاريًندا آراماماليًديًرلار
سوچ وارديًرسا، ایلک اوُزلرینده بولماليًديًرلار
     اوُزلرینه حوُرمت قوُیمایانلاريً مینرلر
     تورک"خر" دئییب تاریخده حیاتيًن سیلرلر.

۷
خالقيًميًز اوُیانيًب اوُزونه گلمه لیدیرلر
کیم اوُلدوقلارینيً آیديًنلاشديًرملايًديًرلار
ندن اوُز آنا دیلین اوُیره نمه مه لیدیرلر؟
     آنا دیلین اوُیره نمه یی کیمین ضرریدیر؟
     باشقا اینسانلارلا بو دونیادا فرقی ندیر؟

۸
خالقيًميًز گئچمیشلرینیی[4]اوُیره نمه لیدیرلر
کوُله اوُلماغيًن ندنلرین بولماليًديًرلار
کوُله  تک یاشاماسيًنا سوُن قوُیماليًديًرلار
     آیديًنلاريًميًز بو حاقدا چاليًشماليًديًرلار
     یازيًلارلا خالقيًميًزيً اوُیادماليًديًرلار.

ائلدار گونئیلی     ۲۰  دی ۱۳۹۳       

http://www.veten-havasi.com/ir/veten-havasi/400-ayriliq.html