کیم مقدساتا توهین ائله دی ؟ اوبالی یا سپاه ؟- قافلان یورد
بیر یولداشیم واریدی قولاقی توهلو ایدی ؛ بیرگون بحثیمیز اولدی.
دئدیم فلانی من ایستییرم نماز قیلمییام اوروج توتمویام . دئدی اوزون بیلرسن اما اوروج نماز انسانا خیری وار.
دئدیم اماملاری دانسام نه اولار؟ دئدی پیس ایش گوروسن؛بوجور دوشونمه؛ اما گینه اوزووه مربوطدی.
دئدیم پیغمبری دانسام ,سن نه ائدرسن؟ دئدی هیچ زاد؛ اما بو ایشی گورمه.
دئدیم اسلامی , دینی, اللهی دانسام اونلارا توهین ائله سم , نه ائدرسن؟ دئدی اوزووه مربوطدی اما بو ایشی گورمه سن یاخشیدی.
بیردن دووارداکی خمینی و خامنه ای نین عکسین گورسدیب دئدیم او گئده لری گورورسن؟ اونلارین آغزینا (...).
بیردن یئریندن دیک قالخیب منی قووالادی , منده قاچدیم .
بیرآز سونرا کی غضبی یاتدی گلدیم یانینا دئدیم فلانی , من نه دیندن چیخمیشام , نه نمازی ترک ائتمیشم نه اوروجی , پیغمبره و اماملارادا اینانیرام و اونلاری سئویرم اما فقط ایستدیم سنه ثابت ائلیه م کی سیزلر شخص پرست سیز؛ سیز بو ملالاری امام پیغمبردن قاباق بیلیرسیز, سیزین الله یز امامیز بونلاردی ؛ من بوتون مقدساتی دانماق ایستدیم سن هئچ آغیر تپکی گوسترمدین, اما ایکی دانا سیاستچی موللایا یامان دئدیم منی قووالادین توتوب تاپدالیاسان , سیز مشرک سیز, بت پرست سیز.
داها اوندان سونرا منیم یانیمدا دانیشمازدی.
-------------------------------------------------------------------------
سپاه ین آناج سایتیندا بیر ویدئو قویولوب ؛ احمد اوبالی دانیشیر ,بوتون مقدساتی ,امام پیغمبری , ییغییر بیر یئره ؛ فیرچانی وئریر اللرینه کی خامنه ای نین آغزینا سوخسونلار ؛ اما احمد اوبالی (خامنه ای ) کلمه سین دیینده , سسی کسیلیر؛ سپاه و اونون یالانچی آناج سیته سی , مونتاژ ویدئودا , بئله گوستریر کی اوبالی پیغمبره اماما توهین ائدیب. یعنی سپاه , خامنه ای کلمه سین حذف ائدیب و توهینی اوندان چئویریب امام پیغمبره ساری. یعنی حاضر اولوب اوز منافعی ایچون امام پیغمبری توهینه معروض قویسون اما خامنه ای یه توهین اولماسین.
ایندی گورون کی بونلار نجور مسلماندی .
ائله بوجور اولدی کی سپاه و بسیج شمره دوندی. بو ائله ده عجیب بیر شئی دییل.
