English            Latin   

برای دریافت مطالب جدید به این آدرس www.azoh.net  مراجعه فرمایید

Yeni Adresimiz www.azoh.net

New Address www.azoh.net 

گفتنی است این سایت آرشیو مطالب منتشر شده از اسفند 89 تا دی 92 و همچنین از مهر 94 تا شهریور 95 را شامل می شود
 

میلی حرکت و یالانچی پهلوانلار- آیدینلیق صفحه سی

کئچن اییرمی گونون ایچینده آزربایجان میلی حرکتی، ایکی بؤیوک حمله نی گئرچکلشدیردی. بیرینجی سی بی بی سی فارسی دا، ایستیقلال آماجینی عموما چاتدیردی. و هم میلتیمیزه و هم دوشمنه بیلدیردی کی، آزربایجان تورک میلتینین ایندی کی وار استعماری دورومدان قورتولوش یولو ایستیقلال دان کئچیر. بو میلی فعاللاریمیزی سئویندیرمک له بیرلیکده، دوشمنده ده بؤیوک قورخو یاراتماغی باجاردی. آرتیق ایستیقلال خطی، داها گوجلنیب و اساسی بیر آلتئرناتیو کیمی سونولدو. طبیعی کی حرکتین اؤلومونو جشن توتانلاری، بئله بیر اقدام شوکا سوخوب و هر زامان کی، کیمی نه دئیه جک لرینی بیلمه ییب، مین بیر، تحلیل آدلاندیردیقلاری جفنگیات لا جواب وئرمه یه چالیشدیلار. آما نه قدر چوخ جواب وئردییسه لر، داها چوخ باتیب و چیخماز همده گولونج وضعیته دوشدولر.

ایکینجی سی ایسه، دوغو تورکوستان داکی سویداشلاریمیزا دستک اولاراق فاشیست قیزیل چینین جینایتلرینه اعتیراض آکسیاسی اولدو. تورکچولویو بیر خوشا گلمز، دوشونجه کیمی قلمه وئرن حضرات ایسه یئنه نه دئیه جکلرینی بیلمه ییب و جفنگیات توخوماغا باشلادیلار. چونکی بو دیرلی اقدام اونلارین نه قدر میلی حرکتدن خبرسیز اولدقلارینی اوزه چیخارتدی. و هامی یا گؤستردی کی تورکچولوک ادعا اولونان کیمی قورخونج بیر ایدئولوژی یوخ، تورک میلتینی بیر بیرینه باغلایان و گوجلندیرن بیر اؤنملی مفکوره و تمل بیر اصل دیر.

اصلینده بو اقداملار ایکی شئیی بیزه گؤستریر.

۱.حرکتین تملی ایکی شئیه دایانیر بیر. آزربایجان چیلیق (بی بی سی ده مطرح اولونان ایستیقلال موصوسونو نظرده آلاراق). ایکی تورکچولوک (دوغو تورکوستان آکسییاسینی نظرده آلاراق).

۲.اؤزلرینی ضیالی یا آیدین دئینلر، هر بیر توپلومدا توپلومون اؤنونده گئدن اینسانلاردیرلار. آما بو ایکی اقدام و بو اقداملارا منفی یاناشان اؤزلرینی میلی آدلاندیران سؤزده ضیالیلار بونو ثبوت ائتدیلر کی حرکتین و میلتین آرخاسینجا سورونورلر. باشقا سؤزله اونلاردا نه اؤن گؤرو واردیر نه ده هئچ بو گونو گؤرمک قابلیتی.

باشقا سؤزله بئله شخصلره نه آیدین نه ده کی اؤنجول دئمک اولماز. اونلار بیر سیرا میلی حرکتله مخالف، سؤز پهلوانلاری و گئرچکلیکدن قوپموش بیر سیرا خیال پرستلردیرلر.

https://www.facebook.com/permalink.php?story_fbid=725860337524010&id=577941255649253

Share/Save/Bookmark
 
آدرسهای ما - Follow us

YouTube

 -----

Facebook

----- 

Twitter