English            Latin   

برای دریافت مطالب جدید به این آدرس www.azoh.net  مراجعه فرمایید

Yeni Adresimiz www.azoh.net

New Address www.azoh.net 

گفتنی است این سایت آرشیو مطالب منتشر شده از اسفند 89 تا دی 92 و همچنین از مهر 94 تا شهریور 95 را شامل می شود
 

کافر تؤحفه سی- درویش اوغلو

بیر مسلمان کی او کافردن آلیب قرانی

بو کیچیک هدیه یه وئرمیش دین ایله ایمانی

اولمایا مملکت دین ده قران یوخ ایدی؟

ساتمالی ایدیق بئله بیر تحفه یه بیز اسلامی؟

بیزه قران گتیرن ائتدی بیزی کور، کار، لال

گؤرمه یَک بمب آتم لا کسیلن قربانی

بلکه بیر گون ده جماعت نامازیندا اولاجاق

پئش نامازلیق ائدرک قاندیراجاق دونیانی

اگیلیب قالخاجاق، الله اکبر لر دئیه جگ

کافر اولوسن، نه اولار، موللا اونون حیرانی

گؤرَسن من یئنه او مصحف پاکه اینانیم؟

اگیلیب، قالخیم، گئدیم سجده یه یا سبحانی؟

 بیلمیرم بو نئجه قران دیر کی میندار اولماز

کافر ائتسه ایچینه، گیزلنرَک پنهانی

بیر مسلمان ائده گر آیه قرانه خطاب

آسیلار ائرته سی گون دار آغاجیندان جانی

بیز مسلمانلارا "آخماق" دئمه ین آخماقدیر

کؤهنه بیر یازقی ایله کافر آلیر ایرانی

کؤلن، نوامبر

Share/Save/Bookmark
 
آدرسهای ما - Follow us

YouTube

 -----

Facebook

----- 

Twitter