گزارش نقض حقوق بشر
"سؤز قارداشی-" محمود دالغا
پنجشنبه ۱۶ بهمن ۱۳۹۳ ساعت ۰۳:۲۳ | 
سؤزلری کیم اودا چکدی؟
قارا چکمه،
قارا بایراق.
کیتابلاردان تونقال قوران،
کیملر اولدی؟
قارا چکمه،
قارا بایراق.
کاغیذلارین دوشمان کیم؟
قارا چکمه،
قارا بایراق.
"موصیل" ده بیر کیتاب یانیر
"تبریز"ده اورگیم دئشیلیر
منیم او گونلریم اولوب
منده ده او گونلردن کئچیب
یانمیش کیتابلارین چوخون
من یئل قووان نان آلمیشام
یاغیش یاغاندا چتیرمی
آچیب سؤزلری ییغمیشام.
کاغیذ قارالیب اؤلسه ده
اودا دا یانییب چوروسه ده
سؤزلر اوچار بولوت کیمی
سؤزلری یاندیرانمازلار
بیز ایکی میز سؤز قارداشیق
اوددا یانان بیر سیرداشیق.
منیم گوناهیم دیلیدی
آنام وئرن نیسگیلیدی
سنین گوناهین نییدی؟
آی بئچارا، قارداش کاغیذ.
"نون القلم" اودا یانماز
سؤزلر جننت هدییه سی دی
آنا دوشونن آلمیشیق
یانساقدا بیز دایانمیشیق
قارا چکمه
قارا بایراق
یانان سن سن،
قوخویورسان.
