شهید" - ماحموددالغا
بیر ننه، ساچلاری آغ
گؤزلری ياش.
قارا داش اۆسته بیر آد
بیر شکیل قاشلاری چاتما.
بیر جاوان
بیر ایگید
بیر شهید.
ننه داش اۆستکی آد
اوْوجونا آل
قلبینه سانج
گؤزونین ياشلارینی
قوْيما گؤره بیرده بیری.
ننهلر لاي لاي اوْخور
قۇشمالاری ساز تئلی دیر.
بیری دردلی
بیری شاد.
بیرینین اؤلکهسی آباد
بیرینین کؤلکه يۆخ.!
بیر ننه ساچلاری آغ
گؤزلری ياش.
وطن اوْلسون
ننه اوْلسون
هامی تۆرک خالقی وار اوْلسون.
بیر قارا داشدا منیم ده آدیمی
تۆرکجه ياز
"بۇ شهید قۇربان اوْلوبدور
وطنین، درد غمینه".
هامی بیر اوْلمالیدی
اللر اله قوْيمالیدی
هر الین بارماغی بئشدیر
گۆجی آز!
گۆجلی اللر يۆمروق اوْلمالیدی
وطنی اجنبیدن آلمالیدی.