گونئی آذربایجان قادین کونفرانسی کومیته‌سی نین بیلدیریشی
دیرلی یوردداش‌لار!
داها اؤنجه‌دن بیلدیردیگیمیز کیمی مای آییندا ایسوئچین ایستوجکهولم شئهرینده کئچیریلمه‌سی بیل‌دیریلن آذربایجان قادین کونفرانسی، سئنتیابر آیی‌نین 3- 4-نه ارتلنمیش‌دیر.
کونفرانسدا گنل اولا‌راق آذربایجان قادین‌لاری‌نین سیاسال، توپلومسال، ائکونومیک سورون‌لاری، اؤزل اولا‌راق گونئی آذربایجان قادین‌لاری‌نین اولوسال ،ائله‌جه ده قادین حاق‌لارینی الده ائتمک یولوندا وئردیک‌لری موجادیله اله آلینا‌جاق‌دیر. کونفرانس بوتون دونیادا یاشایان آذربایجان‌لی‌لارا ائله‌جه ده بو حاقدا فیکیر،دوشونجه ییه‌لری اولان باشقا تورک دیل‌لی سویداش‌لاریمیزا آچیق‌دیر. کونفرانسا آوروپا‌دان قاتیلماق ایسته‌ین یوردداش‌لاریمیز ان گئج یول آیی‌نین 15 -ی، ویزا گرکن اؤلکه‌لردن قاتیلماق ایسته‌ین‌لر ایسه ان گئج یون آیی‌نین 30-نا کیمی بیلدیرمه‌لری خاهیش ائدیلیر.
چاغیریش
بئله‌لیکه قاتیلما ایمکان‌لاری اولان یوردداش‌لاریمیزی ائله‌جه ده گونئی آذربایجان سیاسی قوروم و اؤرگوت‌لرین بو کونفرانسا گلمه‌لرینی دیلییریک.
آچیقلاما
دیرلی دوست‌لار مالی ایمکان‌لار ایزین وئرمدیگین‌دن دولایی کونفرانسا قاتیلان‌لار یول ائله‌جه ده هوتئل خرج‌لرینی قاتیلیمجی‌لار اؤزلری اؤده‌یه‌جک‌دیر.
سایغی‌لاریمیزلا
گونئی آذربایجان قادین کونفرانسی کومیته‌سی
این نشانی پست الکترونیک دربرابر spambot ها و هرزنامه ها محافظت می شود. برای مشاهده آن شما نیازمند فعال بودن جاواسکریپت هستید
